Михаел Балак пие пиво, додека Џон Тери „гине“ на теренот
Англиските медиуми повторно покренаа кампања против германскиот плејмејкер на Челзи, Михаел Балак. На островјаните, освен добро познатата германска фобија, им пречи и високата плата на централниот играч на „панцирите“. Англиските медиуми не можат да се помират со фактот дека Балак и Украинецот Шевченко се најскапоплатени играчи во Премиер-лигата (120.000 фунти неделно) и бараат и најмала причина за да ги оцрнат во јавноста.
Балак поради операција на глуждот на ногата ќе паузира најмалку до ноември и времето за рехабилитација го искористи да замине во Минхен на познатиот саем на пивото „Октобер фест“. Англиските медиуми веднаш реагираа и се запрашаа како може Балак со сопругата Симоне да ужива во колбаси и во пиво, додека неговите соиграчи се подготвуваат за средбата од ЛШ против Валенсија.
Се тврди дека патувањата на Балак не му се преголем трошок, бидејќи има високи неделни примања. Но, исто така, од него се бара да покаже и малку професионализам и да ги поддржи соиграчите, во време кога Челзи се наоѓа во резултатска криза.
„Треба да земе пример од Џон Тери. Тоа е играч лојален на клубот. И покрај препораките на докторите, тој реши со маска на лицето да настапи против Валенсија. Тери, по неделната операција на јаболчната коска на лицето, можеше да си земе одмор и да пие пиво, но не го стори тоа и се врати да им помогне на соиграчите. Ако не може да игра, Балак може да им даде поддршка на соиграчите“, може да се прочита во англиските таблоиди.
ovoj izgleda se sprema samo za kupovi i liga na sampioni ne go interesira domasno prvenstvo
