Николиќ кажа збогум, а не доби ни цвеќе ни благодарам
Ја кандисаа да игра во квалификациите за ЕП и со нејзина помош ја победивме Франција, а потоа и Литванија и Турција, а не ~ дозволивме да каже збогум додека не го одигра и ова ЕП. Јулија Николиќ остана вистински спортист докрај, не ги напушти колешките и им помогна колку–толку во групната фаза од ЕП во Ниш. Им порача на ракометарките дека им посакува среќа во иднина и да го задржат континуитетот на настапи на големите натпреварувања. Нема веќе премислување.
- Ова е последен меч. Нема повеќе премислување. Kажувам збогум - изјави Николиќ по мечот со Данска.
Kолку што таа беше фер, толку од РФМ го заборавија нејзиното збогување. Немаше ниту најава дека е последен меч ниту обичен цвет со кој пред оние гледачи во полупразната сала во Ниш, барем со голем аплауз Николиќ ќе заминеше во легендите на македонскиот женски ракомет. Осум години е дел од репрезентацијата играше на три ЕП и две СП, финалист на Лигата на шампионите со Kометал ЃП.
Со неа играта секогаш е побрза, одбраната поагресивна, нападот непредвидлив. На ова ЕП ја немаше нејзината препознатлива игра, ама и целата репрезентација играше така. Една ластовичка не може да ја најави пролетта, па така и Николиќ не може с` сама. Ракометот е колективен спорт.
- Многу ми е жал што не поминавме и што не направивме некој добар резултат овде, но се надевам дека тоа ќе го сториме на следното светско или европско првенство - изјави Јуле.
РФМ заборави да ~ подари барем букет. Го немаше на средбата, го немаше ниту во хотелот кога беше заедничкиот банкет и вечера. Можеби подготвуваат нешто специјално во Скопје, но малку веројатно. Сега сите се слободни, ден-два да се видат со роднините и секоја на своја страна. Николиќ е во Русија, во Звенигород. Има договор на една година, би сакала да одигра уште една плус, но најважно е да се биде здрав.
- Не зависи од мене, туку од тоа како ќе бидат колената, раката, колку може телото да издржи - вели Николиќ.
Немам коментар на ова...
Џабе букетот, ќе требаше уште три меча да игра 
. ?
