Дали почитувате туѓи мислења?

[Дивајн]

Темава ми е конкретно за форумов, затоа и ја отварам тука.

Значи, дали ги почитувате мислењата на Кајганџиите? Дали знаете да ги прифатите и тогаш кога се разликуваат од вашите? Дали имате почит кон сечие мислење на форумов, особено кон мислењата на тие што не ги знаете? Или па токму нивните мислења повеќе ги омаловажувате и токму со нив помалку внимавате како дискутирате?

Темава ја отварам бидејќи често се случува членовите (посебно со новите) да се најдат со различни ставови и мислења, па да се раскараат на една или неколку теми и останат на некој начин непријатели. Ми се случило и мене, многу јасно, па еве малку и тој проблем да го разгледаме.
Ми се случило да оценам лошо некој нов член според некој негов пост, па подоцна да забележам дека всушност многу добро размислува за повеќе работи и ми е криво што сум помислила така или ако сум вратила на тоа, ми е криво што сум го направила тоа. После таквите грешки, се трудам да не пресудувам ништо за некој што не го знам, без оглед дали некаде за нешто ќе се сложиме, а некаде не. Исто така внимавам и кога реплицирам некому кој има спротивен став од мојот, за да не бидам грешно сватена, нормално, до некои свои граници. Сепак, секогаш и во се` има исклучоци.:podsmev:
Убаво и средено мислење поштовам, па некогаш знам таквите да ги наградам и со репутација, иако не се сложуваат со моите.

Јас мислам дека е многу подобро кога и луѓето со различни ставови би знаеле да комуницираат, токму со тие спротивни мислења. Тоа е интересно, таква дискусија привлекува внимание и од останатите, а исто во една таква дискусија можеби на крај некој нешто може да научи или дознае (како што повеќето напишавте во таквата тема во Општи). Неможе сите на сите теми да мислиме исто, па нели е во ред да се прифаќаат и спротивните мислења без понатамошни расправии, туку со дискусија во која секој со секого би се разбрал?

Што мислите вие во врска со ова и како реагирате кога се наоѓате во такви ситуации?
:helou:

 

[G e G o]

Па почитувам мислења од членовите што ги знам ... дури понекогаш и совети, ги читам и новите членови и имам приметено дека после опомена ( црвено или од админ оопомена ) сосем поинаку пишуваат на форум ( барем некој )
Исто и мене ми е случено некој нов член да мислам дека е ( извини на израз ) глуп па после следниот негов пост е баш на место
Ама лошо е што јавно се вреѓаат ... ако не ти се свиѓа некој пост пробај да му докажеш спротивно а ако не се согласува со тебе па секој си има право на свое мислење нема потреба од трескање глупости и јавно вреѓање

 

[Точкест]

Ги почитувам апсолутно сите можни мислења на форумџии без разлика на нивниот статус(модератор, администратор, лузер, обичен форумџија). Сепак се збори за одредена личност со свој став свое мислење, затоа се почитуваат мислењата, едино мислење што е во крајност глупаво ме иритира т.е. вади од чорапи и може да с*издам. Како што кажа Дивајн ако е мислењето убаво смислено, да држи место тогаш тоа крајно го почитувам.

 

[Serpico]

Сум за дискусија, не за караници.

Секој си има свој став. Некогаш или поточно кај некого ставот е промислен и произлезен од искуство и стекнати познавања, а понекогаш или почесто кај некого е чисто контра на она што го прочитал пред тоа.

Бидејќи не ми е целта да продавам ветер во магла, да просветлам или да ги изведам на прав пат "грешните ситни форумџиски души" , туку да дискутирам, да научам, да споделам знаење и да ги доизградам моите ставови-сосема нормално е дека почитувам туѓи мислења.

Какви и да изгледаат, какви и навистина да се.

Под превезот на слободата на начин на живот и размислување кај човек, некогаш знае да се скрие само lame оправдување за некои постапки т.е. искажани ставови. Бидејќи слободата е најголема обврска, понекогаш кога нечие мислење воопшто не ми се допаѓа, го наоѓам јузерот по ИП адреса или преку телепатија и астрална проекција, го киднапирам и го фрлам на двата бенгалски тигри кои си ги чувам дома За цела среќа, најадени се последно време...

 

[kpbKENGUR]

пред се мора да се има почит со соговорникот за да може да настане билокаква дискусија. секој си е различен карактер, а со тоа различни сваќања, мислења и погледи на нештата. доаѓало до караници и црвенки, не дека немало такви работи, ама сум гледал да се задржам на темата, без забегавање. некој ќе попушти, некој ќе научи.. едноставно се дополнуваме поради тие разлики меѓу форумџиите.

 

[Almala]

Ја покушавам. Кога ќе се најдам у ситуација да бидам тотално изнервирана од нешто што ќе го прочитам (пример, ако некој ја навредува мојата интелегенција или мојата способност да размишљам), покушавам да излезам од таа тема додека не се искулирам за да можам да одговорам цивилизирано.

 

[Acid]

Не ги почитувам. Обично ги омаловажувам соговорниците и со тоа потсвесно го полнам моето его, ги лечам фрустрациите од мојот беден живот и комплексите кои ги имам. Уживам во тоа и не би го сменил за ништо на светов.

Ајде сега сериозно

Ги почитувам тие што заслужуваат почит и тие што знаат да дискутираат, макар и да имаат став кој се разликува од мојот на речиси секоја тема. Pearl е жив пример за тоа. Инает најголем, но секогаш на ниво.

Не ги почитувам "троловите" кои на форумов се регистрирани наменски. Тоа значи: пропагантори (бугари, спамери, топшопови...), кантери ("ej nemav cit zimi sveee!!!"), квази-наци(онал)исти (отвори под-форум "Политика" > барај јузер: ABC) и вечните мрчатори кои за целиот престој на форумов не се одлепуваат од една тема, било да е тоа во Интернет, Политика, Религија или Музика.

Почитувајте и ќе ве почитуваат.

 

[kpbKENGUR]

...Не ги почитувам "троловите" кои на форумов се регистрирани наменски. Тоа значи: пропагантори (бугари, спамери, топшопови...), кантери ("ej nemav cit zimi sveee!!!"), квази-наци(онал)исти (отвори под-форум "Политика" > барај јузер: ABC) и вечните мрчатори кои за целиот престој на форумов не се одлепуваат од една тема, било да е тоа во Интернет, Политика, Религија или Музика...
Почитувајте и ќе ве почитуваат.

малце од малце се пронајдов. не ме почитуваш? -(

 

[Acid]

Те почитувам тебе пер, твоите мислења се далеку над: "ej nemav cit zimi sveee!!!" :gush:

Не гледам зошто воопшто си се пронашол во категоријата "кантерчиња".

 

[ПрИтИ_гРл]

Секој има право на свое сопствено мислење! Некои грешни, некои точни, стекнати со искуство...

И да, дискусија прифаќам, секогаш, и гледам да го бранам својот став. Не велам дека секогаш моите мислења биле најдобри и совршени, имало најглупави, но се се стекнува со време!

За некои нови форумџии, сум имала лошо мисење уште од почеток, со некои глупави постови, и такво останало кај мене! Некои од почеток ќе ми се засвиѓаат, како ada уште од почеток знаев дека е добар пишувач!

И така... Она многу добро го кажа Acid-почитувајте и ќе ве почитуваат!

 

[leandra]

Со сите дискутирам на ист начин.Почитувам туѓо мислење,но несакам да ми се наметнува,особено без факти и докази(продавање магла).Најмногу ми смета,кога некој член неможе да го одбрани својот став и напаѓа лично,навредува,чита како што му одговара,ја тупи се на исто место,несака да прочита онака како што е,туку како што му одговара,меша теми и слично(ова најмногу се случува).Имам свои ставови зад кои стојам со сите мои постови и не наметнувам мислење на никој(негово е да прифаќа ова или она).

 

[Рамада]

Баш убаво што отвори ваква тема!:bravo:
Јас лично многу ги почитувам мислењата на сите Кајганџии.Убаво е да се прочита нечие мислење на одредена тема,да се сподели знаење да се осети жестокоста на различните ставови.Па не можеме сите да бидеме истомисленици,тогаш и форумов би ја немал оваа убавина што ја има сега!
Многу мои ставови и размислувања се поразлични од другите па тоа ме тера и повеќе да размислувам.Колку повеќе постови читам,толку повеќе карактери запознавам!Последна цел ми е да се карам со некого по форуми па обично избегнувам такви ситуации.Имам свои омилени теми па најчесто се задржувам на нив,а исто така некои денови сакам само да читам и не пишувам или само давам репутации на она што ми се допаднало.Едноставно многу мразам навреди и не почитување!
Тупење во место ме нервира,па затоа тогаш едноставно прекинувам!Знам кога е крај!Вежбам стрпливост!:smir:
Мене Кајгана ми е дневна доза релаксација...Сакам тоа и да остане!

 

[Crazy in Love]

Па мислам најнормално е секој да има свое мислење и тоа треба да се почитува без разлика дали е во спротивност или во согласност со твоето...Јас например ги читам сите мислења и сакам кога ќе се отвори дискусија...интересно да гледаш разноврсност на мислења...но страшно ме иритира што ако се спротиставиш одма те вреѓаат,ти се дерат(мислам пишуваат со големи букви де)...е тогаш знам и јас да се потскарам...но не за темата туку секогаш обавезно потенцирам дека никој нема право да се дере или да вреѓа некој само затоа што има различно мислење од него...честопати не сум се согласувала со мислењето на некој за некоја тема,но постот бил толку убаво напишан,што и покрај фактот што не сум се согласувала со мислењето,ми било задоволство да го читам...

 

[Limonida]

Ги почитувам безразлика на тоа дали се согласувам со нив или не...доколку сите размислуваме исто би било монотоно!

 

[Скулгрл]

Во глобала ги почитувам сите мислења, но секогаш има исклучоци. Не почитувам мислења на „простаци” кои користат фрази како „Ме заболе куро што мислиш ти” и слично. Не само што не ги почитувам, туку и ми ствараат благо чувство на повраќање.

Останатите ги почитувам, без разлика дали застапуваат ист или спротивен став од мојот.