- Член од
- 14 март 2010
- Мислења
- 16.810
- Поени од реакции
- 15.916
После првиот гренд слем во Австралија и неколку турнири од послаба конкуренција, конечно започнуваат мастерсите, турнири кои од пред некоја сезона носат наслов Мастерс 1000.
Прв мастерс турнир веќе долго време е турнирот во Индијан Велс, турнир кој некои го нарекуваат и петтиот гренд слем во сезоната. И поради тоа што на него учествуваат најдобрите тенисери на денешницата, а и по тоа што го имаат еден од најголемите терени во светот, за атрактивност и не станува збор.
Интересно на овој турнир оваа година ќе биде и враќањето на Рафаел Надал на тврда подлога, и сите тие очекувања да се врати назад на старите патеки. Досега тоа што го покажа на земјените терени и те како ветува дека ќе го гледаме стариот Рафа, а тоа значи и голема конкуренција за титулата на овој турнир, но ќе видиме како ќе се снајди на тврда подлога и како ќе реагираат неговите колена.Како главен фаворит сигурно ќе е Новак Ѓоковиќ, првиот на АТП листата, ланската сезона настапот на турнирот го заврши во 1/2 финалето, загуби од домашниот тенисер Џон Иснер, па така, речиси е сигурно дека тие поени ќе ги одбрани.
Титулата од ланската сезона ја брани Роџер Федерер, во финалето како што е познато го совлада Џон Иснер во два сета, речиси и не гледавме некое возбудливо финале.
Оваа година можен дуел во 1/4 финалето се очекува да биди Федерер - Надал, тоа ќе е така заради падот на Надал на АТП листата.
Во оваа цела „фрка“ не треба да се заборави и на Енди Мареј, тенисер кој минатата година премногу напредуваше во својата кариера, повеќе на психички план отколку на физички, со што резултираше со овојување на УС Опен, а и златен медал од Олимпијадата во Лондон.
Тој е во делот каде што е и Новак Ѓоковиќ, па нивен дуел треба да се очекува во 1/2 финалето, со напомена ако овие двајца стигнат до таму.
Главни носители на турнирот:
1. Новак Ѓоковиќ
2. Роџер Федерер
3. Енди Мареј
4. Давид Ферер
5. Рафаел Надал
6. Томас Бердих
7. Хуан Мартин Дел Потро
8. Џо Вилфред Цонга.
Најмногу титули на турнирот има освоено Роџер Федерер и тоа 4, во 2004, 2005, 2006 и ланската сезона 2012.
Награден фонд на турнирот:
$ 4,330,625
Телевизија која ќе го пренесува турнирот:
Спорт Клуб/ Не е исклучена можноста турнирот да се емитува и на МРТ (?)
Ждреб:
http://www.bnpparibasopen.com/~/media/C980334A710A41F18189CEF20BEDF9CB.ashx
Официјален сајт:
http://www.bnpparibasopen.com/
Се надевам на добра дискусија тие десетина дена, а и малце повеќе активност во потфорумот.