Јас не ти постирав линк од ПлусИнфо или од Дојче Веле, туку постирав официјален линк од HEAL, каде што има доволен број информации за ти сам да си донесеш заклучок, а не да дозволуваш владини или опозициски портали да носат заклучоци за тебе. Доколку прочепкаше малку повеќе низ линкуваните документи, ќе наидеше на
овој документ, каде што на страна 11 и 12 е прилично јасно објаснато кои електрани какви честички ослободуваат на годишно ниво. Табелата што е ставена на статијата што јас ја линкував е табела за емисија на SO2 (сулфур диоксид), кој што е штетен, но не во толкава мера колку PM2.5 честичките, за кои што е јасно наведено дека РЕК Битола емитува преку 2700 тони годишно, што го рангира на второ место (да, добро прочита, фантастично второ место) во Европа. На страна 12, во вториот параграф е објаснато зошто во статијата е презентирана табела со емисија на SO2, а тоа е бидејќи, цитирам: „Иако PM честичките се сметаат како најштетен загадувач по здравјето, нивото на SO2 генерално се зема како општ параметар за тоа која електрана е најголем загадувач. Тој (SO2) може да реагира во контакт со атмосферата и притоа да се создадат PM честички што потоа предизвикуваат екстремно голем број на здравствени проблеми“.
Околу PM10 и PM2.5 честичките, пред неколку месеци кај Јанко ЈадиГомна на скајп гостуваше проф. Кирил Христовски (една од ретките, ако не и единствената добра емисија што ја направил во смисла на информативност). Доколку те интересира (а треба да те интересира, не само ако си од Битола, од кај и да си), еве ја емисијата (запази делот од 26:47 натаму, најбитниот според мене)
И ти не ме сфаќај погрешно, но фактот што РЕК Битола е толкав (не велам втор, туку толкав) загадувач и ниското ниво на свесност кај Битолчани ја прават ситуацијата алармантна. Не постои портал/телевизија без квазиновинарски написи/статии/прилози со сензационализам во нашиот мрачен медиумски простор, затоа и сме дојдени до ова дереџе и мора секоја информација што ни се пласира да ја земаме со резерва и да ја проверуваме по 3 пати
