За жал, малку има останато од она што некогаш можеше да се почувствува како култура поразлична од европската. Мојата генерација во некој период излегуваше во Старата Чаршија во која локалите работеа до после полноќ, без разлика дали ќе седнеш на скара, мезе и пијачка „Кај Сердарот” или во „Сношти Минав”, „Липс”, „Јурист”, „Фонтана”, „Турист” или во на чај и дружење со тогашната авангарда во „Галерија” или „Аксарај”, понекогаш и во „Безистен”, неверојатно убаво, релаксирано и прекрасно можеше да се помине. Во последниве три наведени места често можеше да се сретне и Методи Златанов, тогашно младо момче, авангарден поет полн со енергија и желба да го смени светот во позитивна насока, сегашен Викарен Епископ во Македонската Православана црва и член на Синодот на Архиереите, Господин МетодијРомантичар напиша:
Денес тоа веќе го нема, поготово одкако неколку скопски градоначалници по ред не сторија ништо културното наследсво во чаршијата и нејзиното натамошно битисување да бидат наше секојдневие. Најтрагично според мене е што во една стара градска чаршија која е во еден сосема османлиски стил градена се дозволи да бидат отворени China Shop продавници, и слични дуќани на ко дејноста не им кореспондира со архитектонскиот амбиент. А и воопшто животот во чаршијата одумира, дуќаните сега затвораат уште во 19:00 часот и страв да те фати да поминеш ноќе низ чаршијана. Јас морав во еден период лани да минувам често низ нејзе околу 23 часот скоро секоја втора вечер во неделата и можам да кажам дека стварно е језиво за луѓе кои не се подготвени на непријатни изненадувања
-Не дека мене ми се случило, но често на 5 минути пред јас да поминам или одкако сум поминал покрај или пред некое место имало одреден инцидент.Тоа е тоа, за жал само со носталгија ќе се сеќаваме на она што беше некогаш духот на овој град кој се повеќе тежнее да изгледа северно и западноевропски па во неможноста тоа да го постигне сета состојба наликува на турбо-фолк пародија, само на полуурбанизиран начин
