Целодневна(т.е. тродневна) програма за цел Гроздобер, некој ?
Славната белградска рок дружина Ван Гог, босанската атракција Дубиоза колектив и вонвременскиот бенд Галија се носечките имиња на овогодинешното издание на Тиквешкиот гроздобер 2012, кој од 6ти до 9ти септември ќе се одржи во Кавадарци. Покрај нив, на двата стејџа ќе продефилираат голем број на музички уметници, а бројните гости ќе може да уживаат и во првото издание на Love sensation festival, на кој ќе настапат познати имиња од светската и македонската клубска електро сцена.
Четиридневото чествување ќе започне во четврток со свечено отворање на ликовната колонија „Михајлово 2012“, за потоа да биде отворено новото издание на веќе традиционалниот фестивал „Песната на Никола Бадев“.
Петок, денот на ослободувањето на град Кавадарци ќе биде отворен со изложба на фотографии „Кавадарци во минатото“. Во попладните часови следува новото издание на Детскиот гроздобер, а веднаш по него и Свечената седница на Советот на Општина Кавадарци. Вечерта продолжува со Свечено отворање на „Винскиот боемски фестивал“ од страна на Градоначалникот Александар Панов, а веднаш по неговото обраќање следуваат концертите на Наташа Малинкова и легендарната група Галија. Точно на полноќ ќе започне изборот на винскиот крал и кралица, а ќе бидат примени и новите членови во винската академија. Забавата продолжува до раните утрински часови со Love sensation festival кој ќе се одржува на спомен костурницата во градскиот парк во Кавадарци.
Саботниот ден ќе започне со изложба на олдтајмери, а ќе продолжи со мото рели ревијата на над 600 моторџии. Саботната вечер е резервирана за главното карневалско дефиле кое и оваа година ќе продефилира по Илинденска, а по традиционалното откинување на првиот грозд и огнометот, ќе следат настапи на бразилската карневалска група Brazilian Show и концерт на Ван Гог. За оние најупорните, забавата ќе продолжи на спомен костурницата каде ќе настапуваат познати диџеи, а со традиционалната тиквешка серенада заедно со група Билјана ќе биде зачувана уште една стара, кавадаречка традиција.
Таблијадата ќе го отвори последниот ден од годинешното издание на Тиквешкиот гроздобер. Трката со магариња и оваа година е дел од програмата, целодневно шоу ќе следи и на паркчето спроти полицијата со настапи на ансамбл Билјана, Трио Гранде, Акустико Бенд...
Кавадаречките рок бендови The Muff и Журнал ќе ја загреваат атмосферата пред настапот на босанците Дубиоза Колектив, кои ќе ја имаат честа да ја спуштат завесата на овогодинашното издание на Тиквешкиот гроздобер.
Nesto dobro da slusneme KurdMaverick aaauuu 
