Ја имаме спомнато книгата мислам дека беше на втората страна.
Филмот што го спомена The Man From Earth е доста добар филм не е типичен СФ филм нема акција и слично ,но муабетот што се прави во филмот е најбитното нешто. Јас би ти го препорачал да го гледаш
District 9, одличен филм мислам дека е еден од подобрите ако не и најдобриот СФ филм што искочил последниве 10 години и вреди да се погледне.
Мислам дека на форумов прочитав дека имаш издадено Сф книги што мене лично ме радува бидејќи и кај нас има луѓе кои пишуваат СФ па сакам да те прашам дали книгите планираш да ги испечатиш или се достапни само во електронски формат?
И на крај дали би препорачал некоја СФ или Ф книга/книги што ти оставиле впечаток?
Фаренхајт ја издвоив оти има добра поента со философијата на букмените на крајот. Исто и со филмот the man from earth, има многу јасна порака поткрепена со доста аргументи.. Барам ексцентричност и нетипичност во книгите и филмовите, а кога го нема, го создавам! : )
District 9 го гледав пред пола месец, има добра содржина за да предизвика силни емоции, посебно со крајот и со претставениот пацифистички карактер на Кристофер и совршеното склопување на тоа име во тој лик, од што добив поттик за
расказ..
Инаку, да ги имам издадено книгите во печатена форма пред пола година, но тоа немаше комерцијален мотив оти расказите се од љубовен карактер на прв план, а СФ е вметнато како елемент. Има доста оригинални идеи, но сепак не е типичен СФ материјал. Пишувам од хоби и од мотив на својата волја, не за одредена намера, или уште помалку - пари. Книгите ги има во Куманово и Скопје по библиотеки и некоја книжара, а во пдф формат расказите
овде.
Инаку ми се свиѓа стилот на Филип К Дик, Даглас има добра необичност во речениците, само некад знае да биде доста досаден, Бредбери пишува реченици кои фасцинираат со емоција на поучен пацифизам, би ја одвоил оваа од Фаренхајт 451: „светот остана посиромешен за уште милиони нешта дента кога умре тој.“ Артур Кларк си е голема легенда за СФ, тој не се пропушта, а и Жил Верн има интересен стил. Секоја книга од овие автори си има своја вредност, а и од секоја книга воопшто можеш да дознеш нешто кое ќе ти го измени гледиштето на некои нешта додавајќи ти други начини и форми. Мене ми е важна оригиналноста на идејата, структура на речениците, искреност, емоција, пацифистичка порака и креативен начин за проширување на свесноста.
Еве ти нешто кратко од човекот од кого научив најмногу за зборовите:
овде.
Поздрав!
