Овдека ги најдов измените
http://www.smk.org.mk/index.asp?content=vest&id=275&vlang=mk
07 декември 2003 година, Скопје, Македонија - Пратениците на ВМРО-ДПМНЕ на третиот ден од расправата за законот за државјанство укажуваа дека измените ќе бидат погубни, зашто ќе има неконтролиран прилив на Албанци од Косово и од Албанија, а државата за навек ќе се откаже од Македонците по род. Опозицијата побара да се повлече предлог-законот, а рокот за добивање државјанство да биде 10 години наместо предложените 8.
Министерот за внатрешни работи Костов побара да се провери опремата за симултан превод, за да може да се разбере со опозицијата.
- Веќе три дена се убиваме од објаснување дека со измените на законот не им се одзема правото на државјанство на Македонците по род, ако тоа тие го сакаат. Ми се смачи од драматичните предупредувања - рече Костов.
Народот вели, ако баба лаже, рог не лаже. Затоа:
- го пренесуваме во целина членот 11 од Законот за државјанството на Република Македонија од 27 октомври 1992 година во кој беше утврдено правото на македонско државјанство за “сите Македонци по потекло кои живеат надвор од границите на Република Македонија”, но кој за жал, важеше до 5 ноември 2003 година кога се усвоени измените на овој Закон и член,
- го пренесуваме во целина предлогот на Владата за изменување на членот 11 од Законот за државјанството на Република Македонија утврден на седницата од 6 октомври 2003 година, кога “Македонците по потекло кои живеат надвор од границите на Република Македонија” ги изедначи како “граѓани по потекло од Република Македонија кои живеат надвор од границите на Република Македонија”, а
- ја пренесуваме и конечната верзија на членот 11 што ја усвои Собранието на предлог на Владата на 5 декември 2003 година, во која се избришани “Македонците по потекло” и која, за жал, е во сила.
Ако баба лаже, рог не лаже. Прочитајте и пронајдете ги Македонците по потекло во конечните измени на Законот за државјанството. Ние мислиме дека воопшто ги нема, а Вие?
Според Законот за државјанството
на Република Македонија од 27 октомври 1992 година
Член 11
По исклучок од член 7 на овој закон, странец кој наполнил 18 години живот може со природување да стекне државјанство на Република Македонија ако тоа претставува посебен научен, економски, културен и национален интерес,
а посебно за сите Македонци по потекло кои живеат надвор од границите на Република Македонија.
Владата на Република Македонија дава претходно мислење за постоење на посебниот интерес во смисла на став 1 на овој член.
Покрај странецот од став 1 на овој член со природување може да стекне државјанство на Република Македонија и неговиот брачен другар под услови од член 9 на овој закон.
Според предлогот на Владата
за измени на Законот за државјанството
на Република Македонија од 6 октомври 2002 година
Член 11
Странец кој ги исполнува условите од член 7 став 1 точките 1 и 8 на овој закон може со природување да стекне државјанство на РМ ако тоа претставува особен научен, економски, културен, спортски или друг национален интерес.
За сите граѓани по потекло од Република Македонија кои живеат надвор од границите на Република Македонија се претпоставува националниот интерес, во смисла на став 1 на овој член.
Владата на Република Македонија со уредба ќе ги утврди критериумите за особен научен, економски, културен, спортски или друг национален интерес за стекнување на државјанство во смисла на ставот 1 на овој член.
Владата на Република Македонија дава мислење за постоење на особениот интерес во смисла на став 1 на овој член.
Покрај странецот од став 1 на овој член со природување може да стекне државјанство на Република Македонија и неговиот брачен другар под услови од член 9 на овој закон.
Според усвоените измени на Законот за државјанството
на Република Македонија од 5 ноември 2003 година
Член 11
Странец кој ги исполнува условите од член 7 став 1 точките 1 и 8 на овој закон може со природување да стекне државјанство на РМ ако тоа претставува особен научен, економски, културен, спортски или друг национален интерес.
Владата на Република Македонија со уредба ќе ги утврди критериумите за особен научен, економски, културен, спортски или друг национален интерес за стекнување на државјанство во смисла на ставот 1 на овој член.
Владата на Република Македонија дава мислење за постоење на особениот интерес во смисла на став 1 на овој член.
Покрај странецот од став 1 на овој член со природување може да стекне државјанство на Република Македонија и неговиот брачен другар под услови од член 9 на овој закон.
Мој коментар:
Владата е на Хари Костов, мислам дека партијата е СДСМ и како по дифолт, СДСМ анти македонска.
Ок е делбој ?
