На прес на ВМРО ДПМНЕ, пренесуван на ТВ, чув дека Владата издвоила онолку пари за статуите за Скопје, за колку што Зајчев беше аболиран од БЦ. Ако не се лажам, за дотичната особа имаше доставено кривична пријава за 8 милиони евра.
Со тие 8 милиони евра, Струмица ќе изгледаше топ. Наместо секој пороен дожд да ја потопува Струмица и да има милионски материјални штети (кои ги санира централната власт), ќе се доизградеше заштитниот одводен канал и тоа како треба, а не фушерски, зошто некој парите и за него си ги ставал в џеб.
Наместо една средена улица во Струмица, која што представува само 1% од струмичката патна мрежа, ќе се средеше целата, а не како во моментов, сите струмички улици се полни кратери, нема еден асален тротоар и саде кал и песочни остатоци од стар асфалт на сите страни. Ќе се средеа и струмичките училишта.
Па и нашава влада што ни прави споменици, кои ќе останат за век и веков за идните генерации?! Треба да учи од СДСМ, па наместо за народот, нека ги стави парите во некој приватен џеб, по грчките банки, галиба нема СДСМ тогаш да се буни зошто се правеле споменици на македонски херои. Можеби доколку владата ги одвоеше парите за споменици на влашки и албански значајни личности, и, во тој случај нема да се буни СДСМ. Ама кога се работи за македонски значајни историски личности, тие се забрануваат од СДСМ.
