Инаку, еве уште една, од многуте "успешни " борби против организираниот криминал на ова Влада:
Падна пресудата за шверц на мигранти и луксузни возила позната како „Југ“. Еден од најобемните судски процеси Врховниот суд го поништи, дознава А1.
Во средата било испратено решението до Основниот суд 1, со забелешка дека е повредена постапката или посебните истражни мерки преку кои се собирале докази траеле подолго од дозволеното.
Во Основниот суд се шокирани од ваквата одлука, но ќе мора да закажат ново судење во услови кога некои веќе ја издржале затворската казна.
Оттаму тврдат дека имаат доказ за посебните истражни мерки кои, според нив, траеле помалку од шест месеца и повторно ќе ги презентирале на повтореното судење.
Во процесот „Југ“, кој заврши во ноември 2006-та, 26-те обвинети добија 106 години затворска казна за шверц на мигранти и луксузни возила.
Обвинителството во шест месеца, колку што ги следело, ги имаше обвинето дека во девет наврати прошверцувале стотина албански имигранти од Македонија во Грција, но и дека шверцувале крадени џипови во Македонија.
Двајцата првообвинети како организатори, Дејан Стамков и Јане Белдедовски, добија 13, односно 10 години затвор.
Целиот процес тогаш доби и политички димензии. СДСМ за нискиот рејтинг пред изборите го обвини братот на уапсениот командир на граничниот премин, професорот Ѓорѓи Иванов, дека ги фингира анкетите.
Обвинетиот Блажо Иванов, кој по едногодишниот притвор беше ослободен, во судницата тврдеше дека бил инволвиран во аферата поради реваншизам на екс цариникот Илија Иљоски, затоа што не дозволил шверц на цигари кон Грција.
Извор А1.