луѓе ке ве молам ако има некој нешто за Јоаким Крчовски нека пастира оти ми треба за семинарска.....ве молааааааммм....фала
Јоаким Крчовски (1750-1820) е првиот македонски просветител, кој со своето дело и свештеничката професија бил народен учител и просветител на Македонците во првата половина на XIX век, време во кое ширењето на христијанскиот морал било единствениот начин да се избегне исламизацијата.
[уреди]Живот
Науката сѐ уште нема сигурни податоци за местото на раѓање на Крчовски. Се смета дека се родил во Кичево (попради совпаѓањето на турското име - Крчово - за овој македонски град, со неговото презиме) или во Кратово (поради совпаѓањето на кратовскиот говор со говорот во неговите текстови). Крчовски завршил манастирски училишта во Кратовскиот манастир, а потоа бил црковен проповедник и учител. Престојувал во манастирот Свети Јован Бигорски. Податоците за овој престој се искомбинирани и со фактот дека Крчовски бил аџија, што значи дека ги посетил светите места на христијанската религија - Христовиот гроб, Ерусалим, Витлеем.
[уреди]Работен век и дела на Јоаким Крчовски
Крчовски во својот работен век ја ширел верската просвета на народен јазик во кој употребувал црковнословенски елементи. Во неговото творештво се забележува продолжување на средновековната книжевна традиција, иако тој бил и под влијание на европското (пред се француското) просветителство, кои дошле преку влијанијата на Достиеј Обрадовиќ од Србија. Неговите дела се отпечатени во печатницата во Будим, а поради опасноста од елинизација тие биле силно помогнати и поддржани од македонскиот еснаф.
Прво дело на Јоаким Крчовски е „Слово заради свјато исповедание на сички христијани, на мужи и на жени“ (1814) кое е мало по обем и содржи две беседи со практична намена - свештениците да ги придобијат верниците за христијанската вера. Второто дело на Крчовски е „Повест ради страшнаго и втораго пришествија Христова“ (1814) кое било напишано на народен јазик (препростејшиј јазик болгарскиј) и наменето за народот и во кое се зборува за второто Христово пришествие. Третата книга на Крчовски „Сија книга глаголемаја Митарства“ (1817) ги опишува „митниците“ (царинските премини) низ кои поминува душата на праведникот за да дојде во рајот. Четвртото дело се нарекува „Чудеса пресвјатија Богородици“. МАНУ оваа книга ја смета за прв превод на македонски јазик, бидејќи е грчки текст преведен на чист народен македонски јазик, кој и денес се зборува во Република Македонија. БАН, пак, книгата ја смета за превод на бугарски јазик, бидејќи на корицата пишува дека е преведена на болгарскиј јазик и „иждивением же православних христиан штипских и прочих градов болгарских”. Сепак, Крчовски пишува дека книгата е напишана ради ползи и поучениа, и спасенија рода христианскаго, односно за ползување на христијаните по род. Петотото и последно дело на Крчовски е „Различна поучителна наставленија“ (1819), кое е негово најобемно и најоригинално дело во кое се зборува за важноста на образованието и практикувањето на христијанската вера.
Крчовски е автор на пет книги кои се пред сè со религиозна содржина:
1814 - „Слово исказаное заради умирание"
1814 - „Повест ради страшнаго и Втораго пришествија Христова"
1817 - „Митарства"
1817 - „Чудеса пресвјатија Богородици"
1819 - „Различна поучителна наставленија"
