Не ги знам сите квизови по име зошто и не ги гледам, на почетокот кога се појавија сватив дека се жива измама, особено квизот во кој треба да го погодиш зборот.
Значи имаш една две букви и 100 збора кои би можеле да бидат точни. И така луѓево си вртат и си погодуваат... и на 100-тиот гледач ќе му кажат “точен одговор“. Мислам, точно е дека луѓето можат да бидат наивни, глупави, дека сами си се криви... ама тој што го организирал квизот е за во затвор! Не им е дадена на сите иста интелегенција па затоа што некој не разбира не значи дека треба да се лаже и да се краде. Посебно што тие луѓе се сигурно без пари па виделе некаква надеж за брза заработка.
За да биде квизот легитимен треба веднаш откако играчот ќе промаши да кажат кој бил точниот одговор (да стои во некој коверт кој е постојано видлив на екранот и слично) и да се продолжи со нов збор. Добивката може да си расте како и обично ама зборовите мора да се менуваат.
Тоа што треба да се врти по 40 минути и пак да не ги вклучат луѓето е друга приказна. Згора на тоа, сум видел многу луѓе кога плаќаат сметки а се изгореле така што мислеле дека оние 30-40 денари се наплаќаат ако те вклучат во програма или ако добиеш некаков одговор. Така си вртеле Бог знае колку пати бидејќи не добивале никаков повратен сигнал или одговор и направиле сметки од 12000-13000 денари.
Затоа пак ќе речам, прекинување на ваквите квизови и малку 2х2 m2 за организаторите би го решиле проблемот.
