Im projde niz prsti "greshkata" so reklamata shto im projde, no gledajte sega toplo-ladno politika:
ГРЧКАТА КАНЦЕЛАРИЈА СО НОВИ ПРАВИЛА
За невработените нема грчка виза
Невработените граѓани повеќе не можат туристички да патуваат во Грција со групна виза, ниту пак можат да извадат поединечна. Туристичките агенции пред еден месец добиле известување од грчката амбасада дека граѓаните што аплицираат за групна виза, меѓу другите документи, задолжително мора да приложат и обрасци М1 и М2 со што ќе докажат дека се во редовен работен однос. Оние што немаат таков документ, не добиваат виза.
Досега за вадење групна туристичка виза беа потребни пасош, здравствена книшка и сини картони. За вадењето посредуваа туристичките агенции, кои без проблеми вадеа групна виза за еден влез во земјата за лицата што уплатиле аранжмани. Единствениот услов беше тие што имаат таква виза заеднички да влезат и да излезат од Грција.
Граѓаните се затечени од новото барање на грчката амбасада, за кое дознаваат од туристичките агенции. Во таква ситуација се нашол млад брачен пар од Скопје, кога се обиделе да уплатат аранжман за првомајските празници на островот Тасос.
- Во агенцијата ни кажаа кои документи ни се потребни, меѓу кои и доказот дека сме вработени. Бидејќи само мажот ми работи, јас мислев дека за мене тоа не важи. Но, во агенцијата ми рекоа дека ако не сум вработена, не може да добијам виза. Многу се изненадив бидејќи минатото лето бевме на одмор во Грција со групна виза и никој не ни побара документ дека и двајцата сме вработени. Од агенцијата ми објаснија дека новините ги вовеле пред еден месец, зашто така барала грчката амбасада. Многу се изреволтирав. Одлучив веќе да не стапнам во Грција! - вели скопјанката Д.А.
И туристичките агенции се незадоволни од новините при издавањето групни визи, бидејќи за еден месец изгубиле многу клиенти. Велат дека граѓаните масовно се откажуваат од идејата да патуваат во Грција.
- Се разбира дека не ни се допаѓа новината. Но, мора да ја почитуваме бидејќи ако во амбасадата не ја доставиме комплетната документација што ја бараат, не ги примаат документите за виза. Има многу брачни парови и млади двојки во кои само едниот е вработен, па ги откажуваат аранжманите. Само овој месец изгубивме многу пари. Да не зборувам уште колку ќе изгубиме за време на летната сезона. Не знаеме зошто Грција ги воведе измените при изд авањето визи. Само добивме соопштение и толку - велат вработените во туристичките агенции.
Вработените од агенциите ги советуваат граѓаните да извадат потврди дека се вработени со договори на дело, но и во таков случај не им гарантираат дека ќе добијат виза.
Извори од грчката амбасада велат дека се бараат дополнителни документи за групните визи, за да се изедначат критериумите за издавањето групни и поединечни визи. Истовремено, со новата мерка ќе се контролираат лицата што влегуваат во Грција со групни визи.
Македонското Министерство за надворешни работи не добило никакво известување за дополнителните барања на грчките власти. Од МНР велат дека грчката амбасада има право да побара какви било документи и нема обврска да ги извести за тоа македонските власти.
Даница Тунтевска
http://www.dnevnik.com.mk/?ItemID=4FA24FEBD43B8548AB8DAFBF5823D013
Стварно имаат нешто во нив што ќе те натера следната година пак да им дојдеш.
