Сценарист и креатор: Сашко Насев
Режисер: Никола Поповски
Играната ТВ серија „Црвениот поет“, биопик за Коста Солев Рацин, ќе започне да се прикажува на ТВ Телма од 9 јануари. „Црвениот поет“ е телевизиска серија во 10 получасовни (30 мин.) епизоди за животот и делото на Коста Рацин, еден од великаните на нашата поезија од дваесеттиот век, еден од најреволуционерните патриоти и еден од најромантичните уметници што ги дала нашата земја. Режисер е Никола Поповски, креатор и сценарист Сашко Насев, а главната улога ја толкува Александар Ристоски.
Сторијата на серијата го следи Коста Солев, извонредно талентиран млад поет кој се осмелува да пишува и објавува своја поезија на македонски јазик и покрај строгите забрани во времето по Првата светска војна. Згора на тоа, тој е комунист, уште една активност која тогаш е забранета од властите во Кралството Југославија, што му носи дополнителни тешкотии. Приказната прикажува извонредна борба и херојски настани низ Втората светска војна. Сето тоа ќе има страшни последици за него и неговата поезија…
Пред 115 години отпочна приказна која никогаш нема да заврши. Вечно ќе се раскажува затоа што таа приказна содржи се. Детски мечти и идеали, невозвратена љубов, разочарување, понижување, цензура, робија, војна, крв, смрт и секако – прекрасна поезија. Германците го имаат Гете, Французите – Бодлер, Шпанците – Лорка, Англичаните – Шекспир, Русите – Пушкин, Есенин, Пастернак…, напиша режисерот Никола Поповски.
Креатор и сценарист на серијата во продукција на „Сектор филм“ е Сашко Насев, а главната улога ја толкува Александар Ристоски. Директор на фотографија е Апостол Трпески, композитор Марјан Нечак, монтажер Ванчо Мираковски, сценограф Кирил Спасески, костимограф Емилија И. Атанасовска, шминкер Симона Ристевска.
Ликовите во серијата – меѓу нив добро познати историски личности – ги толкуваат: Апостол Солев – Самоил Стојановски, Марија Солева – Кристина Христова Николова, Невенка Вујиќ – Наталија Теодосиева, Агент Мијо – Петар Мирчевски, Kоста Дете – Стефан Стерјовски, Учителот – Нино Леви, Свештеникот – Мето Јовановски, Панко Брашнаров – Јордан Симонов, Заптија – Борче Ѓаковски, Ѓорѓи – Дениз Абдула, Ганчо – Васко Мавровски, Перица (Петре Прличко) – Николче Пројчевски, Жандарм 1 – Пеце Ристевски, Меанџија – Младен Крстевски, Малина – Симона Димковска, Антун Колендиќ – Иван Јерчиќ, Господин Колендиќ – Борис Чоревски, Госпоѓа Колендиќ – Соња Михајлова, Каплар Матиќ – Филип Мирчевски, Аспарух – Живко Борисовски, Чедо – Горан Ников, Рифат – Един Јакубовиќ, Петровиќ – Роберт Вељановски, Коле Неделковски – Мартин Мирчевски, Стеван Галогажа – Здравко Стојмиров, Страхил Гигов, Страшо – Огнен Дранговски, Џелатот – Кољо Черкезов, Судијата – Митко Апостоловски, Обвинителот – Јовица Михајловски, Адвокатот – Владимир Ѓорѓијоски, Јосип Броз Тито – Петар Горко, Боби – Кирил Трајковски, Моша Пијаде – Петар Спировски, Шабан Шабаниќ – Александар Стефановски, Светозар Вукмановиќ-Темпо – Никола Тодоровски, Агент Јовиќ – Владимир Лазовски, Драгутин Шпулер – Предраг Павловски, Археолог Никола Вулиќ – Анастас Тановски, Професор Јован Радониќ – Марин Бабиќ, Банот Жика – Љупчо Тодоровски Упа, Иследникот – Кире Ѓоревски, Мино Миновски – Ефтим Трајчов-Ѓаурски, Никола Вапцаров – Игор Трпчески.