Bacillus gagous
Biohazardous
- Член од
- 21 јануари 2006
- Мислења
- 7.380
- Поени од реакции
- 168
Во денешно „Време“ осaмнa ваков напис
Освен тоа колку е изводлива цензурирањето на блоговите со оглед на тоа дека има блогови колку што има и луѓе.
Што мислите, треба ли да се бркаат и затвораат блоговите кои шират ксенофобија и меѓуетничка нетолеранција или сепак правото на слободно изразување е поважно за нашето општество.Време 20.07.2007 напиша:СО НОВИТЕ ЗАКОНСКИ МЕРКИ
Државата ќе им ја затне устата на БЛОГЕРИТЕ „Какви Роми бе, Роми во Романија, тука ЦИГАН си е ЦИГАН! Ги собраа сите шахти кои можеа да ги извадат”, пишува блогерот на револт.блог.ком.мк. На глобалната мрежа може да се најдат и многу посочни содржини од овој тип, како на пример „УААА Албанци”, „Цркнете Грчишта” и слично. Блогерот Мечето Ушко нашите соседи ги опишува како „... глупите Бугари, дигнатите Грци, препотентните Срби и простите Албанци”.
Иако блогерајот е начин за слободно изразување ставови и мислења, често се злоупотребува и за ширење ксенофобија и национална нетрпеливост. Нашата држава, иако демократска и гарантира слобода на говорот, подготвува законски мерки со кои текстовите на Интернет што шират расизам и ксенофобија ќе се цензурираат.
Досега никој не ги контролирал содржините што се ставаат на Интернет. Меѓутоа ова прашање ќе биде решено со законот за борба против компјутерскиот криминал, како и со одредени измени во Кривичниот законик, кои покрај борбата против компјутерскиот криминал, ширењето вируси, детската порнографија, ќе опфатат и текстови со расистичка и ксенофобична содржина.
Мерките за санкции против ширењето расизам и ксенофобија на Интернет се уште не се формулирани, меѓутоа како можни се наведуваат парични, па дури и затворски казни за некои потешки случаи. Цензурата не се наведува како мерка, но кога станува збор за регулирање на блоговите и сајтовите посветени на ширење национална нетрпеливост, сосема е извесно дека може да биде употребена.
Блогерите сметаат дека нивните блогови се нивен личен простор, дневник во кој ги пишуваат своите размислувања.
- Цензурата е против Уставот, значи ако го носат законот тој ќе се коси со Уставот. Според членот 16 за секој граѓанин се гарантира слободата на јавниот говор и изразување- вели Ивица Антевски кој е сопственик на блогот антипункт. блогспот. цом.
Тој вели дека и казнувањето на блогерите е речиси невозможно бидејќи секој може да отвори колку сака блогови, а процедурата за наоѓање на сопственикот е многу сложена и скапа. Наведува дека во Европската Унија имало само неколку случаи за детектирање на сопственикот на блогот кога станувало збор за информации за индустриска шпионажа.
Контрола на содржините што се ставаат на мрежата сепак постои. Во некои земји од Европската Унија, блогери се дури кривично осудени за тоа што го напишале во својот блог.
Европскиот суд на правдата во 2005 година ја осуди Швеѓанката Линк Вист, вработена во локалната парохија, затоа што на својот блог ставила некои од сочните исповеди на верниците од парохијата и со тоа ја нарушила нивната приватност. Иако блогерката се обидела да се оправда дека блогот бил само „за нејзина душа и очи”, судот & предочил дека со ставање информации на блог тие стануваат достапни и за целата јавност.
Од овој пример се гледа дека и во демократска Европа има граници до каде може да се користи блогерајот како начин за слободно изразување и искажување на своето мислење.
Извори велат дека со новите законски мерки ќе се најде и начин за соработка со другите земји во регионот, за контрола на содржините што доаѓаат од преку граница.
Препукувањата на национална основа преку Интернет се карактеристични за бившите југословенски простори, каде што има посветено и цели сајтови за таа намена, како на пример оној на усташ.ком.хр.
И.Б.
Освен тоа колку е изводлива цензурирањето на блоговите со оглед на тоа дека има блогови колку што има и луѓе.