П
Паспарту
Гостин
Новинарите непожелни во Сарај, сака ли Лирија да сокрие нешто
Управата на кошаркарскиот прволигаш Лирија, тим што котира меѓу трите најдобри екипи во македонската кошарка во моментов, реши да го сокрие вечерашниот дуел со МЗТ Скопје за јавноста, или барем за дел од неа затворајќи ги вратите за одредени новинари што беа во салата „Дитурија“ во Сарај, најверојатно за делот од нив што не се припадници на албанското малцинство.
Пред почетокот на натпреварот, новинарот од МКД.МК беше замолен од член на управата на Лирија да го напушти местото крај теренот од каде што со недели наназад ги следеше натпреварите на овој тим. Образложението беше штуро и нејасно, наводно управата на клубот решила да не им дозволува на претставниците на медиумите да седат на досегашните места туку да се преселат на трибините каде што нема ниту основни услови за работа.
Згора на тоа, посочените места се меѓу најбучните и најагресивните навивачи на скопскиот тим, навивачката група „Ребелат“, кои редовно, на секој натпревар досега сезонава, максимално безобразно го навредуваа македонскиот народ пеејќи националистички песни кои истовремено ја величеа албанската кауза за формирање „Голема Албанија“. Извршување на професионалните обврски во такво опкружување во најмала рака е невозможмо.
Во време кога фудбалскиот шампионат е прекинат поради меѓунационалните превирања, отстранувањето на јавноста од средба што се игра во Сарај може да се сфати како имање на скриени намери и агенди на кои апсолутно не им е место на спортските терени.
Потегот на Лирија е преседан каков што досега се нема случено во македонската кошарка. Колку и да имало недоразбирања на релација клубови-медиуми, никогаш досега управа на некој прволигаш не се дрзнала да му ја покаже вратата на новинар особено не на некој што со децении наназад ги следи случувањата во македонската кошарка.
Одлуката на управата на Лирија истовремено се коси со актите на Македонската кошаркарска федерација (МКФ), која мора да реагира во случајов и на новинарите да им обезбеди нормални услови за работа во салата „Дитурија“ во Сарај. Ако не го стори тоа, само ќе ја повтори тезата дека за Лирија сезонава важи двоен аршин во изрекување на казните и дека скопскиот прволигаш е привилегиран во однос на однос на останатите во кошаркарската елита.
Управата на кошаркарскиот прволигаш Лирија, тим што котира меѓу трите најдобри екипи во македонската кошарка во моментов, реши да го сокрие вечерашниот дуел со МЗТ Скопје за јавноста, или барем за дел од неа затворајќи ги вратите за одредени новинари што беа во салата „Дитурија“ во Сарај, најверојатно за делот од нив што не се припадници на албанското малцинство.
Пред почетокот на натпреварот, новинарот од МКД.МК беше замолен од член на управата на Лирија да го напушти местото крај теренот од каде што со недели наназад ги следеше натпреварите на овој тим. Образложението беше штуро и нејасно, наводно управата на клубот решила да не им дозволува на претставниците на медиумите да седат на досегашните места туку да се преселат на трибините каде што нема ниту основни услови за работа.
Згора на тоа, посочените места се меѓу најбучните и најагресивните навивачи на скопскиот тим, навивачката група „Ребелат“, кои редовно, на секој натпревар досега сезонава, максимално безобразно го навредуваа македонскиот народ пеејќи националистички песни кои истовремено ја величеа албанската кауза за формирање „Голема Албанија“. Извршување на професионалните обврски во такво опкружување во најмала рака е невозможмо.
Во време кога фудбалскиот шампионат е прекинат поради меѓунационалните превирања, отстранувањето на јавноста од средба што се игра во Сарај може да се сфати како имање на скриени намери и агенди на кои апсолутно не им е место на спортските терени.
Потегот на Лирија е преседан каков што досега се нема случено во македонската кошарка. Колку и да имало недоразбирања на релација клубови-медиуми, никогаш досега управа на некој прволигаш не се дрзнала да му ја покаже вратата на новинар особено не на некој што со децении наназад ги следи случувањата во македонската кошарка.
Одлуката на управата на Лирија истовремено се коси со актите на Македонската кошаркарска федерација (МКФ), која мора да реагира во случајов и на новинарите да им обезбеди нормални услови за работа во салата „Дитурија“ во Сарај. Ако не го стори тоа, само ќе ја повтори тезата дека за Лирија сезонава важи двоен аршин во изрекување на казните и дека скопскиот прволигаш е привилегиран во однос на однос на останатите во кошаркарската елита.
Игор Крстевски
![[ Македоникус ]*](/data/avatars/m/26/26045.jpg?1373015970){kind=avatar}
...Неочекувано,ама одлично легна 
барем со причина е
