Ништо ново во Тетекс останува и натаму енигмата дали ќе се изнајде спонзор и дали клубот воопшто ќе постои и ќе се натпреварува во најелитното фудбалско друштво во земјата. Засега барем така стојат работите, зашто неизвесноста останува присутна и покрај обидите и најавите дека има тројца заинтересирани менаџери кои би се нафатиле да го спонзорираат клубот. Од тројцата се споменуваа и нашинец од Америка, но од негово влегување во клубот нема ништо, дециден е во информацијата, шефот на стручниот штаб на Тетекс, Тони Јакимовски, кој засега, е и единствениот сигурен сегашен и иден кормилар. Исто така, заинтересираност пројавил да го спонзорира фудбалскиот клуб Тетекс уште еден бизнисмен од Америка, но негово дефинитивно изјаснување сеуште нема. Донекаде, и поранешниот спонзор Брацо, не е конкретно определен дали и натаму ќе спонзорира дел или, пак, целосно ќе се реши да го преземе Тетекс. Се е во неизвесност, вели Јакимовски, кој од вчера требаше да ги има и на прва прозивка фудбалерите по летната пауза. Останува сега од сабота официјално да се стартува со подготовките, но под голем знак прашалник?. Што се однесува, пак, до фудбалскиот потенцијал, тој е максимално осипан, односно повеќето од половината стандардни првотимци го напуштија Тетекс и заминаа во други клубски средини. Единствено барем засега верни на тетовските плаво бели остануваат: Урошевиќ, Радоњиќ, Ѓорѓевски, Марко Јовановски, Наумовски, Павловиќ и Мирослав Јовановски, кој покрај желбата да ги брани боите и натану на матичниот клуб Тетекс, сепак, по се изгледа и тој бара иднина во друг клуб, вели Јакимовски. Преодниот рок за фудбалерите, инаку, трае до 15 јули, а дотогаш има време да се изнајдат и соодветни фудбалски имиња како замена на оние кои што отидоа, како и доволно време за спроведување на подготоките и настап во првата лига, која стартува на 30 јули, но сето тоа е оптоварено и под знак прашање со дефинирањето на состојбите во клубот. Сепак, сабота не е далеку, па да се надеваме дека дотогаш ќе биде симнато од дневен ред ова прашање, оптимист, но и резигниран е во информацијата Тони Јакимовски.
--- надополнето: Jun 22, 2011 11:40 AM ---
Дали има крај на кризата во Тетекс у П.М
Поздрав