Им париравме во играта, но нападот беше отсечен. Адебајор топка не виде, Фабрегас под своето ниво, во второто полувреме беше отсечен. Волкот на два-три наврти им ги искрши кичмите на дефанзивците на Јунајтед, но не добиваше многу топки. Сонг одличен, креираше шанси, пресекуваше акции. Насри во последниве неколку натпревари е жртва на тактиката, го нема на левата бочна позиција, но и заморот го стигна. Диаби ужас. Можам да кажам дека беше тотална катастрофа, премногу солираше, ќе мине еден, двајца и на крајот ќе му ја земат топката. Константните повреди во изминативе неколку години му ја уништуваат кариерата. Сања добро покриваше назад, но не беше офанзиван како што навикнавме да го гледаме. Севкупно слабо издание и од него. Туре можеби одигра најдобро во одбраната. Силвестер е виновен за погодокот, но барам беше подобар од натпреварот против Ливерпул. Гибс солиден, се повеќе добива самодоверба. Успешно му парираше на Роналдо, па овој во второто кога виде дека неможе против него отиде по левата страна и по средината. Алмунија = светска класа голман. Направи три одбрани кои ни Буфон и Касиљас немаше да ги направат. Солиден при дистрибуција на топките и при истрчување. Неможеше да стори ништо за погодокот, но сепак тој е Men of the match.
Арсенал не успеа да постигне гол на гости и тоа ќе се покаже како фатално. На домашен терен секогаш примал погодок, а со ваков млад и неискусен тим е невозможно да се победи Јунајтед 2-0. Ако тие постигнат еден гол ќе мора да се дадат 3 гола што е на работ од фантазија. Барем ќе знаеме дека Арсенал испаднал од најдобриот тим во светот.
Со ваков состав, со многу повредени, со проблеми во соблекувалните, со одземањето на капитенската лента на Галас, без Фабрегас и Волкот во поголемиот дел од сезоната успеаа момците да стигнат до полуфиналето од ФА купот, да бидат четврти во Премиер лигата и да стигнат до полуфиналето, меѓу најдобрите четири во Лигата на шампионите.
Задоволен сум со успехот во оваа сезона и следната сум сигурен дека ќе се освои минимум еден трофеј. Само Венгер да го задржи овој состав, кој пред себе има светла иднина и да донесе две до три засилувања. Нема да ни биде никој рамен.
