Еве едно мислење од мене до сите кои планираат да се запишат на ФИНКИ, посебно за оние кои се уште размислуваат, а останаа само уште 3 дена до првиот уписен рок.
Прво, не се залетувајте доколку не сте спремни и одлучни да вложите 95% од своето време за факултетов. Што подразбира тоа?
- Сите мои колеги знаат за што станува збор, но сигурен сум дека не очекувале да биде како што навистина е. Значи ова важи за вас, идните бруцоши (студенти во прва година), заборавете на средно, заборавете како функционираше тој систем, за 3 дена вие се запишувате на ФИНКИ, не на факултет, буквално не на обичен факултет туку на ФИНКИ. Што е разликата?
- На 80% факултите, зборувам конкретно за тие што не се технички, ќе има да учите теорија, но она што ќе го научите, без разлика за колку време, истото ќе имате шанса следниот ден на испит/колоквиум да го напишите. На ФИНКИ тоа не е случај, или веќе ако е, многу ретко... не велам дека е невозможно тешко, сакам да ви кажам дека
мала несериозност може да ве чини многу. Секогаш на колоквиум има задачи кои си немаат благе везе со аудиториски, тие секогаш ќе ги лоцираат после тоа од каде ги дале, но станува збор за некои комбинации од задачи, претежно треба да знаеш 100% за една преодна 6ка... другото што е плус си е башка муабет.
Доколку се сретнувате прв пат со програмирање на факултет, ви препорачувам да си направите некоја малечка основа пред да почнете со студиската програма, имате еден месец, веројатно е доволно. Материјалот ќе оди многу брзо, а како за студент што се среќава прв пат со програмирање, едноставно е препребрзо. Еве ви
линк до материјалите (предавања и аудиториски вежби од структурно програмирање).
За смер не знам што да ви препорачам, сигурно дека КНИ и ИКИ се најдобрите, а за цена на тоа и најтешките. Доколку сакате да поминете полесно, а особено ако си имате проблем со математика и немате јака основа од средно, одете на ПЕТ, одбегнете ги Калкулус1 и Калкулус2 бидејќи во тој случај кога тогаш ќе барате смена на смер и на крајот ќе дојдете на истово што го пишам.
Стварно не знам каков совет да дам, освен да ви кажам дека се фаќате на тешко оро, а за да си ја олесните работата, дајте максимум на она што зависи од вас, во превод учете и факултетот нека ви биде ама баш на прво место, барем овие 4 години, на кој му треба повеќе и повеќе, битно да се заврши...
Ако ве интересира нешто поконкретно, слободно прашајте пошо од септември натака може да е касно и да нема назад.