Грешиш околу хибридниот Интернет, тој е комбинација на ADSL и LTE 4G Интернетот, а не 4G + VDSL.
Технички изводлив е и хибриден Интернет кој ќе биде комбинација од VDSL Интернетот и LTE 4G Интернетот, но мора да се потенцира дека VDSL Интернетот и самостојно, односно без LTE 4G, успешно достигнува Интернет брзина до 50 мегабита (5 мегабајти) во секунда за симнување (примање) на податоци.
Споредување на деловната логика на Вип и Телекабел е не само несериозна споредба, туку смешна, да ти бидам искрен.
Последен пат кога бев во продавница на Вип за да платам сметка за постпејд мобилен телефон на татко ми, веднаш се обидоа да ме заплашат дека ќе мора да потпише нов договор, бидејќи стариот договор од роденденска понуда на Вип е истечен и повеќе не нудат таква тарифа.
А ако не им потпишам нов договор, што ќе направат - ќе му го исклучат мобилниот телефон на татко ми или ќе му наплаќаат повеќе ? Слободно нека повелат, веднаш ќе го префрлам телефонскиот број на Македонски Телеком од кои користам припејд број веќе 15 години по ред и максимално сум задоволен од истиот.
Телекабел од друга страна, ниту те држи врзан со договор, ниту па ти наплаќа за дигиталната телевизија, баш напротив - дигиталната телевизија ја даваат бесплатно - со исклучок на каналите за возрасни и со исклучок на дополнителниот BOX пакет, а наплаќаат само за аналогната телевизија, за разлика од Близо, односно Вип ТВ, кои намерно ги отстранија речиси сите аналогни ТВ канали, со исклучок на македонските канали и по некој српски и косовски канал, и сето тоа не само за да можат да нудат побрз и постабилен Интернет, туку и за да мораат корисниците да мигрираат кон дигиталната телевизија ако сакаат да можат и понатаму да ги гледаат отстранетите аналогни ТВ канали - овој пат како дигитални канали, и се разбира - да плаќаат повеќе. Ако Вип толку многу сака да ни понуди брз Интернет, нека ги пуштаат оптичките кабли до крајниот корисник, како што тоа го прават Македонски Телеком и Телекабел, а не оптичкиот кабел да оди до локалната централа, а од локалната централа до крајниот корисник да оди коаксијален кабел.
Очигледно техничарот не знаел што зборува или намерно рекол "унапредена" верзија на ADSL за да не мора многу да им објаснува на корисниците.
Како и да е, ако им го дале овој нов рутер на користење, со здравје да се служат, им следува постабилен и побрз Интернет од Македонски Телеком.