Со оглед на тоа каков закон за спорт имаме, полесно ќе најдеш вода во пустина отколку фирма која е заинтересирана да спонзорира.
Во нормалните спортски држави, значи оние кои навистина (а не декларативно) се грижат за спортот, компаниите кои финансираат во истиот имаат разни привилегии и олеснувања. Кај нас, ако фирма ти даде спонзорство, ќе и опнат и данок кој треба да го плати на парите што ќе ти ги даде. Во последниот закон за спорт смислија некои олеснувања, но тоа е траги-комично.
Затоа, да извлечеш пари од приватна компанија за спонзорство е скоро Невозможна Мисија. И оние кои извлекуваат го прават тоа на база на познанства, или во одредена фирма се нашол човек од одреден спорт кој има некаква моќ на одлучување или убедување, па протуркал некои работи.
Инаку, во главно одиме на рекламирање: се наградува „врвниот спорт“ додека базата (клубовите), пропаѓа. Еден ден кога базата ќе се сруши, ќе нема кого да наградат за врвни резултати. И ќе им светне, како по навика, предоцна...