Гледам почнаа препукувањата, и едните и другите си го мерат на кој му е подолг, кој повеќе ја заглавил државата во гомна. За тоа ќе се зборува ами за што. Случајно, да не си ги мерат двата табори нивните економски достигнувања, пошто ни едните ни другите немаат лице збор да зуцнат на темите кои се од вистински интерес за државата. Затоа на дневна основа ќе си се препукуваме кој е поголем предавник. Тоа ти е македонче.
Вакви работи треба да бидат, за жал, иницијалната каписла, почетокот за свестување на македонскиот народ. Јас не знам уште што треба да се случи за да ни дојде веќе еднаш умот, да се обединиме сите заедно.
Кога не можеме да се обединиме преку успеси тогаш барем за вакви работи треба да постои национален концензус, за државните интереси. Затоа некои ликови и од ова крајно сериозно прашање успеаа да направат полигон за партиски препукувања.
Македочето кога станува збор за овие работи има неколку поделби: ја брат не пратам политика, к*р ме боли за држаата, јас сум за вмро, јас сум за сдс, една група сеирџии и тастатура патриоти.
Некои не се ни свесни колку е штетен овој закон и во колкава мера го гази уставот, ја поткопува државата и ги подгрева меѓуетничките тензии.
Официјалниот македонски јазик треба да биде мост меѓу заедниците и народите кои живеат во оваа држава. Со овој закон се креираат две паралелни структури, два одделни универзума кои се одбиваат еден со друг. Се креира вештачка бариера помеѓу албанците и македонците, се подгрева и засилува антагонизмот.
Од сега па натаму сите обиди за соживот помеѓу овие две заедници, сите иницијативи во таа насока се осудени на пропаст.
Каков паун.
