Сладоледот како летно задоволство

[The`bItCh]

Банана сплит

Потребни состојки:

- 4 банани
- 100 гр. Мелени ореви
- 12 топки сладолед
- желе перли
- 200 мл. хопла

Подготовка:

Во еден сад за матење ја ставаме хоплата И ја матиме со миксер. На чинијата за сервирање на банана сплитот ставаме 3 топки сладолед. Бананата ја лупиме И ја сечеме на половина по должина. Половинките банана ги редиме од двете страни на топките сладоле И убаво притискаме со рака да се залепат. Со изматената хопла полниме еден готварски шприц И украсуваме помеѓу топките сладолед И парчињата банана. Врз хоплата украсуваме со неколку желе перли, а одозгора со лажица наросуваме со мелени ореви.

 

[The`bItCh]

Kaсато


Потребни состојки:
5 жолчки од јајца
200 gr шеќер
2dl хопла
4 ќесички ванилин шеќер
200gr кандирано овошје
4dl хопла
1 лажичка шеќер

Подготовка:

Ги матиме жолчките и шеќерот, и додаваме во смесата 2dl хопла, па така приготвениот сад го стваме на пареа. Смесата ја мешаме се додека кремот не се стегне.
Го додаваме и ванилиниот шеќер.
Го вадиме садот од огно, ја цедиме смесата и мешаме се додека истата не се стврдне.
Така оладената смеса ја ставаме во сад да се замрзне.
Од како смесата добро ќе се замрзне се додаваат кандираното овошје и изматената хопла. Кога сладоледот ќе биде потполно замрзнат.. го вадиме од садот и го ставаме во чинија.

 

[The`bItCh]

Dinja “Kristal”
(специјалитет на т.н. креативна кујна)

Потребни состојки:

1/2 диња средна величина
10 dg шеќер
5 dg пржени излупени бадеми
0,05 l сок од лимон
0,05 l сок од помаранџа
0,01 l ликер “Bellamy”
0,15 kg сладолед од ванила


Подготовка:

Ја преполовуваме дињата, ги чистиме семките од дињата и истата ја издалабуваме.
Го пржиме шеќерот во карамелl, и го додаваме сокот од помаранџа и лимон. Вариме се додека не се згусне.
Го додаваме ликерот со поголемиот дел од бадемите.
Во еден сад до ставаме сладоледот и ја додаваме предходно оладената смеса.
Топчињата од дињата ги враќаме во издлабениот дел и ги преливаме со смесата.
На крај ги додаваме и останатите бадеми.

 

[The`bItCh]

Сладолед без јајца

Потребни состојки за 6 лица:

100-120 g шлаг
3 dcl млеко
2 чаши кисела павлака
¾ чаши шеќер
овошје
рибина чоколада
пекмез

Подготовка:

100-120 g шлаг го матиме со 3 dcl млеко.
Ги додаваме двете чаши кисела павлака лажица по лажица.
Во сето тоа ги додаваме ¾ чаши шеќер. Останатито го додавате по желба ( овошје, рибина чоколада, пекмез... )

 

[Acid]

Алал ти вера за темава Бич! Секое лето јас го правам сладоледот дома, а ова банана сплитов мора да се испроба деновиве.

 

[marija^]

mnjam mnjam
i mene mi se prijade ova
jes da ne jadam mnogu slatko ali.. ubavo izgleda
a i baska banana split obozavam ))

 

[The`bItCh]

Чоколаден колач Касато

- 100 гр. суво грозје
- желе бомбони
- 200 гр. сечкани ореви
- 3 јајца
- 150 гр. шеќер
- 500 гр. кршени бисквити
- 100 гр. чоколада за готвење
- 1 маргарин
- 500 мл. млеко
- рум

Потребно време за подготовка на овој десерт е 40-тина минути.
На оган ставаме едно тенџере и во него го додаваме шеќерот и мешаме со дрвена мешалка. Го пржиме шеќерот се додека не поцрвени. Потоа го тргаме тенџерето од оган и го ставаме на работната маса.Го додаваме млекото во танџерето. Потоа танџерето повторно го враќаме на оган.Непрекинато мешаме додека не се растопи шеќерот во млекото. Во тенџерето го додаваме маргаринот и продолжуваме да мешаме со дрвената мешалка. Ја кршиме чоколадата на помали коцки па и неа ја додаваме во тенџерето. Уште еднаш промешуваме со дрвената мешалка и ја оставаме смесата на оган додека се растопи.

Настрана ги кршиме јајцата. Белките ги одделуваме во еден сад, а жолчките ги ставаме во длабок сад за матење. Со електричен миксер кратко време ги матиме жолчките. Потоа со непрекинато мешање со дрвената мешалка ги додаваме жолчките во сместа во тенџерето. Со постојано мешање ја вариме смасата во тенџерето додека се згусне.

На даската за сечење неколку желе бомбони ги сечкаме на мали парчиња. Ги оставаме исечканите желе бомбони во еден сад.

Во еден поголем длабок сад ги ставаме кршените бисквити. Ги додаваме сечканите ореви и сувото грозје. Во истата смеса ги додаваме и сечканите желе бомбони. Смесата ја полеваме со рум и убаво ја промешуваме со дрвена лажица.

Тенџерето го тргама од оган и со врелата смеса ја потураме сувата смеса во длабокиот сад. Постапката ја повторуваме се додека не се потроши целата смеса. Убаво промешуваме со дрвената лажица. Земаме еден калап обложен со алуминиумска фолија и со дрвената лажица го полниме калапот со веќе подготвената смеса. Површината убаво ја мазниме со дрвената лажица и калапот го ставаме во фрижидер за да се стегне колачот.
Додека колачот се лади во фрижидерот , ставаме едно тенџере на оган и во него ја ставаме преостанатата чоколада искршена на коцки. Во тенџерето со чоколадо додаваме малку масло за јадење, за да чоколадата добие сјај. Кога чоколадата е растопена го тргаме тенџерето од оган и го ставаме на работната маса.

Калапот со добро изладениот колач го вадиме од фрижидер и касато колачот го превртуваме на даската за сечење. Ја отстрануваме алуминиумската фолија и со остар нож сечеме парчиња со дебелина од еден сантиметар.

 

[The`bItCh]

Касато од банана

Потребно:

- 3 банани
- 300 гр. бисквити
- 3 кесички пудинг од чоколада
- 250 гр. шеќер
- 1 литар млеко
- 200 мл. хопла

Подготовка:

Во тенџере го ставаме речиси целото млеко. Потоа тенџерето го ставаме на оган. Во тенџерето го додаваме шеЌерот и мешаме со жица за матење. Во преостанатото млеко во мензурата го додаваме прашокот за пудинг. Мешаме со жицата за матење, а потоа смесата ја истураме во загреаното млеко во тенџерето. Непрекинато мешајќи со жицата вариме на оган, додека пудингот не ја добие потребната густина. Го тргаме тенџерето од оган и го ставаме на работната маса. Дел од пудингот претураме во помал сад.

Во поголем длабок сад ги кршиме бисквитите и го додаваме пудингот од тенџерето. Мешаме со дрвена лажица. Бананите ги сечкаме на четвртинки по должина, а потоа на ситни парчиња и ги додаваме во садот. Повторно промешуваме за смесата да се соедини. Смесата ја ставаме на послужавник и формираме ролат. Ролатот го премачкуваме со пудингот од помалиот сад.

Во сад за матење ја ставаме хоплата. Матиме со миксер додека шлагот не ја добие потребната густина. Со шлагот ја премачкуваме целата касато торта од банани. Врз тортата ситно рендаме чоколада. Со нож тортата ја сечеме на коцки. Секое парче го ставаме на чинија за послужување.

 

[The`bItCh]

Касато триаголници

Потребно:

- 200 желе бомбони
- 200 гр. суво грозје
- 250 гр. јатки од ореви
- 250 гр. шеќер во прав
- 300 гр. бисквити
- 2 јајца
- 250 гр. путер

Подготовка:

Во садот за матење го ставаме шеќерот во прав. Го додаваме путерот. Го вклучуваме миксерот и започнуваме да матиме. Не прекинувајќи со матењето ги додаваме јајцата.

На работната маса со сукало ги дробиме оревите. Издробените ореви ги ставаме во садот за матење. Желе бомбоните ги сечкаме на парчиња. Парчињата желе бомбони ги додаваме во садот за матење. Во садот го додаваме и сувото грозје. Мешаме за да се соединат состојките. Бисквитите ги кршиме на парчиња и ги додаваме во садот. Повторно мешаме. Од содржината во садот за матење ставаме во правоаголен калап во кој претходно ставивме провидна фолија Фино која обезбедува пријатен мирис и свежина на храната. Касато колачот го замотуваме со фолијата. Оставаме да се излади.

Ја отвораме фолијата и касато колачот го превртуваме на работната маса. Со нож сечеме триаголници. Неколку касато триаголници скалесто ги редиме на чинијата за послужување.

 

[The`bItCh]

Сладолед торта од смокви

Потребно:

400gr сладолед од ванила
6 зрели смокви
50gr изрендана чоколада
0,5 ликер од бадем

Подготовка:

Четири смокви се сецкаат и се преливаат со ликер. Се ставаат во фрижидер да стојат околу еден сат.

Во помал калап се распоредува поголем дел од количината на сладоледот. Се прекрива со смоквите и се "прска" со изренданата чоколада па се прекрива со останатиот дел од сладоледот.

Се украсува со останатите смокви и се остава во фрижидер се додека добро не се замрзне.

 

[Дивајн]

Бич, викни ме на гости! :wink:

 

[The`bItCh]

доаѓајте сите)

 

[Дивајн]

доаѓајте сите)

Леле јавно сите не викна ... ах ако не ти донесам јас 30 души пред врата да се чудиш што те нашло еве на! :lol: :lol: :lol: :lol: :wink:

 

[dee dee]

Е морам да направам некој од рецептите на The`bItCh ми изгледаат премногу привлечни :wink:

 

[The`bItCh]

Дивајн :lol:
побогу луда си :lol: dee dee, немаш појма колку се вкусниииии :wink: