Психолог = Неостварен психијатар (?)

[Goddess of Chaos]

@ првите пар постови
Вие луѓе го читате прашањето? Девојката не изрази интерес или непознавање на разликата меѓу двете струки, него фино си постави сосема трето прашање.

Мене никогаш не ме привлекуваше психијатрија, никогаш не си го ни ставив во опција, си знаев веднаш каде ми е местото.
Истиот впечаток го имам и од сите студенти на психологија кои ги познавам, со ретки исклучоци кои јасно го кажуваат тоа.

Ако некој сака да биде психијатар и првенствено медицината, дури и да не успее да се запише таму, се сомневам дека ќе дотрча на психологија...

 

[PurplePuma]

И мене често ми се случува да ми ја помешаат професијата моја убава - психологија со психијатрија. Самите зборови очигледно се разликуваат.

Психијатарот е доктор, значи тоа е личност што пред 5 години сакала да студира медицина, неврони, неврити, итн. Потоа специјализирала душевни нарушувања како резултат на физиолошки нарушувања. Значи има работа со луѓе со ментални проблеми, кои не се настанати од депресија поради лоша социјална средина, туку поради дисфункција на некоја жлезда, или генетски наследена болест (шизофренија) на пример.
Психолозите, пред се, ги интересира правилниот психички развој на луѓето. Психологијата во својата суштина е учење за душата на човекот, се мисли на здравиот човек. Подоцна, психологот може да си одбере со која категорија на луѓе ќе работи.
Затоа не гледам зошто еден психолог би бил човек кој не успеал да стане психијатар.
Иако, постои нешто што се вика клиничка психологија, што јас планирам да специјализирам.
Која е разликата помеѓу клиничката психологија и психијатријата?
Набројав со што се занимава психијатарот - медицина, органска болест која предизвикува и психичко пореметување.
Клиничка психологија - третира пациенти кои преживеале големи трауми и кои пројавуваат суецидно или друго девијантно однесување. Тука спаѓа и психотерапија на лица со посебни потреби, делумно сегмент на дефектологијата.

Верувам дека има психолози кои сакале да бидат психијатри, и дека има психијатри кои повеќе би сакале да бидат психолози.

 

[омлет^^]

Лошо имам објаснато.
Да, за станување психолог е потребно да се студира на филозофски, отсек психологија, а пак за психијатар се учи медицина, а потоа се специјализира психијатрија. Тоа е јасно како солза, да не забегуваме натаму.
Муабетот ми беше Дали психологот потајно посакува да биде психијатар или тоа се само глупости? Дали психологот е само „помалце развиена“ верзија на психијатарот, бидејќи нема доволно потенцијал? И дали психологијата и психијатријата може на тој начин да се споредуваат?

нема везе тоа...психијатарот ги разматрува проблемите на човекот од медицински аспект а психологот од општествен аспект...а и плус тоа од коа ќе завршиш психологија на филозофски факултет можеш да специјализираш нешо слично како психијатар... и мене ми беше многу проблематично додека сватам што е што...а инаку погоре некој рече дека психијатарот се занимава со ментално болни и со тоа не се согласувам затоа што татко на еден мој другар е психијатар,си има отворено приватна ординација и тој се занимава со проблемите на луѓето но од медицински аспект

 

[Немирлика]

Мене едно не ми е јасно. Велите дека психијатарот се занимава со проблемите на луѓето само од медицински аспект, а не разговара со нив. Зошто тогаш на филмовите што ги гледаме , оној кој разговара со луѓето за секојдневни проблеми (љубовни. семејни маки итн.. ) го преведуваат како психијатар, а не како психолог?
Ако некој НАВИСТИНА се разбира во ова, нека го разграничи и објасни убаво. А тие што не сте сигурни во својот одговор, не лупетајте ве молам

 

[Беркут]

Мене едно не ми е јасно. Велите дека психијатарот се занимава со проблемите на луѓето само од медицински аспект, а не разговара со нив. Зошто тогаш на филмовите што ги гледаме , оној кој разговара со луѓето за секојдневни проблеми (љубовни. семејни маки итн.. ) го преведуваат како психијатар, а не како психолог?

не е битно шо е...ама дрпа пари ко луд

 

[Magde.]

Мене едно не ми е јасно. Велите дека психијатарот се занимава со проблемите на луѓето само од медицински аспект, а не разговара со нив. Зошто тогаш на филмовите што ги гледаме , оној кој разговара со луѓето за секојдневни проблеми (љубовни. семејни маки итн.. ) го преведуваат како психијатар, а не како психолог?
Ако некој НАВИСТИНА се разбира во ова, нека го разграничи и објасни убаво. А тие што не сте сигурни во својот одговор, не лупетајте ве молам

На американските филмови има свашта, не може се да земате за веродостојно.
Има психијатри кои се обучуваат да бидат и психотерапевти. Тие се оние кои разговараат со пациентот и им ловат моменти, кои оние кои не се обучувани за одредена психотерапија - нема да ги уловат.
Психијатрите, се оние кои ќе препишат одреден таблети. Они гледаат проблемот да го решат со апчиња, да ги средат хормоните, да дијагностицираат болест.
Психолог/психотерапевт - не смее да препише апче. Он смее само да разговара и ако смета дека проблемот е за со апчиња - го праќа пациентот кај психијатар.
Нормално е да има случаеви каде што не може да се решат со разговор заради агресија на пациентот, дезориентација, халуцинации, параноја итн.
Не е така дека психијатрите не разговараат со пациентите, дека не спроведуваат терапии (ако се стручни за тоа), ама тоа е главната разлика.

 

[Roten 96]

Психолог и психијатар се две различни работи...едниот се занимава со човековиот ум проблеми совети итн инт..а другиот е и лекар па може да препише и лекови за одредени пореметувања како шизофренија и различни видови на психози...