Тие и понатаму се конзерви.
Но, се попаметни од ова гомнава либерални на власт во САД. Ќе му научукаат у уста на woke прогресивциве, нешто што ми е многу мило
Во очите на многу американци Бајден и компанија сега се поголеми фашисти од Трамп.
Се надевам дека ќе се распадни Демократската партија еднаш и засекогаш.
Џабе се надеваш, Демократската Партија на САД ги преживеа американската граѓанска војна и обединувањето на северот и југот, а беа главни заслужни токму за отцепувањето на јужните сојузни американски држави и за почетокот на војната.
Истата Демократска Партија на САД која денес се декларира себеси како бранител и заштитник на малцинствата во САД, е истата политичка партија која во втората половина на 1870-те години кога завршува процесот на Реконструкција во САД после американската граѓанска војна, со употреба на закани, заплашувања и отворено насилство против ослободените црнци од јужните сојузни американски држави, успеа да ја врати власта на локално и регионално ниво во поранешните држави на Конфедерацијата, а тоа не се има сменето до денешен ден - со краткотрајни исклучоци кога еднаш би избрале републиканец за гувернер, но веќе на наредните избори повторно би избрале демократ.
Па дури и Тексас не знаеше што е тоа републикански гувернер цели 105 (СТО И ПЕТ) години, од 1874 до 1979 година.
Во 1957 година, тогашниот демократски гувернер на Арканзас, Орвал Фаубус, ја испрати Националната Гарда на Арканзас за присилно да ги стопира де-сегрегацијата и запишувањата на првите црнци ученици во јавните средни училишта во Литл Рок.
Потребна беше лична интервенција од тогашниот републикански претседател на САД, Двајт Ајзенхауер, со ставање на Националната Гарда на Арканзас под контрола на федералната влада на САД, и со испраќање на американската војска во училиштата за да го заштити процесот на запишување на црнци ученици.
Без поддршката од вооружените сили, Фаубус наједноставно ги затвори сите средни училишта во Литл Рок како последен чекор што можеше да го направи за да ја спречи де-сегрегацијата по секоја цена, настан денес познат како Изгубената учебна година во Арканзас.
Шест години после Фаубус, во 1963 година, Џон Кенеди - демократски претседател на САД, се соочи со својот сопартиец и гувернер на Алабама, Џорџ Валас, кој лично стоеше пред влезот на државниот Универзитет на Алабама, со цел да ги спречи де-сегрегацијата во високите образовни институции во Алабама и уписот на првите црнци студенти на универзитетот. Исто како и Ајзенхауер пред него, Кенеди исто така ја стави Националната Гарда на Алабама под контрола на федералната влада на САД и го натера Валас да се повлече.
Всушност, токму Џон Кенеди е пресвртницата во Демократската Партија на САД, неговиот предлог закон за човекови слободи и права беше усвоен од страна на американскиот Конгрес и американскиот Сенат во 1964 година откако дури после неговото убиство беше поддржан од страна на неговиот наследник и сопартиец Линдон Џонсон - заколнат сегрегационист од Тексас. Џонсон знаеше дека годините му се избројани, здравјето не го служеше баш најдобро, па играше на се` или ништо во надеж да победи на редовните претседателски избори во ноември 1964, и на крај му се исплати фрлањето на коцката - ем предлог законот за човекови слободи и права на Кенеди беше усвоен и стана правосилен законски акт, ем Џонсон издејствува изборна победа над републиканскиот кандидат Бери Голдвотер во ноември 1964.
Од 1964 година па наваму, истата Демократска Партија на САД која доведе до поделба на Унијата, до американската граѓанска војна и до расната сегрегација во јужните сојузни американски држави која траеше цел век после американската граѓанска војна, сега се декларира себеси како партија на малцинствата и на човековите слободи и права, а еве можеш убаво да видиш колку навистина ги бранат човековите слободи и права на невакцинираните, а за останатите па да не зборуваме.
Во Минеаполис - град со демократ градоначалник во Минесота - сојузна американска држава со демократ гувернер, во 2020 година полицаец задавува црнец среде улица со колено врз врат, па наместо правда, демократските власти бараат целосно укинување на полицијата. Како капак на се, го имаш претседателот на САД како отворено и јавно врши притисок врз судските власти за да внимаваат каква пресуда ќе донесат - доволен аргумент за да се прифати било каква жалба на осудениот полицаец и да се започне ново судење, бидејќи законот јасно вели дека владата не треба да си го пика носот во судството и во неговите одлуки.
Во Њујорк - град со демократ градоначалник во сојузна американска држава Њујорк - исто така со демократ гувернер, во 2014 година полицаец му врзува лисици на црнец со јасно видлива здравствена состојба - дебелина, и иако законските прописи и правила на Њујоршката полиција јасно потенцираат дека за луѓе со преголема телесна маса треба да се користат поголеми лисици со подолг ланец за да им се овозможи нормално дишење, сепак полицаецот му врзува на дебелиот црнец лисици за луѓе со нормална телесна маса, поради што црнецот се задушува и умира на лице место. Ама па тогаш претседателот на САД исто така е од редовите на Демократската Партија на САД, па ако тој не зуцне, тогаш никој не смее да зуцне. Зуцнуваа единствено њујорчаните кои лично сведочеа на настанот и тие кои не се демократи, ама па тие се расисти нели, па затоа нивните протести и не се толку важни.
Верувај ми, без разлика што носи иднината, Демократската Партија на САД нема да се распадне, во најлош случај можеби ќе се ребрендира слично како и Сојузот на комунистите на Македонија кои се ребрендираа во плави жолтици, а нивниот опстанок на американската политичка сцена останува загарантиран.
www.mkd.mk
