Предлог за филм со кратка рецензија

[Erich Zann]

The Man Without a Past

Најпрвин да напоменам дека станува збор за одличен фински филм. На почетокот од филмот, ликот доживува еден непосакуван настан кој ќе го смени целосно неговиот живот. Не го памти своето име, ниту минато, почнува целосно од 0, без никакви емоции кон никого. Прифатен е од добра фамилија која ќе се грижи за него се до неговото целосно закрепнување. Потоа доаѓа неговото осамостојување и борбата за преживување во една нова средина каде е обичен странец, кој лека полека почнува да се прилагодува и на околината и на луѓето. Во понатамошниот тек на филмот наидува на различни препреки кои делуваат доста природно и секојдневно, што сигурно нема да ве остават рамнодушни. Одлично се доловени различните карактери, темпераменти на повеќе луѓе. Некои од нив ќе ви станат одбивни, некои ќе ги подзасакате поради човечноста и добрината со која се карактеризираат. Станува збор за филм кој во себе разработува една несекојдневна идеја, на интересен начин, динамичен, така да нема да имате досадни мигови. Има некоја чудна финска музика која лично мене доста ми се допадна. Крајот одличен исто.

8/10

 

[Zedd]

Before The Devil Knows You're Dead (2007)



Уште една убава драма/трилер од режисерот на Серпико. Одлична актерска екипа обработува многу интересна приказна. Се работи за една "скршена" фамилија во која што 2цата синови секој од свои причини решаваат дека најдобар начин да ги надминат своите финансиски проблеми е да ја ограбат продавницата за накит на нивните родители. Проблемите настануваат кога убаво скроениот план на Хофман нема да се реализира. Ова е само почетокот на многуте сплетки и тајни кои се кријат во фамилијата кои ќе испливаат на површина после оваа сличка. Истите се прикажани на прекрасен начин преку постојани промени на времето на дејството во филмот.

Се на се филм кој трае безмалку 2 часа но вреди да се гледа. Од мене 8/10

 

[Vlatko_Gjorce]

Everybody's All-American (1988)
Штета шо не е толку познато филмчево, една од подобрите спортски драми шо сум ги глеал (мислам дека ни англиски превод нема по нетов).
Интересната приказна ме привлече да го глеам за еден популарен рагбист (Денис Квеид) кој по пензионирањето откако ќе поминат тие славни денови не му иде најдобро у животот па почнува да трпи и неговиот брак (сс Џесика Ланг)... најдобар другар му е Џон Гудман една од неговите најдобри улоги,... од глумциве едино Тимоти Хатон кој се појавува одвреме-навреме а е и во улога на наратор потфрла (ама па шо јак глумец е )...
На приказнава исполнета со емотивни моменти, кастингов, додај добра глума и добро обработени ликови чија животна приказна те интересира, ете ги сите елементи да уживаш 2 саати у филмов.

Snowpiercer (2013)
Екранизација на француски стрип.
Креативно пост-апокалиптично СФ филмче со интересен концепт...доста возбудливи и непредвидливи моменти...а и Тилда Свинтон е у свој типичен (тре бизарр ) елемент.

 

[IvicaPunK]

Mr.Nobody со Џеред Лето во главните улоги. Не сум голем фан на драмите но оваа е една од најдобрите што сум ги гледал(после Форест Гамп) Филмот е прекрасен, малце тежок за гледање ама интересен. Џеред Лето е последниот мортал и најстариот човек на планетата. Името на филмот,господин никој, е бидејќи не се сеќава ништо за неговиот живот па со помош на хипно терапија, почнуваат да му се враќаат спомените. Крајот е прекрасен. Го препорачувам на сите љубители на драмите.

 

[Vlatko_Gjorce]

Clone(2010)
"Womb" (original title)

Можеби најдобар филм на тема клонирање.
Уште од самиот почеток те вовлекува и ти го држи вниманието до самиот крај. Нема трепкање, додека си се освестил поминале 1с45мин.
Моќна драма со прекрасна режија, атмосфера,... одлично темпо...без непотребно отупување, буквално секоја сцена трае колку што треба и е од некакво значење.
Ева Грин, која емотивна изведба ја пружа тука, цел филм го носи на своите циц...овај, на свој грб.

Quartier lointain(2010)
A Distant Neighborhood

Според манга.
Фантазија/Тајм Травел за средовечен цртач на стрипови кој при една посета на својот роден крај наеднаш се враќа во детството, од типот ''ееееее да ми е сега овој памет'' нешто што секој од нас се запрашал барем еднаш... и, како што би постапил секој од нас претпоставувам во таква ситуација, така и главниот лик се обидува да поправи некои работи од минатото, но главната причина се чини дека е една нерешена мистерија еден вид траума која го прати цел живот a за чие решение сега му се укажува можност, а не заборава и да ужива повторно во најубавиот период од животот - младоста.

 

[Perdika I]

The night porter (1974) by Liliana Cavani

Oткако го догледав филмот се чуствував некако депресивно и тегобно. Филмот е една психолошка студија на мазохизам. Мазохизмот како мазохизам е толку зависен што луѓето кои се зарабоени во него, се свесни за тоа иако знаат дека тоа може да ги уништи. Филмот започнува некаде 50ти години во еден хотел во Виена, самиот ден и атмосверата се мрачни и директно се фокусираме на главниот лик во филмот Макс кој работи како ноќен портир во хотелот. Макс всушност е еден бивши офицер нацист за време на Втората светска војна. Работата која моментално ја работи како портир во хотелот е всушност негова работа која му служи колку да се прикрие себеси, а хотелот е пак неговото скривалиште. Самиот хотел освен негово скривалиште е и тајно место за состаноци кое го користат, неговите поранешни колеги офицери нацисти. Остатокот од филмот го оставам на вас да го погледнете, а ќе завршам со заклучокот. Како што спомнав на почетокот за мене така делуваше шокирачки, ни прикажува една луда ситуација предводена од страна на двајца луди луѓе. Исто така во филмот е прикажан еден феномен, кога луѓето се злоупотребуваат или се изолирани за долго време без разлика дали во затвор или во нивното семејство, вообичаено е колку што имам читано да се развие врска со нивниот злоставувач. Односно тоа да премине во садомазохизам.

 

[MyloXyloto]

Од турбулентната состојба во Грција, до затегнатите односи помеѓу Албанија и Македонија, до стравотната ситуација во војната во Сараево, оваа неверојатна приказна во потрага по трите изгубени ленти од филмот на Браќата Манаки е несомнено можеби еден од најдобриот балкански филмови во историјата. Филмот Погледот на Одисеј го следи животот на познат грчки режисер наречен само А. , кој откако ќе биде нападнат на филмската проекција на неговиот најнов контроверзен филм тргнува во потрага по неговата опсесија, изгубените ленти на Браќа Манаки и мистеријата за нивната кинематографија и тегобен живот. Дејството на филмот се навраќа низ неколку периоди, минатото на Браќа Манаки, минатото на самиот режисер во филмот, стравотната војна во Сараево. Она што се зачудив што не видов никаде дека филмот е сниман во дел на македонската граница, ми се чини има кадри и од Битола и Скопје, но сепак никаде на интернет не е наведено снимање во Македонија.

Феноменални кадри и прекрасно сценарио, цел се наежив на стравотниот крај на филмот, ептен ме растревожи. Филмот е добитник на награда од жирито на филмскиот фестивал во Кан.

A must!

 

[gvinevra]

Филмот „Големата убавина“ („La Grande bellezza“) на италијанскиот режисер Паоло Сорентино е меланхоличен есеј за космичката осаменост од која човекот се обидува да се сокрие опкружувајќи се со лажни пријатели и пророци. Го вперува прстот кон псевдоинтелектуалците и се потсмева на нивната самозаљубеност и празно филозофирање. Тој е пример дека соништата се материјалот од кој се направени најубавите и најголемите филмови. Добитник е на европскиот оскар за 2013 година.

Главниот јунак на приказната е 65-годишниот италијански новинар и писател Џеп Гамбардела - циник, весел како Оскар Вајлд, елегантен и префинет како вампир. По вртоглавиот успехот на неговиот прв роман, тој станува миленик на високите интелектуални кругови. Никогаш повеќе не напишува ништо вредно, но четири децении живее хедонистички како паразит на телото уметноста така што „продава имиџ“ и го минува времето на забави и собири во центарот на римската културна елита. Неговиот ноќен живот е феноменален - исполнет со уметнички перформанси, раскошни вечери и забави со танцување до бесвест.

Одеднаш, работите ќе се променат на денот кога добива вест за неговата дамнешна и непреболена љубов.

(превземено од http://www.pobjeda.me - Марија Ивановиќ)

 

[Scirea]

The Great Dictator (1940)

​

Првиот филм на Чаплин во кој што тој лично зборува, и еден од најлегендарните негови дела во неговата богата филмска колекција. Приказна за еден Евреин... воен ветеран од Првата Светска Војна кој што го губи сеќавањето при падот на авионот кога се обидува да спаси војник од непријателските сили. Многу години подоцна Евреинот излага од болница, но сеуште не го повратил сеќавањето, и мисли дека ПСВ завршила само пред неколку недели. Сепак во тој момент светот е пред нова светска војна, а главниот збор во државата го има диктаторот Аденоин Хинкел.
Филмов е снимен во почетоците на ВСВ, односно 1940 година, каде што Америка тогаш сеуште беше надвор од војната, и била во дипломатски добри односи со Нацистичка Германија. Но ете Сер Чаплин веќе знаел што зло нанела Германија на Евреите и на расно обоените луѓе, па затоа денес го имаме ова ремек дело.
Се разбира во филмот ќе ги видите и другите диктатори и командири... веќе го споменавме Хинкел (Хитлер), Напалони (Мусолини), Гарбиш (Гебелс), Херинг (Геринг), а во филмот се спомнува и Алберт Ајнштајн, само со преправено име . Одлична политичка комедија кој реално ги отсликува настаните за време на војната, и се разбира диктаторите прикажани на еден сатиричен начин.

Рецензијава неможам да ја завршам без да го постирам еден од најлегендарните говори во филмската индустрија. Навистина Сер Чаплин бил човек пред времето, само голема штета е што Америка го прогласила за комунист во годините што следуваат



Сер Чарлс Спенсер Чаплин

 

[Rossonero95]

The Next Three Days

Жената на Russell Crowe во фимов завршува во затвор (20 год) сосем случајно и спонтано обвинета за убиство на една жена кој на крајот се открива како се случило убиството.

Расел со неговиот мал син ке направи се да докаже дека е невина но доказите не му дозволуваат, затоа посебен шмек на фимот му дава Лиам Нилсон кој го подучува како да направи план за бекство од затвор, започнува неговото истражување и неговиот обид...

10/10

 

[chimera]

Blue Ruin (2013)
http://www.imdb.com/title/tt2359024/

Одамна немав гледано некој indie филм, подалеку од оние холивудски ефекти со нереални сценарија и звучни имиња.

Меланхолична и силна приказна која става знак прашалник на моралните вредности.
Двејн, кој по игра на судбината завршил на улица, по ослободувањето на убиецот на неговите родители, решава да ја земе правдата во свои раце, обидувајќи се истовремено и да ги заштити преостанатите блиски.
Многу страв, болка, гнев, колебање, па и емпатија се испишани по лицето на главниот лик - нешто што го прави сценариото многу реално, без досадните, исклиширани приказни каде одмаздников одеднаш станува студен и страва истрениран убиец, па сите ги прави парче на нереални начини пошто е скалемен публиката да навива за него ко напатена страна што само сака правда. Ми се допаѓа и како еден топол сетинг успева да долови толкава мрачност.
Режисерот и актерската екипа за мене се искрено непознати, но тоа не го менува фактот дека се феноменални. Единствено нешто што ми беше малку терсене, е почетниот мотив за целата збрка, можеби можеле нешто посолидно да смислат. Но можеби пак баш тој апсурден момент ја додава онаа тежина, што знам...
Како и да е, од мене има солидна 9ка и топла препорака, посебно за љубителите на not-so-Hollywood приказни.

 

[Vlatko_Gjorce]

The Reflecting Skin(1990)

филмчево е у Линч стил = ''не е за сите'' , полн со симболики, метафори... треба да обрнуваш внимание на доста детаљи, од едно гледање не се сфаќа, и коа ќе заврши си ваков

...од оние филмови e што остануваат со тебе и ќе ги мислиш и другиот ден.

Филмов е таков...да кажам, нејасен, зш е од перспективата на едно дете кое живее у некоја вукојебина таму негде у 50тите и како и секое дете доста работи не му се јасни и има милион прашања на кои никој не му дава одговор и затоа си ги интерпретира настаните околу него на некој свој имагинарен начин кој за него има највеќе смисла.

Главниот детски лик е интересен и добро одглумен.
Режијата одлична... преубави кадри и интересна комбинација на бои (уште и у ХД - сликана е перверзии , само тој еден што е 720п 800мб жив торент на Пајрат Беј).

The Defiant Ones(1958)

Двајца затвореници белец и црнец оковани со ланец за рацете бегаат од потера ама дали ланецот е едниствената пречка помеѓу нив во нивната заедничка цел да избегаат...?

Прв избор за една од главните улоги бил Марлон Брандо али ич не можам да се пожалам што на крај го земале Тони Куртис. Заедно со Сидни Поатје си одглумија маестрално у филмов, за што биле номинирани за Оскар а за сценариово кое е за секоја пофалба и си лапнал Оскар филмов, и уште еден за кинематографија, а бил номиниран во уште 7 категории.

 

[Zedd]

Edge Of Tomorrow (2014)



Sci-Fi Акција со Том Курз и Емили Блант во која што приказната е дека земјата е нападната од екстра-терестриален организам. Том Крус е припадник (на некој начин) во армијата на САД која што е дел од обединети воени сили кои што се борат на територијата на Европа со цел да го поразат непријателот. Иако приказната не е нешто невидено до сега сепак реализацијата е доста добра. Намерно не го пишав делот што ептен потсеќа на еден друг филм за да не биде спојлер иако е јасно што се случува од трејлерот и промотивниот материја.

Како и да е до сега најдобар блокбастер за 2014та и еден од подобрите end of the world филмови. Малку е долг речиси 2 саати ама битно нуди супер забава. Од мене 8/10

 

[Intra]

Филмот е од 1997, многу здрава содржина. Благо го препорачувам на лугее коишто сакаат малку акција зачинета со нетрпение и неочекуван крај. Се работи за богат типац кој за својот роденден ке добие необичен поклон од својот брат, акција и неочекуван пресврт на својот живот при приемот, односно прифакање на поклонот. БТВ сакам да знам доколку некој го изгледа и да слушнам мислење..

 

[Me2]

Chef (2014)

Филмов е нов, и го најдов на добра снимка, па решив да го гледам. Искрено, кога го пуштив трејлерот, прва личност која ја прикажаа беше Софија Вергара love и одма го исклучив зошто со нејзе нема промашај.
Шеф е филм во која главна улога е Карл Касперс (Jon Favreau) кој е разведен шеф (готвач) кој својата работа ја сфаќа сериозно и е одличен во тоа. Поради несогласувања во неговата работа, пред се нервозите од неговот газда, Рива (Dustin Hoffman) кој му налага што да готви. Откако тој ја напушта работата кај Рива, неговата поранешна жена Ињез (Sofia Vergara) му предлага да отвори food truck. Тој по долго размислување ја прифаќа таа понуда и заминува во Мајами каде од поранешниот маж на Ињез купува комбе во кое тој ќе работи. Со помош на неговиот колега од ресторанот, Мартин (John Leguizamo) и неговиот син Перси го чистат комбето и почнуваат со патувањето во кое тој и неговиот син се зближуваат, нешто што неможеа претходно да го направат поради работата која ја имаше Карл.
Се на се, филмов ептен ми се допадна и го препорачувам на сите кои уживаат во храна (иако самиот не сум некој голем гурман ама обожавам вакви филмови и емисии) да одвојат 1 саат и 45 минути за филмов, нема да жалат.
Музиката, глумата и се останато се на врвно ниво.
Јас нема да го оценам, а на на имдб има оцена 7,4.

П.С Покрај Софија Вергара и Скарлет Јохансон е во филмов