УКРАИНСКАТА СЛУЖБА ЗА БЕЗБЕДНОСТ
На шефот на СБУ му се „испуштило“ дека на местото на несреќата на МХ17 има проектил што го има само Киев
Советот за безбедност на Украина денеска соопштил дека на местото на остатоците на малезискиот авион што беше соборен над Украина можно е да се најдат делчиња од проектил Бук-М. Сепак, конкретниот проектил што бил споменат го има само Украина, велат претставници на руската армија
Истрагата на несреќата на боингот 777-200 што се случи во јули ќе биде завршена кога ќе се најдат остатоците од проектилот Бук-М, рекол Валентин Наливајченко, шеф на Службата за безбедност на Украина (СБУ), за една украинска телевизија.
Украина ќе ги исполни своите обврски и ќе ги идентификува сторителите, кои ќе ја сносат одговорноста и ќе ја надоместат штетата за соборувањето на авионот со 298 патници и членови на екипажот, рекол Наливајченко.
„Тоа ќе бидат руски војници што употребиле проектил Бук-М“ за да го соборат патничкиот авион, рекол тој.
Извор од рускиот Генералштаб за новинската агенција РИА новости рекол дека ова веројатно случајно му се „испуштило“ на Наливајченко и открива дека Украина поседува модернизирана верзија на овој советски систем за воздушна одбрана.
Во почетокот на 1980-тите одбранбената индустрија на Советскиот Сојуз почнала да произведува Бук-М1, исклучително ефикасен ракетен одбранбен систем со среден дострел.
Голем број од системите Бук-M1 биле стационирани на западните граници на земјата, на територијата на три региони во Советската Социјалистичка Република Украина.
По падот на Советскиот Сојуз сите тие системи останале во Украина и Киев денес поседува не помалку од 70 вакви системи, рекол изворот на РИА новости.
Руската армија има над 350 Бук-M1-2 и Бук-М2 ракетни системи, а најновите модифицирани верзии настанале дури откако Украина во 1991 година стана независна, со падот на СССР. Руските модифицирани верзии влегле во употреба кон крајот на 1990-тите години и сега целосно ги имаат заменето постарите, советски ракетни системи.
Рускиот воен експерт истакнал дека Русија нема „модернизирани“ Бук системи за воздушна одбрана.
Русија поседува над 350 Бук ракетни системи, од кои сите се најнови верзии на Бук M1-2 и Бук М2, рекол тој.
„Кога господинот Наливајченко вели ‘модернизирани Бук’ системи, тој веројатно мисли на системите за воздушна одбрана што беа надградени во украинската одбранбена индустрија. Знаеме дека Украина работи во оваа насока“, изјавил изворот и додал дека информациите за модернизацијата на украинските Бук-системи биле потврдени во јуни на веб-страницата на украинското Министерство за одбрана, на која било објавено дека почнуваат да се употребуваат реновираните ракетни системи.
Ова се случило само неколку недели пред боингот 777-200 на Малезија ерлајнс да биде соборен во украинскиот воздушен простор на 17 јули.
Според извор во рускиот Генералштаб, секоја неовластена модификација на електрониката само би ѝ наштетила на комплицираната воена опрема, зашто би ја намалила прецизноста на оружјето.
Првично, сите Бук-системи за воздушна одбрана што ги има Украина беа произведени во високобезбедносниот Истражувачки инструментациски институт во московскиот регион.
„Конфузијата и недоследноста во одговорите на Наливајченко не оставаат никаков сомнеж дека тој споменал план што дефинитивно не бил развиен од СБУ, туку бил донесен од нивните странски ментори“, рекол изворот од Генералштабот. „Ова е големо ‘избрборување’ на Наливајченко.“
„На денот кога беше соборен малезискиот авион, 156-тиот САМ-полк на Украина изврши неовластено лансирање проектил, вонредна состојба што е под истрага во СБУ, а очигледно властите во Киев ја премолчуваат“, изјавил претставникот.
„Не треба да бидете гениј за да ги склопите коцките на оваа загатка и да сфатите каква слика се обидува да ни продаде господинот Наливајченко“, рекол изворот од рускиот Генералштаб.
