Драги форумџии,
јас сум нов на овој форум. Обидувајќи се меѓу веќе поставените теми да најдам најсоодветна за да го изложам мојот проблем, сепак видов дека е најдобро да одам со нова тема.
Имам сериозен проблем за кој ми е потребен совет/предлог/идеја. Со партнерката се сакаме до бесвест! Одамна сме заедно и работата е сосема зрела и свесни сме дека сакаме да останеме заедно засекогаш оти се сакаме вистински, отворено, искрено и потполно. Значи - тоа е тоа!
Е сега, работава е во тоа што од моментот кога почнавме да градиме телесен однос со обид да воспоставиме сексуален однос - сфатив дека јас кога сум во интимна близина до неа и до нејзиното тело (кое е всушност многу убаво) всушност не можам да се возбудам, или пак ако ми успее - тоа оди многу тешко. Сфатив дека се работи за следново: јас во својот ум имам опсесија кон перверзност и кон фетиши и тогаш кога мислам на овие нешта (додека сум во близина на партнерката, т.е. додека се допираме, галиме...) тогаш најчесто успевам да се возбудам. Прашањето ми е како да се ослободам од оваа опсесија, која ме има нападнато многу одамна? Всушност првите знаци од ова ги имам кај себе приметено уште во рано детство, т.е. во градинка, па тоа еволуираше и во основно училиште, па и во средно... фантазиите една по една ми се надополнуваа и интензивираа. На факс се подсмирив, ама потоа повторно го отворив умот за тоа и сега чувствувам дека тоа ме опседнува и ме поседува. Јас сум потполно нормален момак - комуникацијата, социјализацијата, работата, почитта и односот и љубовта кон сите кои ги имам - се’ е во нормала. На работно место, во приватен живот, при социјализирање воопшто не оддавам дека сум забеган по ова прашање, не се ѕверам по жени, која што носи или како изгледа... Не сум феминизиран, сосема сум мажествен. Меѓутоа во мојот сексуален живот ова што ми се случува во умот ми претставува проблем, и кај себе ова го МРАЗАМ силно. Додека сум во близина на мојата партнерка сакам да се возбудам од неа, а не од моите фантазии. Како да го сторам тоа? Како додека сум со неа - и вистински да бидам со неа (и со умот) и целосно присутен до неа да ја завршам сета работа, која е потребно да ја завршам како маж? Како од човек кој има фантазии со фетиши, женска доминација, перверзии... да станам нормален маж со чиста еротска мисла и со чист и нормален сексуален однос? Како да се ослободам од ова со што ми е полн умот и да бидам НОРМАЛЕН, оти тоа го сакам. Сакам да бидам НОРМАЛЕН маж во близина на мојата прекрасна жена, а не човек со забегани фантазии... Фала однапред. Многу ми е битно да чујам добар совет/препорака! (извинете за должината на исказов, ама имав потреба комплетно да се искажам)
[DOUBLEPOST=1426549200][/DOUBLEPOST]
[DOUBLEPOST=1426550330][/DOUBLEPOST]
