Доколку некој од браќата смета дека тоа што тој го направил не е според масонските принципи - тогаш ќе го повика на масонски суд. Имало вакви случаи во минатото.
Кои се можните консеквенции? (освен исклучување, како најсериозна санкција). На еден друг форум наведе пример за масон кој се поднапил во кафеана (кој носејќи масонски прстен и приврзок го нарушил угледот на братството). Еден постар масон кој исто така бил присутен вечерта и го видел како се тетерави го чекал да излезе од кафеаната и со клуч му ја изгребал колата како опомена за однесувањето. Јас ова го протолкував како симболички акт на предупредување за недоличното оденсување. Дали алкохолизираниот масон бил повикан на масонски суд? Колкава е толеранцијата кога се работи за немасонско однесување? Ако прашањето е прешироко за одговор, за кои престапи во регуларната масонерија нема толеранција? И кои/какви се административните санкции?
Најголемата санкција е исклучување од братството! Нема ништо полошо од тоа.
Искрено - постапката на постариот кој ја изгребал колата е исто толку немасонска! Апсолутно не се согласувам со тоа и не смее така да се постапува. Не можеш да бараш некој да се придржува до правилата, а ти самиот да ги нарушуваш со идеја дека на тој начин опоменуваш некого!
Дали бил алкохолизираниот повикан на масонски суд, не знам - тоа веројатно знае somoteitbe, тој ја објави конкретната сторија. Не верувам дека некој би бил повикан на суд заради алкохолизам, туку поскоро ќе се обидат браќата да му помогнат да излезе од таа ситуација. Се разбира, сосема друго е ако направи прекршок додека е под дејство на алкохол.
Регуларната масонерија има јасни правила, кои произлегуваат од три основни концепти: Ритуалот, Уставот, Ancient Charges (старите обврски).
Во овие три се изложени јасно и казните и прекршоците. Најголемата казна е исклучувањето. Прекршоците за кои тоа може да се случи... ќе наведам неколку примери:
Било каков кривичен прекршок (доколку масонскиот суд одреди дека државниот суд те осудил правилно, а не како предмет на политички прогон, заради слобода на говорот на пример...). Изневерување на сопствената сопруга (за ова веднаш следи исклучување - Иво Андриќ е исклучен заради ова!). Соблазнување на сопругата, детето, мајката или сестрата на друг брат. Издавање на тајните (знаците за распознавање, и деловите од ритуалот кои се однесуваат на тие знаци). Ова се стандардни правила кои важат во сите држави, затоа што произлегуваат од Ancient Charges и од Ритуалот.
Толеранцијата за помали прекршоци зависи од општеството во кое се наоѓа ложата. Исто така зависи и од самата локална култура на ложата. Има општества, средини, во кои веднаш се санкционира со најстрогата казна. Има општества во кои прво се трудат да му помогнат на братот кој згрешил, да излезе на прав пат, да се покае, да докаже дека било моментална грешка... па ако тој упорно продолжува, тогаш се санкционира. Помали казни може да вклучуваат јавна опомена (ова иако звучи несериозно, сепак е многу срамна и многу голема казна во самата ложа - сепак, тоа е друштво на луѓе кои треба да се водат по највисоки принципи и вредности), може да вклучува исклучување од ложата во рок од една година... тоа веќе се регулира од таканаречените "by-laws", кои се еден вид локални закони кои самата ложа ги има, како дополнување на постоечките во Ритуалот, Уставот, Charges.
Малку off topic -- следејќи ги твоите одговори на неколку други форуми околу масонеријата недостасуваше македонски превод на два термина. Еве ги моите сугестии: charter = повелба, landmark = одредница.
Многу сум ти благодарен за преводите. Не ми е проблем да зборувам општи работи за масонството на македонски, но имам проблем со конкретни зборови, кои ги знам само на англиски и никогаш не сум ги чул на македонски. Не секогаш преводот во речник одговара на вистинското значење на зборот, но конкретните преводи ти се многу точни.
