Нема што да докажувам. Имам колеги кои се масони и со кои сум разговарал отворено за масонеријата, знам како изгледаат масонски ложи бидејќи сум влегол и сум разговарал со масони. Сето тоа може да го направи било кој во Америка, ако учтиво се претстави и замоли да му објаснат и да му ја покажат ложата. Сум присуствувал на масонски церемонии (не ритуали -- ритуалите се од затворен тип, само за членството). Членството е тајно, но адресите на ложите, распоредот на состаноците, и голем дел од масонските активности се јавни. Речиси секоја ложа која има своја веб страна го објавува списокот на офицерите на ложата со слика, име и презиме и во соодветна масонска регалија. Што е поважно, масонеријата ме интересира и ја проучувам подолго време. Од кејф. А во Македонија ситуацијата е многу поинаква бидејќи масонеријата е млада -- од доцните 90 години. Првата ложа е формирана во 2001, а членството се држи во многу поголема тајност поради ваквите „новинари“ како твојов.
--- надополнето: Jul 12, 2011 10:28 AM ---
.
Големата масонска ложа на Македонија е формирана
во 2005 година, вели за Слободна Европа Живко Груевски г
олемиот мајстор на голема масонска ложа во Македонија .
http://www.mn.mk/aktuelno/1443-Golemata-masonska-loza-na-Makedonija
--- надополнето: Jul 12, 2011 11:18 AM ---
http://www.makedonskosonce.com/broevis/2006/sonce628.pdf/20_21_misko.pdf
--- надополнето: Jul 12, 2011 11:20 AM ---
MАСОНЕРИЈАТА ВО МАКЕДОНИЈА: МИТОЛОГИЈА И ИСТОРИСКИ ЗАСНОВАНА ХРОНОЛОГИЈА
Како и да е, тоа око, во 1995 година, решило да ги побара прекинатите конци на македонската масонерија, продолжувајќи ја (од којзнае кои причини прекинатата масонска традиција на овој терен). Испратило тоа око пратеник до неколкумина видни браќа во сегашната македонска масонска хиерархија: таа година, на сегашните видни македонски масони, а тогаш само чесни, работливи и угледни граѓани на Република Македонија, им пристапиле масони од Белград, поточно од Големата ложа на Југославија (ГЛЈ), чиј Голем мајстор во тоа време бил З. Ненезиќ, и им било предложено да станат масони. Крајната цел на таква лична одлука за пристапување кон ова древно братство, се разбира, било основањето на Национална Голема Ложа на Македонија!
Заинтересирани за принципите и начинот на кои светската спекулативна масонерија несопирливо се шири во Европа и светот од 1717 година до денес, и после осознавањето на сe она што било потребно да се знае за ова Братство, како и по упатувањето во првите тајни на Редот, нашите видни македонци ја прифатиле оваа идеја и проектот за основање на Големата ложа на Македонија отпочнал со голем ентузијазам и радост.
Иницијацијата на првите осум браќа се случила на 5 Април 1996 година. Јадрото на македонското слободно ѕидарство се формирало во наредните 12 месеци, во период во кој биле иницирани вкупно 21 брат, кои во текот на неколкуте наредни месеци биле воздигнати до степен на Мајстор - масон. Сето тоа под будното севидливо око на древната македонска масонерија!
Во одреден момент, кога се осознал статусот, односно посебниот однос на европската регуларна масонерија према ГЛЈ, станало јасно дека доколку Светлото биде внесено, односно Големата ложа на Македонија биде осветена од страна на браќата од Големата ложа на Југославија, тогаш би можеле да се очекуваат и низа проблеми сврзани со регуларноста и потребните признанија кои требало да се добијат од другите Големи ложи, на име на идната Голема ложа на Македонија. Ова било извонредно важно, бидејќи тоа признание ја одредувало и јурисдикцијата на идната Голема ложа, го обезбедувало правото на работа и рамноправното комуницирање на идната Голема ложа со остатокот од масонскиот свет. Инаку, во масонскиот свет постои мошне прецизно дефинирана постапка околу тоа кое слободно ѕидарство е регуларно, односно ги следи принципите утврдени од Обединетата големата ложа на Англија (ОГЛА) и Андерсоновата конституција, па според тоа и ги исполнува условите за стекнување на признанија од Големите ложи во светот.
Иако желбата да се основа нова Голема ложа била огромна, ентузијазмот на југословенските браќа отстапил, во интерес на рационално решение - непречено основање и развивање на македонското слободно ѕидарство!
Таа одлука, Големиот мајстор на Големата ложа на Југославија, братот З. Ненезиќ, на состанок во Скопје, во јануари 1997 година, им ја препуштил на македонските слободни ѕидари, целосно објаснувајќи ги проблемите со кои се соочила Големата ложа на Југославија при формирањето на Големата ложа на Бугарија, како и можните импликации за мирната понатамошна работа.
Македонските масони набргу ја донеле одлуката и потем уследиле низа активности, кои подоцна се покажале како вистински решенија за успешно интегрирање на македонските браќа во масонскиот свет!
Нашите масони си поставиле приоритет: самостојно да се обидат да станат дел од светското слободно ѕидарство. Им се заблагодариле на браќата од Големата ложа на Југославија и побарале ослободување од понатамошни обврски кон оваа Голема ложа. Без никаков проблем и со должното братско разбирање, на овие барања била одговорено позитивно.
Понатаму, свесни за сложеноста и деликатноста на чекорите кои требало да уследат, како и за неизвесноста која претстоела, македонските масони се договориле да не иницираат нови браќа, се додека иднината на масонеријата во Македонија не биде извесна и потврдена.
Најпрвин било проценето дека Австрија, односно Големата ложа на Австрија, со својот интерес и присутност на Балканот би можела да помогне да се дојде до целта. Со помош на еден австриски дипломат (февруари 1997), бил направен и првиот контакт со Големиот мајстор на Австрија. За жал, не дошло до посакуваната завршница. Но, веста за интересот и потребата на македонските масони да станат дел од братскиот ланец, била обзнанета и за неа било разговарано на собирите на големите мајстори на Големите ложи на Европа.
Тогаш уследил и првиот контакт со Големиот секретар на ОГЛА, братот Michael Higham, во септември 1997 година. Тој тогаш, како и на низа состаноци кои уследиле во Лондон, со сегашниот Голем мајстор на Македонија и други браќа, ги обезбедил сите потребни податоци за постоењето, работењето и потребата на браќата од Македонија. Тој се одлучил да му препорача на релевантното тело во оваа голема ложа да ја втемели и освети националната Голема ложа во Македонија. Оваа одлука не била донесена пред да бидат дадени гаранции дека степенот на демократија, заштитата на граѓанските и човечки права во Македонија е на такво ниво, кое дозволува постоење на ваква организација и обезбедува нормална работа. Ова истовремено подразбирало дека е загарантирана и личната безбедност на македонските масони. Постапката, мошне опсежна и со големо внимание водена, била спроведена и траела се додека, конечно, Големиот мајстор на Големата обединета ложа на Англија, Војводата од Кент не ја дал својата согласност!
Согласно со принципите на регуларно пристапување во Братството, македонските браќа, во постапка предвидена со Конституцијата на Обединетата голема ложа на Англија, биле примени за членови на 11 лондонски ложи, во средината на 1998 година. Тоа бил голем успех на македонската масонерија: со тој чин, таа добила панпланетарен легитимитет, односно – со право можела да тргне во потрага по сопствените корени, дури и кон слободно барање на сопствената митологија! Тоа е така затоа што кога почнува историјата, митологијата станува нејзина легитимна и дозволена пред-епизода!
Првата ложа во Македонија, ложата “Скопје број 9721” заведена во регистерот на Големата ложа на Англија, била осветена во Скопје на 02.10.2000 година, од страна на Големи Офицери на ОГЛА кои по тој повод го предале Чартерот (Повелбата), која дава право на Ложата “Скопје” да работи како масонска работилница, во мир и хармонија, и како што масоните во светот тоа го прават - да иницира нови членови.
Првата ложа, која и денес работи на англиски јазик во знак на почит кон основачот - Мајката на светската Масонерија, работела под заштита на Големата ложа на Англија. Со тоа, на масонскиот свет му било декларирано дека за слободното ѕидарство во Македонија се задолжени тие браќа, и дека треба да им се даде доволно време на македонските слободни ѕидари за да се организираат и да се подготват за самостојна работа.
Втората потребна ложа, а првата ложа во историјата на Македонија која работела на македонски јазик била “Ложата на Единството бр. 9749”, осветена на 8 февруари 2002 година.
Бројот на новите иницирани браќа наскоро довел до формирање и на трета ложа, “Ложата Бели Мугри, бр. 9765”, која била осветена на 20 јуни 2003 година.
Со тоа, бил исполнет предусловот да биде формирана Голема ложа - односно 3 регуларни ложи, што значи - доволен број на Мајстори Масони, и доволен број браќа способни да обезбедат нормална работа.
Следниот чекор подразбирал и одлука на регуларната Голема ложа, која би го направила конечното, највозвишеното - да го внесе Светлото во Големата ложа на Македонија. До тој момент Обединетата големата ложа на Англија, односно Големиот Мајстор се немале изјаснето за нивната улога во овој чин. Внимателно го следеле работењето на македонските браќа и конечно, задоволни од она што се случувало во македонските ложи во текот на изминатите 8 години, изразиле подготвеност Консекрацијата на првата масонска Голема ложа во Македонија да ја направи Обединетата Голема ложа на Англија. Македонските масони, почестени од вниманието, со големо задоволство го прифатиле предлогот. Соодветна одлука била обзнанета и прифатена на состанокот на ГЛ на ОГЛА на 14 септември 2005 година. Посебно значајно е тоа што ОГЛА многу ретко, низ историјата, се решавала на таков чекор; поточно, вторпат во последните 100 години, се одлучила самостојно да го внесе Светлото во некоја друга Голема Ложа!
Консекрацијата на Големата Ложа на Македонија, најсвечениот чин, трпеливо очекуван повеќе од 10 години регуларна македонска масонска историја (не сметајќи ги оние претпоставени години и векови на митското масонско македонско време), се случила на 30 септември 2006 година. Во перфектна церемонија Големи офицери од Обединетата Големата Ложа на Англија предводени од MW Bro. the Most Hon. the Marquess of Northampton, DL Pro Grand Master of the United Grand Lodge of England, го внесоа Светлото во националната Голема Ложа на Македонија, симболично доверувајќи ја самостојноста и рамноправноста во идното работење. Во таа церемонија беше устоличен Големиот Мајстор на Големата Ложа на Македонија кој потоа ги назначи и устоличи своите големи офицери.
На овој масонски собир учествуваа официјални делегации од 15 земји од Европа и Светот, предводени од нивните Големи Мајстори и уште многу други гости, кои овој масонски собир го направија незаборавен и величествен настан во севкупната македонска историја.
Големата ложа на Македонија успешно работи. Веќе е призната од страна на голем број Големи Ложи од Европа, Америка и светот. Најзини претставници редовно се поканувани и присуствуваат на разни масонски собири во светот, а исти присуствуваа за првпат и на осмата светска конференција на Големите масонски ложи која се одржа 2006 година во Париз каде беше претставена со уставното име на државата со сите масонски почести.
Официјална веб страна на масоните
http://www.glm.org.mk/mk/introduction_more.html
Само треба да ги „поврзеш стварите“. А за тролање и лепење лајкчиња ве бива, нек си е*е матер!
ама ај,нејќам да навлегувам во нечии филозофии...
