Деца на сонцето и цвеќето, да знаете дека вашата мајка Земја ја населив со три раси, белата раса Македоноиди, жолтата Монголоиди и црна раса, која ја нареков Негриди. Преостанатите луѓе се сите Мулати. Од вас Македонците белата раса ја зачнав и ја раширив се до Јапонско Море. Сите бели луѓе ваши браќа се, затоа што носат ген македонски и сите преселби од кај вас почнаа, па на Север.
Ова е дел од обраќањето на Бог кон Македонците во краткиот филм „Македонска молитва“, што Македонската телевизија го емитуваше непосредно пред новогодишната ноќ.
Според објаснувањето на Бог во филмот, со ваквото „откритие“ се доцни, зашто „зли ѓаволски души лажеа и ги искушуваа Македонците повеќе од 1.000 години“. Автори на филмот, кој се емитуваше и на сателитскиот канал на Македонската телевизија, се Ниче Димовски и Владо Денчов.