Емоцијата е возбудена состојба на организмот која се манифестира на 3 различни начини:
емоционално доживување (на пр. чувствуваме бес), емоционално однесување (како последица на доживувањето го напаѓаме или навредуваме соговорникот) и физички промени на телото (бликање на крвта во лицето, брзо чукање на срцето, потење, тресење итн).
Сите овие аспекти на емоциите се видливи и можат да се забележат со голо око според мене, само некои луѓе со текот на животот учат да ги прикријат овие забележливи промени кои им се случуваат при доживувањето на емоцијата.
Некој посупешно ја прикрива емоцијата, на некој не му оди добро криењето.
Не е добро да се притискаш и да трпиш во тебе од една страна, ама има моменти кога не можеш потполната емоција да ја прикажеш т.е да ја покажеш на пример: шефот на работа ти каже нешто што ќе те заболи, ама тој ти е претпоставен и моменталниот бес што го чувствуваш кон него мораш да го надминеш или пренасочиш за да не те избрка од работа. Ова е само еден мој пример.
Инаку емоцијата има различно ниво на тензија, интензитет, степен на сложеност(многу е тенка линијата помеѓу некои емоции). Од благо задоволство може да се премине во потполна екстаза и од слаба вознемиреност може да се премине во огоромен бес.
Најдобро е кога можеш да ја контролираш емоцијата, но има некои емоции на пример кои не можеш да ги сокриеш.
Емоцијата изненадување може да биде пријатна или непријатна(зошто емоциите се разликуваат и по тоа некои се позитивни, а некои негативни).
