Сега, можи че ви изгледа пристрастно, но нема да речам дека Прилеп е најубав град, ама во последно време станува едено од поубавите во Македонија. Сега, не е атрактивен како Скопје, Охрид или (во последно време) Струмица, ама е во последно време нагло се средува, а и околината негова е прекрасна. Ете, пред извесно време разговарав со едни Французи, (инаку волонтери кај нас во една невладина) кои тукушто се беа вратиле од Прилеп во Скопје. Луѓево беа воодушевени. Оти, кога ќе дојди некој во Прилеп, треба да знае кај да појди. Ете, тие случајно нашле на сред плоштад некој наш дедо, пензионер, кој знаел француски (кај нас имаме доста такви „белосветски“ луѓе, кои на времето учеле француски или руски, или пак биле во Франција на печалба). И, дедово ги однесол во пазарот за сирење (тоа е еден огромен објект, стар над 80 години, каде доаѓаат сточари од Прилепско, Битолско и Мариовско за пазар) и на пазарот за риби. Плус, им се погодил денот, сабота, таман е пазарен ден кај нас. После, ги однел на Варош, им покажал некои цркви, па ги качил и на Маркови Кули. И, вечерта Французиве си идат по импресии назад.
Поентата, значи ми беше дека, иако однадвор не изгледа многу атрактивно, сепак Прилеп има што да поонуди. Следниот пат и слики.