Здраво дечки, јас малку подоцна видов за отворената тема ама еве да ви пратам неколку информации за Марјан Ѓорѓиев.
Тој моментално се наоѓа во Кина значи конечно стигна таму и веќе нема да биде сам, патува со двајца Кинези. Инаку тој редовно контактира со нашиот веб сајт за ноќниот живот во Кочани - KocaniTonight.com и ни праќа информации.
еве неколку работи кои би можеле да ве интересираат:
- Кога требаше да влезе од Турција во Ерменија границата му беше затворена па мораше директно да влезе во Азербејџан.
- Освен случката со затворањето на границата на Турција-Ерменија и непредвидливите временски услови, Марјан е добро, во одлична здравствена состојба и освен што патува има време да ги разгледа знаменитостите на поголемите градови, да сними по некоја фотографија и видео клипови. Воодушевен е од централна Азија, имало преубави места, посебно од градот Бухара (Узбекистан).
- Во сите држави тој поминал релативно добро, со мала незгодна ситуација во Туркменистан. Имено, поради тоа што тој останал во Туркменистан повеќе од три дена, а не се регистрирал дека ќе остане, на излегување му побарале да плати 178 долари. Тој одбил да плати и добил едногодишна забрана за влез во Туркменистан. За среќа, без никаков дополнителен проблем влегол во Узбекистан.
Еве две клипчиња од Марјан.
Овие денови ќе објавиме уште неколку клипови од градот Бухара и од Бишкек (главниот град на Киргистан) и ќе ги поставиме и овде.
Поздрав до сите