...нивото на загадување било на граница, па штом греењето во домаќинствата предизвикува толкав проблем.
Ајде малку поозбилно.
Не е дека летово се шетавме со гас маски, и сега наеднаш вагата ја превагна „малку„ загадување од неколку десетина илјади оџаци (конзервативна проценка). Загадувањето од греење со дрва и отпад е најголемиот фактор.
Загадувањето не е заради тоа што луѓето се греат на дрва како евтин енергенс, загадувањето е заради тоа што се користат неефикасни печки кои имаат неефикасно и нецелосно согорување.
Не му налагам јас на никој да гради ефикасни печки, јас само покажав дека за многу евтини пари
постои многу еколошко и многу ефикасно решение. Има и други добри решенија.
Крајно време е државата (и општината/градот) да наложи што да се прави по тоа прашање, преку закони и регулации за греење на дрва. И најстрого да се забрани горење на отпад. Не ме интересира кој колку е сиромашен, за мене горење на отпад и ѓубре е еднакво на нанесување телесна повреда или убиство, нешто што не смее да се толерира без разлика што некој го прави тоа „заради сиромаштија„.
Најмалку сакам да го бранам буљашот што е актуелен градоначалник, ниту тој ниту
никој пред него не си ја врши работата како што треба.
А да не зборам на празно еве што сметам дека треба да се направи:
- да се донесе регулација за минимум дозволена концентрација на честици од оџак, нешто што може да се мери. Притоа државата да субвенционира изведби и материјали за некое техничко решение со ниво на ефикасност и незагадување, како тоа што јас го покажав.
- да се среди јавниот сообраќај, да се воведеат тролејбуси како едиствено економски можно, а еколошко решение.
- да се направат вистински велосипедски патеки, наместо смешните линии
врз кои се паркираат автомобили,
на кои се поставуваат огромни рекламни панели, и
кои се делат со пешаци и автобуски постојки. Нема потреба да се измислува топла вода, нека видат како тоа е направено таму каде што се средени тие работи.
- кога ќе се средат предходните два услови, да се воведат изгор скапи такси и давачки за возење кола во целото централно градско подрачје (од почеток на Ѓорче до крај на Лисиче/Драчево, од друга страна цело Водно до крајот на Радишани.
- да се релоцираат СИТЕ индустрии што испуштаат чад, во индустриски зони надвор од градот.
Од сето ова горе најлесно може да се регулира чадот од домаќинствата, и велосипедските патеки. Другите услови, исто така се решаваат со цврста волја.
Но не се решаваат зошто гласачкото тело е воглавно проста раја, која не знае да си ги бара правата. Затоа и ни се случува ова што се случува, и ни мачкаат очи со ретардирани препораки од видот „седете дома и не проветрувајте простории„.
Барем да би објаснат како да го надополнуваме нивото на кислород дома, чим веќе не ни делат боци со кислород.