- Член од
- 17 јануари 2009
- Мислења
- 2.814
- Поени од реакции
- 4.665
Живот како живот, секој има различна цена. Таа зависи од тоа за чиј живот зборуваме и каде истиот се живее, иако и тоа не е некоја гаранција. Во врска со животот многумина имат неизлечливи илузии дека нивниот живот има некоја, општо прифатена, вредност која е еднаква со нивните индивидуални очекувања и вреднувања. Ни сите оние војни, геноциди, биолошки и хемиски испитувања, големи бизниси поврзани со нафта и лекови не успеаа да ја нарушат илузијата за скапоценоста на човечкиот живот.
Можноста некој да биде заклан како свинче од заглавен наркоман за некои си 200 денари секако не оди во прилог на високата вредност што и се придава на живејачката. Истото важи и за најголемиот број од оние што ја имале привилегијата да се родат во Уганда, Руанда, Сомалија или во некои други егзотични земји и простори, како на пример во близината на Чернобил пред некоја деценија. Се разбира, ова се само примери. Со нив ни оддалеку не се ицрпуваат нештата што секојдневно го обезвреднуваат (обесмислуваат) човечкиот живот, а кои најчесто се дело на самите луѓе, освен природните непогоди.
Секако, сите сме загрижени за сопствените животи (освен самоубијците) и за животите на нашите блиски. Има дури и такви кои се загрижени за животите на поширок круг луѓе и на разни начини се обидуваат да ја подигнат неговата, одамна девалвирана вредност, но тоа во споредба со се што се случува и се случувало во минатото е занемарливо.
Се покажало дека одредени метали, гасови, специфични видови камења, течни остатоци од фосили, па дури и мали обоени листови хартија на кои е отпечатено нешто што е изгледа многу вредно, можат да бидат многу поважни од животите на милиони човечки суштества.
Можноста некој да биде заклан како свинче од заглавен наркоман за некои си 200 денари секако не оди во прилог на високата вредност што и се придава на живејачката. Истото важи и за најголемиот број од оние што ја имале привилегијата да се родат во Уганда, Руанда, Сомалија или во некои други егзотични земји и простори, како на пример во близината на Чернобил пред некоја деценија. Се разбира, ова се само примери. Со нив ни оддалеку не се ицрпуваат нештата што секојдневно го обезвреднуваат (обесмислуваат) човечкиот живот, а кои најчесто се дело на самите луѓе, освен природните непогоди.
Секако, сите сме загрижени за сопствените животи (освен самоубијците) и за животите на нашите блиски. Има дури и такви кои се загрижени за животите на поширок круг луѓе и на разни начини се обидуваат да ја подигнат неговата, одамна девалвирана вредност, но тоа во споредба со се што се случува и се случувало во минатото е занемарливо.
Се покажало дека одредени метали, гасови, специфични видови камења, течни остатоци од фосили, па дури и мали обоени листови хартија на кои е отпечатено нешто што е изгледа многу вредно, можат да бидат многу поважни од животите на милиони човечки суштества.
