Ирска се оди за провод не за живот. Авантуристички јас од како сум роден сакам да одам но не испаднала прилика.
Мојата замисла се качуваш на авион директива Даблин .Фаќаш воз и одиш во непознат правец. Застануваш на станицата кога ке ти се здосади од возењето, бараш некој локален паб во местенцето влегуваш и пиеш домашен Гинис со Ирците, секако ги частиш за да ти прават друштво
.
Вечерта продолжува а ти губиш ориентација каде се наогаш но секако си пијан и не се замараш околу тоа каде си!? Почнуваш да пееш некој си стари традиционални Ирски песни од кои абер немаш што се зборува во песната само држиш терца на локалните пијаници. Песните се келтски ,очигледно се зборува за некој како му ја исекол главата не некој си гот и се пофалил пред својота жена а сега таа мора да го слуша да не и се деси и неа истото, значи нема ритам нема рима само се дереш на цел глас а тоа те прави среќен.
Наредното утро се разбудуваш на некоја огромна ливада, главата ти пука како камбаната на Богородичната црква, дехирдирано имаш а вода немаш.
Околу тебе само 3 крави по 2 метра високи и 2,5 долги на 1 метро широки, и им објаснуваш дека ти се пие нешто , фактички ги замолуваш за малку млеко а тие само те игнорират -странец си а немаш пари како да ти дадат . Страшно мириса на сулфур , се чудиш на колку метра си до вулканскиот кратер , викаш немој боже те молам немам сила за бегање од лава, не сум спремен за ерупција.
Ги претресуваш џебовите имаш само неколку монети и мапа од Даблин а не си таму
. Слегуваш до најблискиот автопат 2 ленти по 2 метри и тргнуваш по него пцуејки се како си го зафркнав одморот, каде да одам сега.
Во моментот кога си на врвот на депресија, здогледуваш еден дедо седнат на соседната ливада , со стап во раката и 2 кучиња до него мали ама многу агресивни. Одиш до него да го помолиш за помош. Тој те негира, разочаран е од младината на денешницава те нападува со стап и ти ги пушта кучињата, почнуваш да бегаш, андреналин на максимум. Развиваш брзина од 15km/h дури и Mabel(најбрзиот робот во светот 10,94km/h најголема брзина) ти завидува, си викаш во себе кај се сега овие од гинис да дојдат да видат што е рекорд барем ке ме запамети историјата доколку ме испокасаат кучињава и умрам од беснило или кучешка тенија во оваа пустелија.
. Како што бегаш и почнуваш да размислуваш да се предадеш на дивите кучиња во еден момент зад тебе 2 девојки во некоја мала женска кола како господ англели да прати застануваат за мемент ти само влегуваш и продолжуваат да возат. Облечени во зелено го слават св. Патрик значи се дамла пијани. еве на какви мислам
Од овој момент можете сами да си фантазирате како ке се вратите назад , јас не знам
