Бидејки често разговараме на оваа тема со моите пријатели мислам дека треба, барем на овој форум, да се расчистат некои работи. Сакам правилно да ме сфатите дека воопшто не бранам ниту напаѓам нечија страна.
1. Не се бунам. Го добивме тоа што го сакавме. Губитниците се бунат. Нели кој губи има право да се лути.
Доколку вие, принц, го добивте тоа што го сакавте тогаш во ред е, барем за вас. Мнозинството од тој дел на македонското население не го добија тоа што го сакаат туку напротив. Ситуацијата им е многу полоша. Од економски, па до политички. За општествено и да не зборуваме.
Велите дека губитниците имаат право да се бунат/ лутат. Вие себеси се сметате за победник? Како? Во кој дел? За да не се доведе ситуацијата во Македонија до степен на Руанда ефект беше потребно истата да се смири некако. Следствено на веќе кажаното е токму Рамковниот договор каде што огромниот дел од законските решенија потекнуваат од нашите институции, односно веќе се правеа закони кои ќе овозможеа правично застапување и ред други закони кои се донесоа праку тој договор. Тогашната власт беше на пат да ги усвојува истите без ниедна капка крв да биде пролеана и без да се вратиме најмалку 50 години назад во економијата (споредено со развиениот свет).
Губитници велите. Е па, не само јас, ами многумина ќе ви кажат дека во Македонија од случките во 2001 губитници се само граѓаните кои живеат во неа.
Само политичките моќници и нивните блиски и малку подалечни ќареа на заедничката ни мака.
2. Никогаш немаше да го добиеме ова по мирен пат. Аљбанците беа деградирани/газени/искористени се до пред таа војна. Со еден збор, беа граѓани од втор ред. Ти текнува на знамето, ти текнува на тетовскиот универзитет... Ти текнува на репресијата. Мораше да се случи тоа што се случи.
Болдираното е една од најголемите пропаганди (со најсилен ефект) која се користеше за некакво оправдување на веќе стореното, истовремено да се скрие и вистинската намера, односно повеќе намери , за случувањето во 2001. Всушност целото квотирано е една голема пропаганда која премногу лесно ја голтнаа македонските граѓани од албанско потекло.
Да подобјаснам малку.
За времето на случките за знамето марката поскапе до или повеќе од 30% но
никој не забалежа ниту се побуни бидејки едни се жалеа на ќотекот, а други се ситеа на истото.
Тетовскиот универзитет, исто така, е чин на дефокусизација, значи систематска манипулација, на населението бидејки кога беше актуелен, ако се сеќавате, се вршеше трансформацијата на општествениот капитал (грабежот на тогашниот општествен имот). Кога работите околу грабежот во јавноста ќе се истакнеа над дозволеното, односно ќе беа видливи за населението како проблеми за решавање секогаш се активираше проблемот со тој универзитет. Кога се` си одеше по план и програма на лицата кои имаа најмногу, единствен, ќар се забораваше на универзитетот и тој си работеше и вадеше кадри непречено бидејки никому, реално, не му сметаше.
Значи станува збор за систематска манипулација на населението и ништо повеќе.
Е сега, за наводната репресија. Дефинитивно постоеше нешто бидејки во Македонија, во времето на нејзиното осамостојување, имавме население кое е со многу низок едукативен степен. Сепак овој аргумент не треба да се сфати како апсолутен бидејки и тогаш постоеше голем број на мошне образовани албанци.
Едно е сигурно, околу таа анводна репресија, а тоа се објаснува со изреката: Колку е тешко да натераш жаба да рипне во вода. Ретко се наоѓа човек кој сопствениот неуспех си го препишува на сопствените одлуки или недостаток на способности. Тенденцијата е вината да се фрла врз други личности, состојби или судбини така што денес имаме состојба во која македонските граѓани од албанско потекло мислат дека тие се сиромашни бидејки парите се кај македонците, а македонците тврдат дека тие се сиромашни бидејки парите се кај албанците. Ако ова реално и потврдено општествено мнение на населението не е доволен доказ за систематска манипулација врз населението во Македонија тогаш јас не знам што би бил доказ за постоење на такво нешто. Лажам се подразбира, имам и други докази, ама да не ве замарам. Посетето го мојот сајт и самите после ќе можете да си ги наоѓате во нашето општество.
3. Разно
Македонското население живее во колективизам или народски да го кажам тоа:
Втерани во трла како добиток, македонското население, е исклучено од меѓусебна комуникација. Постои македонско трло, албанско, турско, влашко, српско, ромско... Каде што овчарите стрижат и молзат (полнење на буџетот) и решаваат за нашите судбини со моќта која ја стекнуваат при владеење со најголемото купче пари во државава. Всушност ова е и најголемата политичка борба кај нас.
Колку работите и да се менуваат некако постојано остануваат исти.
Постои, исто така, тенденција на поделби во трла на самото поединечно трло, односно станува збор на се` поголема поделба на населението или едноставно кажано се поставуваат овчари за да ги прифатат оние на кои претходното трло им станува тесно.
Системот се нарекува раздели па владеј!!!
Кој тоа, докажано низ историјата човечка, користи вакви средства?
Та нели живееме слободни во демократија?
П.С.
Нашето население не ги познава термините индивидуализам и слобода во нивните суштински значења. Доколку ги познаваат овие термини тогаш е од гледна точка на левичарството!!!
Затоа е лесно да се владее во Македонија на веќе опишаниот начин.
П.П.С.
Доколку постои нешто нејасно... Знаете веќе, нели?
