За да ослабиш најпрво ќе треба здраво да се храниш.. ( и за тоа имав пишувано во гурманско катче, еве го пак:wink: )
Да се храните здраво не значи да се откажете од хранaта на која сте навикнати и која вам ви се допаѓа. И мали модификации може да допринесат да се намали количината на масти во вкупната исхрана и со тоа, таа условно да се преобрази во „здрава“.
Генерални сугестии
Готвењето со помалку масти започнува уште во продавницата . За да се намалат т.н. скриени масти кога купувате, потрудете се да одберете посно месо и обезмастени продукти (на пр. обезмастено млеко, сирење, јогурт, дресинг за салата). Внимавајте, процесираната храна исто така може да содржи скриени масти. Треба да знаате дека мастите се корисни (здрави) ако се консумираат во форма на нерафинирани природни масти (содржани во оревите, јаткастите плодови, рибата, сојата, маслинките, авокадо), бидејќи вакватите масти се придружени со други пожелни хранителни состојки. Доколку сте навикнати во готвењето да додавате масти, употребувајте само минимални количини и користете ладно цедени мононесатурирани масла . Всушност, мала количина на масло е корисна за организмот. Ако додадете малку масло во зеленчукот или легуминозите, тоа ќе помогне да се апсорбираат липосолубилните витамини и антиоксидантните фитохемикалии. Генералните сугестии за здраво готвење вклучуваат:
* Дозволено е храната да ја приготвувавате користејќи висок притисок (пареа-претис лонец), печење, скара, варење и микробранова печка.
* Избегнувајте да ја пржите храната и елиминирајте ги рецептите во кои се додава путер или се користи животинска маст.
* Избегнувајте да употребувате масло и путер како лубриканти- наместо тоа користете „нелепливи“ тефлонски садови за готвење ( во кои нема потреба од додавање на масло).
* Немојте да ставате сол во храната, во тек на варењето.
* Отстранете ја кожата на пилето, која содржи многу масти. Сепак за да ја задржите влажноста на месото, направете го ова на крајот на готвењето.
* Употребувајте повеќе свеж зеленчук и овошје.
* Употребувајте повеќе риба, која е добар извор на протеини, содржи малку масти и содржи омега 3 масни киселини.
Готвење со малку масти
Следните сугестии може да ви бидат од корист:
* Ако морате да употребите масти, ставајте го маслото со четкичка или со прскалка, на тој начин ќе употребите помала количина .
* Наместо во масло, гответе во течности ( на пример во сос, вино, лимонов сок, овошен сок, оцет или вода).
* Кога рецептот бара да се употреби крем како згуснувач, користете јогурт, обезмастено млеко во прав или густин.
* Кога приготвувате зеленчук, ставете го во загреана тава, а потоа попрскајте го со зејтин, подобро отколку прво да го ставате зејтинот во тавата. Ова ја намалува количината на масло кое зеленчукот ( на пример печурките) ќе го апсорбираат во тек на готвењето.
* Алтернатива е зеленчукот прво да се свари, а потоа да се потпече на скарата за 1-2 минути.
* Кога сервирате месо и риба, користете песто, салца и оцет, наместо тартар сос, путер и кремасти сосови.
Како да се сочуваат хранителните состојки?
Хидросолубилните витамини се деликатни и лесно се разградуваат во тек на приготвувањето и готвењето. За подобро да ги сочувате следните сугестии може да се од корист:
* Наместо да го лупите подобро е да го рендате зеленчукот , повеќето Хранителни состојки се наоѓаат непосредно под кожичката ( кората).
* Подобро е да го приготвувате под пареа или во микробранова печка, отколку да го вриете.
* Ако веќе саката да го вриете, водата во која вриел и која е богата со витамини, искористете ја за да направите сос или супа.
* Вклучете повеќе рецепти во кои зеленчукот само се потпржува (краткотрајно пржење). На тој начин, оброкот ќе го приготвите за кратко време, зеленчукот ја задржува бојата, а се задржуваат хранителните состојки.
Намалете ја количината на сол
Солта се користи традиционално, како подобрувач на вкусот, но докажано е дака висока содржина на сол во исхраната допринесува за голем број заболувања, вклучувајќи го и покачениот крвен притисок. Следните сугестии во врска со солењето на храната може да ви бидат од корист:
* Не додавајте автоматски сол, прво пробајте го вкусот.
* На крајот на готвењето на зеленчук, додадете ја течноста од маслинките или лимонов сок - бојата може да се задржи на тој начин.
* Одберете смрзнат или свеж зеленчук, бидејќи оној во конзерви обично е конзервиран со сол.
* Ограничете ја консумацијата на месо процесирано со сол, на пример салама.
* Користете леб со помалку сол и цереалии за појадок без додаток на сол.
* Ако саката да додадете сол, посолете ја храната директно во вашата чинија. На тој начин ќе ја намалите вкупната количина на сол.
* За повеќето од солта која ја внесувате со исхраната, вие не сте ни свесни дека ја примате- но таа влијае на вашиот организам ( на пример, тешко е да се открие вишокот на сол, додаден на лебот).
* Употребувајте јодирана сол- таа е најдобра и помага во спречување на гушавоста. Најголем извор на јод со храната е растителната храна, сепак постојат докази дека почвата во нашата земја содржи малку јод и ова резултира во ниска содржина на јод во растенијата. Ако редовно консумирате риба ( еднаш неделно), потребата за јодирана сол е помала.
* Избегнувајте процесирана храна конзервирана со сол на пример обоена инстант паста или дехидрирани мешавини за супа.
* Редуцирајте ја употребата на сос од соја, кечап и процесирани (готови) сосови бидејќи содржат многу сол.
* Користете различни тревки за да го подобрите вкусот на храната во вашиот рецепт и да ја намалите потребата за сол.
Употреба на билки и зачини во готвењето
Кулинарските билки се зачини кои се додаваат на храната со цел да се добие одредена боја и/или вкус. Во многу рецепти тие може успешно да заменат сол и масло. Запаметете:
* Билките имаат деликатен вкус, затоа додавајте ги на јадењето во последните неколку минути на приготвувањето.
* Сушените билки имаат поизразено дејство, споредено со свежите. Како генерално правило, 1 кафена лажичка сушени тревки е еднаква на 4 лажички свежа.
* Освен во рецептите за приготвување на месо, тревките може да се додаваат на различни супи, пецива, мустарди, дресинзи за салата, на вински оцет, десерти и пијалоци.
* Некои зачини на база на билки, како што е кориандер, гингер, лук, чили и лимонграс се одличен додаток на рецептите со потпржен зеленчук.
Сугестии за сендвичи
За да постигнете сендвичот да е „поздрав“, придржувајте се кон следните сугестии:
* Користете интегрален, несолен леб (не мора комплетно несолен, доволно е леб со помалку сол) -на пример, некои брендови на соја или леб врз основа на соја.
* Ако го преферирате вкусот на белиот леб, орјентирајте се на вариететите со висока содржина на влакнести материи ( интегралниот леб).
* Не ставајте путер, нема ни да забележите ако вашиот сендвич има веќе неколку вкусни состојци.
* Ограничете ја примената на намази богати со заситени масти/животински масти, како крем сирење; заменете ги со путер од кикирики или со некој друг производ од јаткасти плодови или обезмастени сирења.
* Секогаш кога можете, купувајте обезмастени продукти, како што се обезмастено млеко/сирење или мајонез со помалку масти ( лајт варијанта).
Други сугестии
* Потрудете се малку околу презентацијата на оброкот. Верјатно ќе уживате повеќе ако оброкот и визуелно „изгледа вкусно“.
* Направете настан од секој оброк. Поставете ја масата. Ручајте со семејството. Дајте си шанса да уживате.
* Долготрајните лишувања како и строгите диети не функционираат. Дозволете си себеси да не се чувствувате криви, затоа што понекогаш сте претерале со храната.
* Помала е веројатноста да се прејадувате ако јадете полека и уживате во секој залак.
) fala za opshirnite odgovori..btw imam 21 godina i moram da ti kazam deka bas zdravo se hranam,se trudam da jadam mnogu zelencuk i ovoshje.Mojot problem mislam deka e sto sum mnogo golem gurnam,abe jadam bas se i toa so slast.Imas mozebi pravo toa za genetikata posto tatko mi e debel covek se plasam deka ke bidam kako nego
