Дали секогаш ги читате книгите до крај?

Дискусија во форумот 'Уметност, литература, јазик' започната од Crazy in Love, 1 март 2015.

?

Дали секогаш ги читате книгите до крај?

  1. Да, секогаш.

    41,5%
  2. Не, кога не ми се допаѓа книгата, ја баталувам.

    35,8%
  3. Зависи од книгата

    22,6%
  1. Вокерка

    Вокерка Модератор

    Член од:
    29 јануари 2006
    Мислења:
    6.188
    Допаѓања:
    4.337
    Читав една статија во која Набоков изјавува дека би требало да се ослободиме од чувството на вина и чувството на недовршеност кога станува збор за недочитана книга. Од една страна не вреди да се замараш за нешто што не ти предизвикува никаков интерес, но од друга како би можело да предвидиш дека баш крајот или остатокот од содржината нема да те заинтригира?

    Во денешно време мислам дека ретко некој фаќа да чита книга по случајност. Сите читаме коментари, рецензии и мислења на интернет и од прилика знаеме што би ни се допаднало што не. Ризикот да наидеш на нешто што не ти е по мерак, а сепак е од жанрот што го сакаш и следиш е минимален.

    Како придонес за темава ќе оставам две статии што се посветени на оваа „проблематика“.

    Промискуитетно читање.

    Кој тип читател си?

    Лично јас пред да ја студирам книжевноста никогаш не оставав недочитана книга. Токму поради чувството на вина. Читав книги што речиси и не ги разбирав, ама имав некој внатрешен немир што ме тераше го прочитам секој збор. Подоцна низ раце ми поминаа многу книги од кои требало да ја филтрирам само најважната информација или анализа и сум немала време да им се посветам на тој начин. А сепак ако не ги сметам стручните дела немам дочитано само 2-3 романи во животот.
     
    На Agda Beata, џимеј, Несериозен и уште 2 други им се допаѓа ова.
  2. Јаневски

    Јаневски

    Член од:
    1 јануари 2010
    Мислења:
    1.425
    Допаѓања:
    725
    @Crazy in Love Одлична тема.

    Досега сите книги што ги имам почнато ги имам завршено, единствен исклучок е Ана Каренина кога бев во средно, не се сеќавам баш конкретно, ама знам дека ми пукна филмот уште некаде на почеток, плус тоа tl;dr и спојлер, колку страници и да читам знам дека на крај таа се фрла под воз поради некоја љубов и слично.
    Мислам, сите делови од тоа литературно дело, ги имам сумирано на таа една реченица, што и реално не е многу добро, ама во случајов - тоа е.

    Инаку да, како што реков, се што е почнато мора да се заврши соодветно, нема бегање, истото важи и за книгите.
     
  3. Толстој

    Толстој екс Бомбастичен

    Член од:
    28 септември 2012
    Мислења:
    11.534
    Допаѓања:
    11.681
    Ги дочитувам до крај без разлика дали ми се допаднале или не, тие што не ги сфаќам ги баталувам и после ден-два пак почнувам да ги читам, со надеж дека работите ќе ми се појасни. Некоја книга знае и целосно да ме обземе па можам и за ден да ја прочитам.
     
  4. fatamorgana123

    fatamorgana123

    Член од:
    14 март 2014
    Мислења:
    342
    Допаѓања:
    650
    Да.
    Ја читам колку и да ми е досадна и глупава и не знам каква,ја дочитувам до крај.
    Избегнувам да не ги дочитам.
    :гик:
     
  5. zarah

    zarah

    Член од:
    3 март 2013
    Мислења:
    48
    Допаѓања:
    56
    Има премногу книги што копнеам да ги прочитам за да губам време на дело кое не ми се допаѓа.
    Впрочем, само на една книга што не сум ја дочитала ми текнува, чинам Фотографија се викаше. Беше толку монотоно напишана, не се случуваше ништо, се изнервирав и ја баталив.

    Инаку за среќа не се случило чинам друг пат да баталам книга. Си го познавам вкусот и генерално читам литература што ми е во областа на интерес.
     
    На Mary Poppins, Crazy in Love и ficdogg им се допаѓа ова.
  6. SpaceTraveler

    SpaceTraveler 93 93/93

    Член од:
    23 септември 2015
    Мислења:
    2.047
    Допаѓања:
    927
    Кога друѓите нешта не ги правам до крај барем книгите ги дочитувам. Еве во периодов наидов на книга со возбудлив почеток, но има некоја долга средина досадна до бесвест, ама ќе се помачам уште 60 странички. :)
     
  7. Incule

    Incule

    Член од:
    4 јануари 2015
    Мислења:
    703
    Допаѓања:
    146
    Зависи,ако книгата ми е убава ќе ја читам до крај
     
  8. Arwen Undómiel

    Arwen Undómiel don't quit the chase

    Член од:
    28 јануари 2016
    Мислења:
    175
    Допаѓања:
    413
    Порано ме фаќаше грижа на совест и ги дочитував до крај на сила и тие што не ми се допаѓаат. Сега, доколку книгата која ја читам не ми се допадне и пружам добра шанса, односно не се откажувам брзо, но во моментот кога веќе не можам да издржам, ја баталувам. И повеќе не се замарам дали е океј или не, понекогаш развлекувам книга со недели само за да не ја откажам, а за сето тоа време сум можела да уживам во други.

    Минатата година ги баталив "Играта со стаклени мониста" на Херман Хесе и "Ефи Брист" на Теодор Фонтане. Едноставно предосадни ми беа, преспоро се одвиваа работите и ништо не се случуваше. Од првата добивав и нагони на повраќање, до толку не ја можев.

    И мојот очигледно вечен немезис: "The Silmarillion" на J. R. R. Tolkien. Пред 2 години ја почнав, едвај 50-ина страни прочитав. Ја почнав по втор пат пред неколку месеци, мислам дека не стигнав ни до 100. Екстремно многу сакам да ја прочитам, но не можам. Претешка е. Секоја глава е со нови ликови, приказната е речиси библиска, премногу имиња и места, премногу неразбирливо.
     
    На Eva1990, Krstev и ficdogg им се допаѓа ова.
  9. Eva1990

    Eva1990

    Член од:
    28 јули 2017
    Мислења:
    6
    Допаѓања:
    0
    Порано ги читав до крај, како да морав, а сега ако не ми се допаѓа ја оставам.
     

Сподели преку: