Грчките националисти нема да ме замолчат
Исландскиот режисер Сигурјон Ејнарсон реагира на блокадата на неговиот филм „Име си е име“, кој се однесува на Македонија и спорот со Грција. Во интервјуто за „Нова Македонија“ Ејнарсон вели дека иако снимал и други лични филмови, досега никој вака не му се заканувал нему и на неговата земја.
Вашите документарци секогаш предизвикуваат многу врева. Како обичните луѓе го доживуваат филмот и инцидентот во исландската амбасада? Ние овде мислиме дека вакви нешта нема во тој дел од Европа.
- Инцидентот во амбасадата е мошне интересен и ме изненади. Сите инволвирани во ова знаеја за што се работи во филмот, како што впрочем стои и во поканата на исландскиот амбасадор. Она што е интересно е дека амбасадорот и Министерството за надворешни работи на Исланд имаа различни „изговори“ за откажувањето на прикажувањето на филмот. Нема никакво сомневање дека филмот е откажан поради грчки притисок, иако тоа што било кажано или напишано во амбасадата за мене е тајна. Но јасно е дека Исланд е под голем притисок, се пријави за членство во ЕУ и бара пари од ММФ. Претходно Исланд секогаш ги поддржувал малите нации, како балтичките земји во 90-тите години и Источен Тимор кога се одвојуваше од Индонезија. Дури ни соседните земји, како Норвешка, не се осмелија да го поддржат Источен Тимор.
Исланд уште на 29 декември 1993 година ја призна Македонија како ФИРОМ. Не гледате овде некој контрадикција?
- Да, но ова не кажува многу. Македонија на Исланд ја викаат само Македонија. И исландскиот амбасадор во поканата за филмот напиша Република Македонија, тоа е една од причините зошто Грците му се развикале. Сега ние имаме нова лево-центристичка влада во Исланд. Таа има агенда да поддржува нации како Македонија во нивната борба за правда. Но сега Исланд е во дилема.
Како ја коментирате реакцијата на Грците во амбасадата?
Мислам дека е совршен пример на грчкото насилство и притисок. Македонија со своите 2 милиони граѓани е во заложништво на Грција. Турција со своите 75 милиони жители е заложник на Грција, а сега и Исланд со своите 330.000 жител е потенцијален заложник.
Исланд, исто така, беше на големи маки со Данска...
- Тоа е стара приказна. Исланд беше горда демократија пред 1.100 години. Го имавме првиот парламент во светот, основан во 930 година. Низ времето Исланд беше владеан од неговите нордиски соседи сé до независноста од Данска во 1944 година. Данска денес е високоразвиена земја и добро се однесува. Грција има многу што да научи од Данска.
Грчката заедница во САД веќе започна своевидна кампања против филмот. Тврдат дека филмот е скопска пропаганда и дека полн со лаги. Има нешто што не е точно во „Име си е име“?
- Мислам дека тие реакции се глупави. Најверојатно не го ни виделе филмот. Мислам дека тоа не начин на кој реагира просечниот Грк. Грците генерално се добри луѓе. Сепак, грчката пропаганда е силна и користи многу валкани трикови. Ова е само чесен документарен филм - можат да врескаат и да пишуваат колку што сакаат - нема да ме замолчат.
http://www.novamakedonija.com.mk/NewsDetal.asp?vest=112091044156&id=9&prilog=0&setIzdanie=21842
и им произведува огромни загуби.
