Во Кувајт ќе пијат македонска вода?

[vone]

Сакав да кажам - производи од земја али ај бидна така како што пишав. Занемари, деновиве на српски учам економија и сфашта низ глава ми помина.

Битно - вода сеа имаме. Ќе шиткаме. Ваљда нема до толку да бидеме будали и да продаваме кога ќе немаме. Сеа за сеа, не е опасно ова. А коа ќе дојде суша и ќе нема вода - не верувам дека ќе постои човек во државава кој се осмели да остави недостаток на вода дома а да продава вода во странство.

Ако се работи за шиткање и не е некој проблем...Кувајт и онака е нешто ко пола Скопје... па покрај увезените мал милоион разни флаширани води не е на одмет во нивните продавници на рафтовите да се најде и нашата флаширана вода.
Кувајт голем дел од потребите за вода ги задоволува со десалинизирана морска вода...

Само ако продажбата биде во стилот и со последици како кај продажбите на ЕСМ-дистрибуција или телекомот тогаш наебавме...

 

[Казаки]

Во иднина се предвидва светот за вода да војува... овие идиотите наши уште од сега почнаја да ја продаваат!!!

 

[gade]

Let me get this straight...
Прилеп нема вода на лето, Кавадарци нема вода на лето, а и богами во текот на годината после 9 саатот, Тетово исто мислам дека имаше некакви проблеми, а овие мислат да продаваат вода...
Yep, I got that right!

 

[leandra]

Сигурно нема ракија наша да пијат.
Си шиткаме ресурси бе. Иаме вишок ваљда. Трговија.
Смешен народ сме ние Македонците. Сакаме наше да купуваме, странско да не купуваме а и наше да не продаваме, освен ако не е во ЕУ или САД. Пари си се пари. Сфашта...

Смешен сме да, тука имаш право. Ако се пари пари тогаш и за пасиштата се заинтересирани нека ги продадат. Па кирија ќе им плаќаме да попасеме таму екипно цела земја, ќе организираме натпревар во пасење.
Велиш подолу додека има нека се продава и после веднаш си прекинуваш договор и чао пријатно на Кувајт, така ли нешто го замислуваш? Ова некоја нова економија изгледа е.
Вода, енергија и земја (во смисла плодно обработлива површина, пасишта и планини) не се продава. Кај нас ќе остане само воздухот изгледа.

 

[wolfs]

Let me get this straight...
Прилеп нема вода на лето, Кавадарци нема вода на лето, а и богами во текот на годината после 9 саатот, Тетово исто мислам дека имаше некакви проблеми, а овие мислат да продаваат вода...
Yep, I got that right!

Прилеп, Кавадарци, Тетово и многу градови немаат вода али затоа пак Ѕинго има

 

[arheolog]

Австралијците пијат македонска вода

Според неофицијалните процени, во нашата земја има над 4.000 извори на вода, а досега се доделени само 36 концесии за амбалажирање вода за пиење, од кои последната на хрватска компанија. Аналитичарите велат дека пивката вода во иднина ќе ја засени нафтата, а Македонија може добро да заработи од експлоатација и извоз на овој животен ресурс

НЕ ГО КОРИСТИМЕ ДОВОЛНО ВОДНИОТ ПОТЕНЦИЈАЛ
Македонска вода пијат граѓаните на Австралија, Швајцарија, Романија, БиХ, Албанија, Косово и на повеќе земји од регионот, а само во текот на минатата година од земјава биле извезени речиси 950.000 литри вода. Нашата земја од извоз на амбалажирана вода за пиење годишно добива прилив од десетина милиони долари. Ако се земе предвид дека според неофицијалните процени во Македонија има над 4.000 извори на вода и дека досега биле издадени само 36 концесии за експлоатација на минерална суровина вода за пиење, тогаш станува јасно дека нашата држава има потенцијал да ги зголеми производството и извозот на вода за пиење. Според многу светски аналитичари, пивката вода во иднина ќе ја засени нафтата како ресурс. Се чини дека тоа веќе го осетија странските и домашните компании, кои сѐ повеќе вложуваат во истражувања и капацитети за амбалажирање вода. Доказ за тоа се странските инвестиции во земјава во овој бизнис, како и постојаното зголемување на производството и на извозот на амбалажираната вода.
Пораст на производството

Во Министерството за економија велат дека во текот на 2010 година во Македонија биле произведени 691.000 хектолитри минерална и газирана незасладена, неароматизирана вода. Оттаму додаваат дека во 2012 година биле извезени 949.484 литри вода, и тоа 194.320 литри природна минерална некарбонизирана вода, 724.484 литри друг вид природна минерална вода и 30.680 литри минерална газирана вода.
- Извозот е реализиран во Австралија, Албанија, БиХ, Швајцарија, Црна Гора, Романија, Србија и во Косово - велат во Министерството.

Според неофицијалните податоци, Македонија располага со 4.414 природни извори, од кои дел се со капацитет повеќе од 100 литри во секунда, а околу 300 се со доток поголем од еден литар во секунда. Станува збор за огромен потенцијал, кој засега останува недоволно искористен, со оглед на тоа што досега се дадени само триесетина концесии за експлоатација на извори со пивка вода.

Странски инвестиции

На крајот на минатата година хрватската компанија „Мали Лошињ“ почна со изградба на фабрика за производство на амбалажирана вода за пиење во селото Гари. Во компанијата најавија дека најголем дел од производството ќе биде наменето за извоз.

- Очекуваме наесен да полниме 100 милиони литри вода во пластика и стакло. Главно, извозот ќе биде насочен кон европскиот пазар, но не е исклучена можноста и за проширување - рече Дражен Балиќ, управител на компанијата.

При промоцијата на новата инвестиција, министерот за економија Ваљон Сарачини истакна дека минералните суровини се таргет-сектор, кој нуди потенцијални инвестициски можности.

- Во таа насока е и заложбата на Владата на Република Македонија за реализација на проектите од програмите за основни и детални геолошки истражувања за енергетски и минерални суровини, т.е. доделување нови 60 концесии, по барање на бизнис-секторот, односно концесионери што се воедно и инвеститори, со посебен акцент на новиот закон за минерални суровини, креиран по барање на бизнис-заедницата, а во насока на скратување на процедурите за добивање лиценци, обезбедување што повеќе инвестиции, а со тоа и отворање нови работни места - рече Сарачини.

Му понудивме вода на Катар

Македонските компании што се занимаваат со производство и амбалажирање на вода за пиење преку Стопанската комора на Македонија им понудија проекти за извоз и експлоатација на вода на бизнисмените, членки на катарската стопанска комора. Фирмите „Пелистерка“, „Биљана, Љубосав и др.“ и уште неколку други понудија извоз на минерална вода во различно пакување.

Овие проекти беа дадени во Стопанската комора на Македонија, која во соработка со Комората за трговија и индустрија на Катар им ги понуди на тамошните бизнисмени. Сепак, засега Македонија нема реализирано извоз на вода во земјите од арапскиот свет.

Можеме да извезуваме многу повеќе вода
Што сѐ е потребно за да се амбалажира вода?
За зафаќање изворска вода за амбалажирање прво е потребно да се извршат геолошки истражувања, по што следува експлоатацијата. Постапката за истражувања е во согласност со Законот за минерални суровини и со него детално се регулира начинот на добивање дозвола за вршење детални геолошки истражувања. Инвеститорите заинтересирани за овој бизнис, во прилог на барањето за дозвола за вршење детални геолошки истражувања треба да приложат топографска карта, геодетски елаборат со нумерички податоци и катастарски план, проект за вршење детални геолошки истражувања, елаборат за оцена на влијанието врз животната средина и доказ за обезбедени финансиски средства за вршење детални геолошки истражувања во согласност со проектот. Услов за издавање на дозволата се позитивните мислења од надлежните органи. Постапката за експлоатација во согласност со овој закон е со обезбедување концесија за експлоатација. Концесијата за експлоатација за овој вид минерална суровина се доделува по пат на јавен конкурс.
http://www.novamakedonija.com.mk/NewsDetal.asp?vest=78139952&id=10&prilog=0&setIzdanie=22922

 

[cige]

А со џамијата што стана? Нели требаше ние јагниња да им продаваме, а тие нас од благодарност дани изграделе најголема џамија во Светот....и хотел сакаа на паркингот спроти Холидеј Ин.

 

[beneamata]

А ние пиеме вода од Србија... Тоа е таа логика...

 

[Солунски Атентатор]

А со џамијата што стана? Нели требаше ние јагниња да им продаваме, а тие нас од благодарност дани изграделе најголема џамија во Светот....и хотел сакаа на паркингот спроти Холидеј Ин.

Се знае каде сакале да ја градат џамијата ?