Вонредно генерално собрание на ФФМ: Илчо Ѓорѓиоски едногласно избран за претседател на ФФМ!

[Goran Bt]

Харалампие ги губи "своите"
*Поради немање потребна документација 7 фудбалски центри се бришат и немаат право да даваат делегати во Собранието на ФФМ, а меѓу нив има 4 кои имаат членови на УО
Дивиот македонски фудбал е причината за хаосот во овој спорт. Многуте клубови кои функционираат само на хартија и екипи без пријавени фудбалери се дел од скандалозните нешта кои се случуваат во фудбалот каде сето ова се прави само за тие пусти делегатски гласови. Со години сме сведоци на лажни натпреварувања на општинско ниво, на фалсификувани натпревари па и имиња на клубови. И повторно сето тоа за тие пусти делегатски гласови. Во Македонија во изминатиов период имавме 26 ОФС и тие даваа бројка од 106 делегати. Тоа е премногу за една држава како нашава, но секој кој бил на власт го проширувал составот на собранието само во истото да втера свои луѓе кои би гласале за него.
Така е и сега, но во денешно време можеби е добро што спортот го контролира една институција како Агенцијата за млади и спорт (АМСМ). Иако сите процедури не се почитуваат, сепак, постои минимална контрола околу тоа кој има право да функционира како здружение на граѓани кое се занимава со фудбал.
АМСМ има издадено 20 решенија на ОФС, што значи дека 6 немаат потребна документација за дејноста спорт затоа што не ги исполнуваат критериумите. Според тоа на престојнотро Изборно Собрание на ФФМ право на делегати немаат да дадат градивите како Кичево, Кратово, Струга, Гевгелија, Демир Капија, Македонски Брод и Неготино. Решение има и ОФС Делчево кое во минатиот состав немаше свои делегати.
Токму листат на ОФС кои добиле решенија од АМСМ е причината поради која ФФМ и Хаџи Ристески чекаат на одржувањето на Собранието. Немат зелено светло за 7 ОФС и за околу триесетина делегатски гласови. И што е најважно. На таа листа на оние кои немаат решенија се дури 4 центри кои во изминативе 8 години даваа членови на УО на ФФМ. Тоа се Кичево, Кратово, Демир Хисар и Струга. Тоа е доказ дека и најблиските соработници на Хаџи-Ристески не си работеле според законите па така сега ги немаат потребните бази за да продолжат со работа во фудбалот.
Доколку се почитуваат законите. Доколку с$ биде нормално во овој наш спорт и фудбал треба да очекуваме дека во новото Собрание треба да има место за околу 80 делегати. Ако се бришат 7 центри ќе се бришат и нивните гласови, но се додава плус еден центар, и тоа ОФС Делчево. Сега е рано за спојување, фузирање и ред други финти со кои се служат фудбалските работници во желбата да стигнат до потребниот делегатски глас.
Сепак, под прашалник се и овие 20 Сојузи кои добиле решение. Сигурно половината од нив имаат недостатоци. Дел од ОФС како Прилеп, Струмица, Кавадарци во последниве 2-3 недели дојдоа до решенијата. Затоа ФФМ е во паника. Затоа што Хаџи-Ристески ги губи центрите на своите најблиски соработници.
АМСМ е државна институција која не им даде зелено светло на паралелните ОФС како ФС Битола, ОФС Долни Полог.... Според државните документации, Хаџи- Ристески ќе остане и без поддршката од поголемите фудбалски центри како Битола кои одамна му го свртеа грбот.
А од ФФМ деновите како причина за одлагањето на Собранието наведуваат термин "ситни технички работи"...
Зарем немањето на решение на 7 ОФС е ситна работа!? Зошто е таа паника и раздвиженост на луѓето во ФФМ? Постојано барат помош кај луѓето од АМСМ, Централниот регистар... Зошто!? Одговорот е едноставен и краток. Затоа што постои страв од пораз на актуелната фудбалска власт, а со самото тоа страв и од соочување со државните закони за многу скандали кои во последнитѕе години ја тресеа ФФМ. Затоа е овој страв и паника, но и одлагањето на Собранието. Хаџи-Ристески и неговите сојузници имаа мандат до 1 октомври. Што барат уште во овој фудбал кој го уништија речиси до темел...!?
И. Д. Ивановски

Денеска, УО на ФФМ во "Салида"
Фудбалското раководство кое нема право да носи одлуки и кое нема мандат сепак ќе одржи своја средба. Истата е закажана за денеска, во Прилеп каде ќе се кова стратегијата за претстојното Изборно собрание. Можеби ФФМ ќе биде транспарентна и по оваа средба ќе обелодени еден куп одлуки кои се битни за фудбалот, а кои имаат потпис и се стапени на сила иако за истите нема одлука на УО на ФФМ. Тоа се одлуки кои сам си ги носи Хаџи-Ристески а потоа истите ги заверува. Можеби ФФМ еднаш ќе признае дека зад себе има катастрофален квалификациски циклус и уште една голема утка. Можеби некој ќе преземе одговорност иако тоа е невозможно со оглед на тоа кој с$ се наоѓа во тој УО на ФФМ кој од 1 октомври нема мандат да носи одлуки.
Состанокот ќе биде во Прилеп, во хотелот "Салида".

Прилеп некако се "протна"
Терминот 30 август беше последниот за закажување на изборно Собрание на ФФМ затоа што мандатот на делегатите истече на 1 октомври. Собрание се свикува 30 дена пред одржувањето на истото. Но што било проблемот. Како што дознавме, во тие денови многу ОФС немаа решенија од АМСМ. Меѓу нив и Прилеп, базата на Харалампие Хаџи-Ристески. Ако се закажеше Собрание во предвидениот тајминг Харалампие беше осуден на пораз со оглед на тоа дека ќе немаше право да се кандидира затоа што ќе немаше делегатски статус. Но Прилеп некако се "протна" а со тоа и човекот кој 8 години е на тронот во "куќата на фудбалот". Спорно е функционирањето на многу ОФС кои добија решенија.
му се гледа крајот на хари мајмунот

 

[Goran Bt]

ОФС Скопје со двајца кандидати за Управен одбор на ФФМ!

ФС на Скопје противстатутарно го предложи Николовски за претседател на ФФМ и Муминовиќ за член на УО
Веќе не е спорно дека Изборното собрание на Фудбалската федерација на Македонија, на која треба да се избере нов претседател, потпретседател и нови 14 членови на Управниот одбор ќе се одржи на 21 ноември во хотелот „Александар Палас“ во Скопје. Тоа е одлука што ја донесе досегашниот Управен одбор на ФФМ на седницата што се одржа во саботата во Прилеп.

На истата седница беше избрана и петчлена комисија која ќе ја утврди листата на новите делегати на Собранието и валидноста на сите досега одржани собранија на општинските фудбалски сојузи и листата на кандидатите за нов Управен одбор. Во таа комисија се: Илија Јовков, Лазар Нанев, Драгољуб Матевски, Беким Баута и Мирче Павловски. Од 27 општински сојузи, дозвола за спортска дејност веќе добија 23 сојузи од Агенцијата за млади и спорт. Таква писмена потврда е доставена до Фудбалската федерација на Македонија. Тоа веќе не е спорно. Тоа се општинските сојузи на Битола, Велес, Валандово, Гостивар, Гази Баба, Куманово, Кратово, Кисела Вода, Кочани, Кичево, Кавадарци, Липково, Охрид, Пробиштип, Прилеп, Ресен, Струмица, Струга, Свети Николе, Штип, Тетово и Фудбалскиот сојуз на Скопје. Нивните претседатели се запишани во Централниот регистар. Од сите овие сојузи, до ФФМ од нивните собранија 20 сојузи за нов претседател го поддржуваат Хари Хаџиристески, Кратово нема никаков предлог, ОФС Струмица за претседател го предлагаше Васко Кантарџиев но тој завчера се откажа од кандидатурата, додека ФС на Скопје излезе со предлог во името на Благоја Николовски, поранешен претседател на ФК Македонија.

Во текот на вчерашниот ден свое известување испрати Агенцијата за млади и спорт која донесе одлука да не издава повеќе решенија дејност за спорт на општинските сојузи, кои досега не добиле решение за да се запази регуларноста при изборот на нов претседател на ФФМ и да им се даде подеднаква шанса на другите кандидати.

Меѓутоа, одлуката е можеби малку задоцнета, бидејќи само уште три општински сојузи немаат добиено решение. Тоа се Гевгелија, Македонски Брод и Неготино, додека Демир Хисар и не аплицираше бидејќи не ги исполнува условите.

Во Фудбалската федерација на Македонија сметаат дека овие три сојузи ги имаат исполнето условите за да добијат решение на нивното барање досега немаше забелешки од Агенцијата за млади и спорт, освен тоа минат е и рокот од 15 дена по поднесените барања и според законската регулатива во текот на денешниот или утрешниот ден и тие мораат да добијат решение за спортска дејност. Освен тоа општинските сојузи се здруженија на граѓани, како такви се членки на ФФМ и според Статутот нема ни потреба да имаат такви решенија со оглед дека тоа го има Фудбалската федерација на Македонија.

Интересно е да се напише дека според мислењето на петчлената комисија кандидатурата на Благоја Николовски за претседател на ФФМ е спорна и е во судир со членот 50, точка 3 и 8 од важечкиот статут. Во што е работата. На редовното Собрание на ФС на Скопје за нов член на Управниот одбор што треба да биде изгласан на изборното собрание на 21 ноември е предложен Рафет Муминовиќ, спонзорот на Слога Југомагнат. На вонредното собрание, ФС на Скопје донесе одлука Благоја Николовски да го предложи за нов претседател на ФФМ. Собранијата не се спорни, но е спорно што двајца кандидати од ист општински сојуз конкурираат за член на Управниот одбор.

Во членот 50, точка 3 од Статутот пишува: „Секој Општински сојуз може да предложи најмногу еден кандидат за член на Управниот одбор“.
сега шо прајме ?
изгледа хари пак че си ја тера работата :kesa:

 

[ИДМАК]

Денес има информација дека и Масар Омерагиќ е кандитат за претседател на ФФМ. ОФС Струмица го предлага.
Ме интересира како се правилата за избор на претседател. До сега сите викаа дека од 106те делегати треба 54 да гласаат за некој да победи. Ама тоа беа случаи кога имаше само два кандидати. Сега има три. Дали пак ќе треба 54 за еден кандидат или просто мнозинство, кој има повеќе

 

[Kostic]

Абе и Амди Бајрам нека застане на чело на ФФМ,само да не е Харалампие :pos2:

 

[Паспарту]

За жал во моментов немаме ниту еден сериозен кандидат за претседател... Само една работа ме интересира, како тоа Велија до пред некое време плукаше по иницијативниот одбор на чело со Емил Божиновски, а сега наеднаш тој од најдобар пријател на Хари да стане најголем непријател!? Велија оправи се во државава, се што пипна исуши па сега остана уште фудбалот он да го средува... Која е допирната точка помеѓу Велија и спортот? Хари го мрзам од дното на душата, но во моментов најдобро и најпаметно решение е да се забрани фудбалов кај нас 1-2 години додека не се искоренат сите лопови. Исто така немам ништо против Благоја, но чим видам дека Велија замешал прсти одма запек ме стега...

Баш поради вакви причини тоне "фудбалот" во Македонија!!!

 

[Ddime]

За жал во моментов немаме ниту еден сериозен кандидат за претседател... Само една работа ме интересира, како тоа Велија до пред некое време плукаше по иницијативниот одбор на чело со Емил Божиновски, а сега наеднаш тој од најдобар пријател на Хари да стане најголем непријател!? Велија оправи се во државава, се што пипна исуши па сега остана уште фудбалот он да го средува... Која е допирната точка помеѓу Велија и спортот? Хари го мрзам од дното на душата, но во моментов најдобро и најпаметно решение е да се забрани фудбалов кај нас 1-2 години додека не се искоренат сите лопови. Исто така немам ништо против Благоја, но чим видам дека Велија замешал прсти одма запек ме стега...

Велија тргна против Хари бидејќи вториов не му дозволи Јуниор Купот да биде како официјална младинска репрезентација, не дозволи да се создаде футсал лига, која патем ќе беше финансирана од Велија и ФФМ.

Николовски е добар човек, но бидејќи неможе сам да оди како кандидат на собранието, мораше да најде некој „влијателен“ човек кој ќе го поддржува.

Иако мислам дека Хари ќе остане, останува да видиме.

 

[Паспарту]

Велија тргна против Хари бидејќи вториов не му дозволи Јуниор Купот да биде како официјална младинска репрезентација, не дозволи да се создаде футсал лига, која патем ќе беше финансирана од Велија и ФФМ.

Николовски е добар човек, но бидејќи неможе сам да оди како кандидат на собранието, мораше да најде некој „влијателен“ човек кој ќе го поддржува.

Иако мислам дека Хари ќе остане, останува да видиме.

И таа јуниор лига беше добра само првата година кога играа Вардар, Пелистер, Победа итн... Откако почнаа да играат пиљари, млекарници и леблебиџилници на тој куп се тоа отиде у к*рац :kesa:

Хари нема да го сменат од едноставна причина што ниту еден од делегатите нема ни основно познавање на фудбалот, а за нешто друго и да не збориме Во оваа држава никој не гласа за програма, сите гледаат само да ќарат нешто па макар и дупето на рента цел живот да го стават :smir:

 

[Zemzela]

Лошо е што сега влага и Масер Омерагиќ...сега се цепкаат гласовите и многу е полесно да се победи посебно што знаеме за што се еспособен чичко Хари само се сложувам и Ѕинго пак да го вратат и со бонови да купуваме ќе биде подобро од овој....ако пред неколку години пеев Ѕинго апаш...лапаш и така натаму :kesa:

 

[Goran Bt]

БЛАГОЈА НИКОЛОВСКИ ВЕРУВА, ДОКОЛКУ СЕ ПОЧИТУВААТ ЗАКОНСКИТЕ ПРОЦЕДУРИ ПРИ ИЗБОРОТ, ИМА СЕРИОЗНИ ШАНСИ ДА БИДЕ ИЗБРАН ЗА НОВ ПРЕТСЕДАТЕЛ НА ФФМ
Имам гласови за победа!
* "Дали ФФМ има право да се стави над законот? Инсистирам легитимните делегати од ОФС Битола, кое има решение од АМС, да добијат покана за учество на Собранието на ФФМ на местото на нелегитимно прифатените од ФФМ, а оние општински сојузи кои немаат решение од АМС да не партиципираат на изборното собрание. Во спротивно с$ ќе биде нелегално", вели Николовски

Кандидатот од ОФС Скопје за нов претседател на Фудбалската федерација на Македонија, поранешниот прв човек на актуелниот шампион Македонија ЃП, Благоја Николовски верува доколку се почитуваат законските процедури при изборот има максимално сериозни шанси за триумф на претстојното Собрание на ФФМ закажано за 21 ноември, во хотелот "Александар Палас" во Скопје.
"Според последните сознанија од теренот кои ги имам, мислам дека имам доволен број делегатски гласови за победа на претстојното Изборно собрание на ФФМ", истакна вчера Николовски на средбата со медиумите, јасно нагласувајќи притоа дека во тој дел мора да се почитуваат сите статутарни и законски регулативи, а кои во моментов ФФМ преку некои свои постапки апсолутно ги крши.
Николовски на вчерашната прес-конференција нагласи дека, по добивањето на официјалната делегатска листа, очигледно забележливо е нелегитимното вклучување на истата на делегати од четири Општински фудбалски сојузи кои немаат решение за дејност спорт од Агенцијата за спорт и млади (АМС), како и неприфаќањето на делегати од ОФС Битола, кој е признаен од сите државни институции, а на нивно место самоволно вметнување од страна на ФФМ свои делегати.
"Испратив допис до АМС, кој согласно член 69 од Законот за спорт е надлежен инспекциски орган задолжен за надзор на законитоста на работењето, да реагира на фактот да четири општински сојузи, членки на ФФМ, од Неготино, Демир Хисар, Македонски Брод и Гевгелија немаат решение за дејност спорт, а се вметнати на делегатските листи за претстојното Собрание, како и на фактот дека на делегатската листа има наведено шест делегати наводно предложени од ОФС Битола, а истите всушност, спротивно на Статутот и домашните закони, се кандидати на некое здружение на граѓани регистрирано како 'Фудбалски сојуз на Битола', што апсолутно не е ист правен субјект со ОФС Битола", истакнува Николовски, притоа дополнувајќи дека од легитимното ОФС Битола, пак, има сосема друга делегатска листа како и кандидат за член на УО на ФФМ.
За Благоја Николовски се максимално симптоматични изјавите на Харалампие Хаџи-Ристески дека за ФФМ не важеле законските регулативи за кои е надлежна Агенцијата за спорт и млади, кои јасно укажуваат на нерегуларност при подготовката на Собранието.
"Според некои, за ФФМ не важат регулативите од АМС па за учество на Собрание општинските сојузи не морале да имаат решение за дејност спорт затоа што тоа не го барал Статутот на ФФМ. Меѓутоа, дали ФФМ има право да се стави над законите на РМ? Ако се знае дека во Статутите на УЕФА и ФИФА јасно е нагласено дека тие организации се формираат согласно законите на државата во која се формираат, а понатаму нашиот Статут е изработен согласно 'мерките' на УЕФА и ФИФА, тогаш с$ е јасно кажано. Всушност во член 1 од основните одредби на ФФМ стои: 'ФФМ е здружение на граѓани кое е основано и работи согласно законите на РМ'. Зошто сега некој се труди да не ги почитува ниту Статутот на ФФМ, ниту домашните закони", вели Николовски, според кого доколку сето тоа не се спречи навреме може да донесе несогледливи последици за нашиот фудбал.
"Инсистирам легитимните делегати од ОФС Битола, кое има решение од АМС, да добијат покана за учество на Собранието на ФФМ на местото на нелегитимно прифатените од ФФМ, а оние Општински сојузи кои немаат решение од АМС да не партиципираат на изборното собрание. Во спротивно, доколку се одржи на начинот на кој се навестува ќе биде под сериозен знак прашалник легитимноста на изборното Собрание што понатаму може да доведе и до суспензија од страна на УЕФА за нашата фудбалска федерација. А тоа никој не го посакува", истакна вчера Благоја Николовски.
В.Булатовиќ

Мешана верификациска комисија за Собранието
Благоја Николовски за изборното Собрание на ФФМ предлага да биде составена Верификациска комисија од три члена, еден од АМС и по еден од двете страни на претседателските кандидати, како на Собранието само легитимните делегати би добиле право за учество.
"Со оглед на постоењето тенденција на нелегитимни ОФС и нелегитимни делегати, спротивно на законот, да им се дозволи да избираат и да гласаат на претстојното собрание од причини што истите се наведени во списокот и имаат добиено покани како делегати, предлагам заради регуларност при изборот да биде составена Верификациона комисија од три члена, и тоа еден од Агенцијата за спорт и млади, еден член предложен од Благоја Николовски и еден член од страна на Хаџи-Ристески. Со прифаќањето на овој предлог би се отстраниле сите потенцијални неправилности и уфрлање на делегати и ОФС кои не ги исполнуваат законските услови", се вели во предлогот на Николовски до Агенцијата за спорт и млади.

Агенцијата потврди за легитимноста на ОФС Битола
И Агенцијата за млади и спорт со официјално известување потврди дека 'единствено право за учество на Собранието на ФФМ има Општински фудбалски сојуз на Битола кој има добиено решение за дејност спорт бр. 08-531/2 од 27 март 2009 година'.
"Учество, пак, на ОФС кои немаат решение од АМС е директно непочитување и кршење на актите и законот, што го доведува во прашање и легитимитетот на самото Собрание", се вели во дописот од Агенцијата за спорт и млади.
Според тоа, од ОФС Битола легитимни делегати треба да бидат Горан Тасковски, Благој Ѓоргиевски, Целе Видановски, Борче Јовановски, Златко Талевски и Томе Аџиев, додека кандидат за член на УО на ФФМ е Горан Тасковски; а не оние кои самоволно незаконски се прифатени од ФФМ, како предлог на наводно Здружение на граѓани "Фудбалски сојуз Битола": Пеце Тодоровски, Пеце Стојчевски, Мирче Павловски, Живко Митревски, Томе Блажевски и Томе Јанчевски.

Спорни, од 18 до 32 делегати!!?
Според вчерашните истакнувања од Николовски, спорни во моментов се 18 делегатски имиња кои се на листите за Собранието на 21 ноември. 11 делегати се спорни од општинските сојузи кои немаат решение за дејност спорт и со тоа немаат право за учество, шест се нелегитимните од ОФС Битола, а исто така нелегитимен е и Никола Поповски, кој е делегат од Трета лига - Југозапад, затоа што е предложен од нелегитимниот 'Фудбалски сојуз-Битола', а не од законски регистрираниот Општинскиот фудбалски сојуз на Битола кој го предлага Борче Ивановски.
Секако, листата на спорни делегатски имиња е уште поголема ако се знае дека проблемите со кои се соочува ОФС Битола се исти и во Тетово и во Куманово. Ако се дополнат Тетово и Куманово, спорната листа на делегати е 32.
ајде можеби ќе му дојде крајот на валканиот хари!!!

 

[Goran Bt]

ПОТВРДЕНО!!! - ФУДБАЛСКАТА МАФИЈА И ДИКТАТУРАТА НА АКТУЕЛНИОТ РЕЖИМ ВО ФФМ ЌЕ ЦУТИ ВО МАКЕДОНИЈА
Државата во "дил" со Хаџи-Ристески!
*Покрај градоначалници, пратеници и партиски војници на ВМРО ДПМНЕ, сега и Агенцијата за млади и спорт си инсталираше свои луѓе во Собранието на ФФМ со што стана јасно зошто на скандалозен начин се издаваа решенија на спорните ОФС и зошто оваа државна институција ги толерираа сите фалсификати и злоупотреби на законите

Сите кои имаат претседателски амбиции за фотелјата во Фудбалската федерација на Македонија можат мирно да се помират со судбината и да се спасат од пеколот затоа што луѓето кои со фалсификати, лаги, местење натпревари, злоупотреба на финансии имаат цврсти корени, но и поддршка од државните институции. За таквите луѓе за кои не важат законите, правото и правилата на игра ќе има светла иднина затоа што ја имаат контролата над државните институции. Кој може да го смени Харалампие Хаџи-Ристески кога зад него како главно лобирачи и поддржувачи се неколку градоначалници на владејачката партија, пратеници и многу партиски војници. Нивните имиња беа познати по објавувањето на списокот на делегати за претстојното изборно Собрание, кое е закажано за на 21 ноември.
Сепак, капак на с$ и главната потврда за тоа дека државата го има ставено под штит Хаџи Ристески се имињата кои како делегати на собранието ги дава ОФС Липково. За иднината на фудбалот и како член на Собранието на ФФМ е избран дотичниот Сабри Алими. Тоа е еден од директорите во Агенцијата за спорт и млади. Што ќе каже сега на ова директорот Драган Ѓурчевски!?
Сабри Алими е човекот на Мирсад Јонуз и татко на новопечениот репрезентативец Арменд Алими од Куманово. Случајно ли е сето ова!? Сигурно дека не... Сега дури станува јасно како одредени ОФС со помош на АМС добија зелено светло и дозволи за работа во спортот. Ништо од сето тоа не е случајно и како може агенцијата да инсталира свои луѓе во структурите на ФФМ. Па нели тие беа независна државна институција која треба да ја контролира и работата во спортските федерации? За жал далеку сме од тоа како треба сето тоа да функционира.
Кој утре ќе ја преземе одговорноста!? За хаосот во фудбалот сите црнила одат на адресата на Харалмпие Хаџи-Ристески. И државата има еден куп докази за криминал, измами на пари, а целата нација добро знае каков беден фудбал има низ земјава. Никој со години не интервенира па така во иднина кога ќе се критикува ФФМ тоа треба да важи и за АМС затоа што таа не преземала никакви мерки за да се воведе демократијата во фудбалот и да се почитуваат законите. За жал, Хаџи-Ристески со истата тактика како што ги обработува делегатите го реши проблемот и со АМС. Ги однесе на 2-3 патувања со репрезентацијата со што доби мир во куќа и голема поддршка.
Тоа што АМС дава делегат во Собранието на ФФМ е многу смешна работа. Зошто немаат делегати во ракомет, кошарка или некој друг спорт каде секоја власт треба да се бори за финансии, а само во фудбалот многу лесно се живее кога пари стигнуваат од донациите на ФИФА и УЕФА.
Агенцијата како да заборави каква лекција доби од врвот и од Никола Груевски во периодот на големиот скандал со билетите и контролниот меч со Шпанија во Скопје. Бараа отчет од ФФМ за направената "хаварија", но сето тоа по неколку месеци се покажува дека било само една провидна "маска" која падна во изминативе неколку дена кога стана јасно дека директорот на АМС, Сабри Алими, влегува во Собранието на ФФМ. И по сето ова не треба да се грижите или прашувате зошто овој или оној игра во националниот тим, има функција или се шета со парите на ФФМ. Сето тоа е од интерес, од давање поддршка и фудбалска политика. Сите тие кои живеат во тој сон се во тешка заблуда затоа што во спортот се сметаат само резултатите. Тие во последниве 8 години откако Хаџи-Ристески е претседател се потпросечни и мизерни. Сепак, уште потрагично е тоа што с$ уште има луѓе, и тоа многу, кои веруваат во приказните на прилепчанецот иако повеќето од нив се луѓе без морал и кредибилитет и луѓе кои се залутани во фудбалот.
И. Д. Ивановски

Кукавичко менување и на статутот!
ФФМ признава дека со фалсификувани и непостоечки одлуки е одбиена кандидатурата на Масар Омерагиќ за претседател на ФФМ од страна на ОФС Струмица. Дека тоа е така говорат и последните кукавички потези на одредени мешетари во ФФМ кои по налог на Хаџи-Ристески сега подготвија план за менување на статутот на ФФМ, и тоа сега на 21 ноември. Сите потези кои ги повлекува ФФМ се доказ за стравот на Харалампие од кандидатурата на Омерагиќ па затоа сега за да се осигура прилепскиот бос прави одредени корекции.
Дури сега во членот 50 под став 4 се додава дека кандидатот за претседател мора да биде и делегат на Собранието. Оваа измена не е стапена на сила па така дали може "правниот" тим на ФФМ да објасни по која основа е одбиена кандидатурата на ОФС Струмица.
И за да биде кукавичлукот уште поголем се прават и други измени.
Во член 57 се додава дека ОФС за кандидати за претседател на ФФМ можат да предложат само лице кое има живеалиште на територијалниот ОФС една година пред кандидирањето.
Сите измени кои ќе се корегираат во статутот се прават само за да се оспори кандидатурата на Омерагиќ, но тие закони не важат со што станува јасно со какви манипулации и незаконски работи се служат луѓето во ФФМ. Има ли крај на ваквото криминално работење!?

Нова злоупотреба на донации од УЕФА
Дека ФФМ не знае како да ги користи донациите од ФИФА и УЕФА говори и последната акција на финансиската полиција. Вчера е покренато обвинение против Слога Југомагнат за "дива изградба" на објект со пари наменети од "ХЕТ-ТРИК", програмата на УЕФА. На стадионот "Чаир" е изграден објект без дозвола со чие подигање е направена штета на државата. Кривичното цело финансиската полиција го покренува против Н.Ш (45), државјанин на Црна Гора, Р.М (55) од Скопје и против правното лице "Слога Југомагнат".
Ова е уште еден скандал поврзан со проектите во фудбалот во Македонија.
За да нема заблуди и ред други работи само ќе цитираме дел од соопштението околу скандалот "Чаир":
"Парите биле со строго нотирана намена за инфраструктура на стадионот, а истите биле добиени како донација од УЕФА по 'Хет-трик', програмата преку ФФМ, парични средства кои се присвоени за лични потреби".
ФФМ сигурно знаеле и за овој скандал, но уште еднаш од "куќата на фудбалот" докажуват дека "немаат" контрола на парите кои ги дават за контрола. Како утре ќе бараме од ФИФА и УЕФА нови средства кога старите се вложени во работи кои немаат врска со развојот на фудбалот.

 

[ИДМАК]

Никој не го мења Хари. Само оној може да го смени, како се презиваше? Шврговски? Државниот обвинител.
Кога клубовите се мулиња и продолжуваат да го играат орото на Хари, сигурно дека не може да очекуваме некои 100тина делегати да го сменат. И да си ја пресечат гранката на која што седат.

 

[Goran Bt]

абе гледаше некој денес ТОПКИ со филе гости беа тројцата кандидати ?
ако некој гледаше нека каже што рекоа и др?:smir:

 

[Iron Lion Zion]

Благоја е иста клапа со Хари. Нивни допирни точки со фудбалот е тоа што биле спонзори на клубови, а Масер Омерегиќ од сите тројца кандидати е поранешен фудбалер со над 20 години фудбалска кариера.

 

[LiverpoolFC]

абе гледаше некој денес ТОПКИ со филе гости беа тројцата кандидати ?
ако некој гледаше нека каже што рекоа и др?:smir:

Ја гледав, Масер го утепа Хаџи ама не се дава копилето, само измислува некои ствари иако со факти го утепа на место ... Кујзнае дали ќе биде сменет, иако се надевам дека Масер ќе биде новиот претседател... има огромно искуство и најбитно, не му се потребни пари.. има и повеќе од доволно така да не би требало да краде

 

[Goran Bt]

Ја гледав, Масер го утепа Хаџи ама не се дава копилето, само измислува некои ствари иако со факти го утепа на место ... Кујзнае дали ќе биде сменет, иако се надевам дека Масер ќе биде новиот претседател... има огромно искуство и најбитно, не му се потребни пари.. има и повеќе од доволно така да не би требало да краде

ТЕШКО НАС КОГА ОВИЕ СЕ КАНДИДАТИ ЗА ФФМ
http://kanal5.com.mk/Default.aspx?mId=120
И ВО НАС Е ДЕЛ ОД КРИВИЦАТА МИСЛАМ НАНАВИВАЧИТЕ КАКО ЕДНАШ НЕ СЕ ДОГОВОРИЈА ГРУПИТЕ МЕЃУ СЕБЕ ВОЏИТЕ ДА ОДАТ НА ИЗБИРАЧКОТО СОБРАНИЕ ВО САБОТА И СИТЕ ДА ГИ ФАТАТ НА КЛОЦИ ОВИЕ АРАМИИ ОТИ САМО НИЕ ЌЕ СТРАДАМЕ А ТИЕ ПАК ЌЕ ГИ НАПОЛНАТ ЏЕБОВИТЕ
НАВИВАЧИ СВЕСТЕТЕСЕ !!!! КРЕНЕТЕ ГО ГЛАСОТ ПРОТИВ МАФИЈАТА
СЛОБОДА ЗА НАВИВАЧИТЕ да ама самите треба да ја изборат таа слобода а ненекој друг да чекаат да му ја подари :kesa: