Вести - „Се' околу туризмот во Македонија“

[dzonyb]

Се воведува ознаката „Национален ресторан - Меана“


Со новите измени во законот за туризам ќе се афирмира македонската традиционална кујна, ќе се зголемат правата на потрошувачите и ќе се подобруваат условите за развој на руралниот туризам.

Владата одлучи со закон да ги заштити меаните и да ја прошири листата на угостителски објекти што традиционално ја отсликуваат македонската народна кујна. Со измените оној ресторан што сака да ја добие ознаката „Национален ресторан – меана“ ќе мора да исполнува неколку критериуми.

„Понудата на храна во листите за јадење треба да биде во обем од најмалку 70% домашни традиционални јадења, додека понудатра на вино и други пијалоци треба да биде во обем од најмалку 80% домашни вина и други пијалоци. При внатрешното и надворешното уредување на угостителскиот објект да се употребуваат мотиви од домашната традиционална култура, народни инструменти, носии, покуќнина-садови и слично. Облеката на персоналот треба да има апликации и мотиви од традицијата ( везени кошули или соодветни наметки со везови ). Музиката која ќе се изведува во угостителскиот објект треба да биде изворна и чалгиска со акустичен звук“, изјави Алексдандар Ѓорѓиев, портпарол на Владата.



Со новите измени на законот се предвидува задолжителен ангажман на домашен туристички водич од страна на странскиот тур оператор кој носи туристи во земјава.

Во насока на развојот на руралниот туризам за куќите, становите и собите за издавање на туристи во селските домаќинства ќе се врши категоризација на објектите и ќе се издава посебна дозвола. Сопствениците пак на тие објекти треба да имаат најмалку 10 соби, односно 20 легла и притоа угостителските објекти да бидат украсени со мотиви од традиционалната македонска култура.



Освен ова се предвидуваат и измени кои ќе ги заштитат правата на потрошувачите. Дел од тие измени се тоа што туристичката агенција има обврска задолжително да има вработено лице со ИАТА сертификат и задолжително да ги истакне цените на туристичките аранжмани и поединечните услуги.

Со овие измени се очекува да се подобри квалитетот на туристичката понуда и нејзината разновидност, да се стимулира развојот на туризмот и да се отворат нови работни места.
http://www.patokazmagazin.com.mk/vesti/item/се-воведува-ознаката-национален-ресторан-меана

 

[leandra]

Колку пари чини изменава во „меана“ шо мора да ја платат угостителите?

 

[bucio]

Во нареден период како има да рикнат та ресторани, дискотеки, кафичи тоа има урнебес да биде . А имаат вложено базени, проектори, ласери, дндупки.

Знаете колку е дупка, ова не е можно нема луѓе не трошат пари и тоа во лето, ами сега кога ќе се затвори просторот ќе соберат тенди, маси, столици, шатори.....

Поскапи алкохолот со новата акциза и не пијат луѓево , со каква сака нека биде тапа тоа дабот 80 денари маме да ебам....

 

[dzonyb]

Нови проекти за развој на планинскиот туризам


Ќе се градат нови туристички капацитети за развој на планинскиот туризам на повеќе локации во Македонија. Со новиот проект на Владата е предвидено изградба на хотели, мотели, ресторани, сноуборд паркови и други атракции во неколку наши зимски туристички центри:
Пониква - Кочани
Етнопарк и Беровско езеро - Берово
Крушево
Голак - Делчево
Јанков камен - Вевчани
Лазарополе, Галичник и Тресонче во Маврово и Ростуше

Портпаролот на Владата Александар Ѓорѓиев нагласи дека со воој проект ќе се создаделе услови за поголем развој на планинскиот туризам, но и ќе се отвореле нови работни места.

„Во првата напредна фаза се опфатени Пониква кај Кочани, Етнопарк и Беровско езеро кај Берово, Крушево и Голак кај Делчево. Овие општини во наредните 30 треба да распишат постапки за отуѓување на државното градежно земјиште за изградба на нови сместувачки капацитети, со јавно наддавање за посочените локалитети. Во Пониква и Крушево ќе се инвестираат и нови 140 милиони денари за изградба на атрактивни спортски содржини“, истакна Александар Ѓорѓиев, портпарол на Владата на Р.М.



На овие локации, кои се определени во соработка на Владата со општините, во иднина треба да никнат нови сместувачки капацитети, хотели, ресторани, викенд населби и други атрактивни содржини кои треба да ги привлечат туристите. Владата и општините ќе инвестираат во урбанизација на овие локации, нивно сообраќајно поврзување, електрификација, водовод и канализациона мрежа.

Во Крушево и Пониква ќе се изградат и резервоари за создавање на вештачки снег, така што туризмот и љубителите на зимските спортови во иднина нема да зависат од временските услови. Освен тоа на овие места ќе се инвестира и во нови ски патеки кои ќе можат да се користат и за ноќно скијање и за сноубординг. Изградбата на овие патеки планирано е да биде завршена пред почетокот на зимската сезона.



Во наредните 15 дена општините : Маврово и Ростуше за локалитетите кај селата Галичник, Лазарополе и Тресонче, Радовиш за Пљачковица и Вевчани за Јанков Камен треба да започнат со постапка за донесување на урбанистичко – планска документација за туристички центри, спортски терени, забавни паркови и други содржини.

Од Владата се надеваат со овие проекти ќе продолжи успешната приказна за привлекување на туристите и дека во иднина исто како и во летната сезона и во зима ќе имаме зголемен број како на домашни така и на странски туристи.
http://www.patokazmagazin.com.mk/vesti/item/нови-проекти-за-развој-на-планинскиот-туризам?category_id=38

 

[@cool@]

hahahaaaaaa , toa li e prioritet oznaki?
dodeka vo MK si „igraat“ turizam gejcite shibaat napred se so cel da privlechat shto pove'e turisti -

http://www.nydailynews.com/life-style/health/disabled-greeks-enjoy-sea-solar-powered-chair-article-1.1422645

 

[dzonyb]

Селски туризам со приватен музеј во битолско Крклино

Со вложени половина живот и половина од заработените пари, како што вели шеесетгодишниот Борче Таневски од битолското село Крклини, тој и неговото петчлено семејство во изминатите неколку децении, од семејниот дом направија една мала имерија вообличена во авто и етно музеј, што скромно ја нарекоа ``Збирка на реткости Филип``. Во ова волшебно царство, можат да се видат дванаесет прекрасни олдтајмери, 33 мотори, а во етнолошката поставка има над 2. 300 експонати. Љубовта и страста на Борче кон старите реткости, сега има силна поддршка од сопругата и трите деца.

- Во почетокот се противев на собирањето предмети од мажот ми , но сега сите сме заангажирани и кога ќе донеси нешто , сите гледаме каде да го сместиме- вели сопругата Сребра.

Иако за овој авто и етно музеј во Крклино нема реклами, сепак интересот, пред се, на странските туристи, си го отвора патот и кон други содржини.

- Секојдневно имаме посетители од странство, од тука од Македонија. Пролетта и есента, ученици од цела Македонија организирано доаѓаат и сите бараат да има некакво сместување- вели Таневски.- Еден гостин ќе дојди, друг ќе дојди, па ќе побара за освежување и така ни дојде идеа со мажот ми, да почниме и со угостителство- го дполни сопругата.

Таневци веќе ги подготвуваат сместувачките капацитети за своите идни гости, а наскоро ќе можат и да ги угостат со традиционална храна. Единствено, до музејот нема соодветен пат.

- Патот ни е доста голема пречка, а во пролет кога доаѓаат ученици треба да поминат низ реката, па цели се оцапании целиот музеј го валкаат- се жали шеесетгодишниот крклинец.

Дали оваа уникатна содржина и иницијатива на ова селско семејство ќе биде соодветно валоризирана како иницијална каписла за развој на селскиот туризам, ќе покаже времето. Таневци се стрпливи и засега, само вложуваат, време, пари, но пред се љубов кон старите реткости.
http://www.alfa.mk/News.aspx?ID=62090#.UhsJ_0BK1EY
Петар Стефановски

 

[Јузериште]

На еден наш портал наидов на доста интересна содржина, за престојната 2015 година ги одбрале неколкуте локации кои се препорачани да се посетат во Македонија, мислам дека е паметен потег пошто не гледаме ништо друго освен патувајте во Европа и така натака, постот можете да го погледнете на линкот и се надевам дека еден ден Македонија ќе биде Европска дестинација за секако вид на туризам.