ВО КАНЗАС, САД
Христијанска група го тужи образовниот систем зашто учењето наука „промовира атеистички ставови кај учениците“
Една религиозна група поднела тужба против одборот за образование во Канзас, во обид да ги спречи педагозите да ги вметнат глобалното затоплување и еволуцијата во државната образовна програма. Христијанската организација вели дека таквите лекции ќе ја нарушат верската слобода на родителите, пренесува Раша тудеј.
Непрофитната група позната како Граѓаните за објективно јавно образование (КОПЕ) го нападнала Канзас, како и уште 25 други држави и Националниот истражувачки совет, поради спроведувањето на новите стандарди што наложуваат во училиштата да се изучува општоприфатената наука.
Петнаесет родители и нивните 18 деца се приклучиле во тужбата, а еден од нив за Асошиејтед прес изјавил дека тие се христијани што сакаат нивните деца да веруваат дека „животот е креација направена со одредена цел“.
„Државата треба едноставно да им каже на учениците ‘Создавањето на животот продолжува да биде научна мистерија и на таа тема има многу спротивни идеи’“, вели Џон Калверт, локален адвокат инволвиран во случајот.
Иако научниците и судскиот систем пред неколку децении ја прогласија контроверзијата „еволуцијата наспроти креационизмот“ за неважна, дебатата на оваа тема сè уште беснее меѓу религиозните групи во САД, главно христијани, додека училишните управители се обидуваат да го модернизираат образованието.
Во тужбата се наведува дека државниот образовен систем во Канзас се обидува да промовира „нетеолошки религиозен поглед кон светот“ со тоа што ги учи учениците за широко усвоената теорија на Чарлс Дарвин.
Тезата за еволуцијата, која тој првпат ја изнел кон средината на 19 век, укажува на тоа дека не можат сите видови да преживеат и дека ќе продолжат да постојат само оние што се најспособни да преживеат во својата животна средина. Според таа логика, луѓето и животните ќе ги развијат оние карактеристики со кои ќе можат да напредуваат со текот на времето.
КОПЕ тврди дека со вклучувањето на овој материјал во системот училиштата ќе ги промовираат „материјалистичките“ и „атеистичките“ одговори на научните прашања. Според нив, Канзас ќе ги „индоктринира“ учениците, што е во директна спротивност со Првиот амандман на Уставот, кој го гарантира индивидуалното право на славење на својата религија, без страв од казни.
„До трето одделение ги учите сите основни елементи на дарвинистичката еволуција“, вели Калверт. „До средно училиште веќе сте дарвинист“.
Целата заедница се изјаснила против тужбата, заедно со научниците и образовните активисти. Дури и другите религиозни групи ја осудиле тужбата како губење време, нарекувајќи ја „лекомислена“.
Против тврдењата во тужбата се изјаснил дури и Баптистичкиот заеднички комитет за верска слобода, кој се дефинира себеси како организација посветена на одбраната и проширувањето на „од бога дадената верска слобода“ на сите граѓани.
--- надополнето: 28 септември 2013 во 22:35 ---
Жените не смеат да возат бидејќи тоа влијае лошо на јајниците и карлицата
28.09.2013 | 15:09
Жените во Саудиска Арабија кои ја оспоруваат забраната за возење на автомобили, треба да сфатат дека возењето може да влијае лошо врз јајниците и карлицата, изјавил саудискиот шеик Салах ал-Лухајдан, воедно и психолог, пренесува Ал Арабија.
Возењето "може да има инвертно физиолошко влијание. Физиолошката наука и медицина ја проучувале оваа работа и дошле до откритие дека возењето автоматски влијае врз јајниците и карлицата. Тоа е причината поради која жените кои возат често раѓаат деца со клинички пореметувања од различен степен", рекол шеикот ал-Лухајдан.
Саудиските женски активисти започнале интернет кампања во која ги повикуваат жените да возат автомобили на 26. октомври.
Повеќе од 11.000 жени ја потпишале петицијата во која стои: "Со оглед на фактот што не постои јасно оправдание за државата да им забрани на возрасните, способни жени да возат, на сите жени мора да им се овозможи да научат да возат, а оние кои знаат да добијат возачки дозволи".
http://tocka.com.mk/1/106532/zenite-ne-smeat-da-vozat-bidejki-toa-vlijae-loso-na-jajnicite-i-karlicata
--- надополнето: 28 септември 2013 во 22:39 ---
Татко ја поклонил својата 16-годишна ќерка на сириските бунтовници да им биде сексуална робинка! ВИДЕО+
16-годишната Раван Милад Ал-Дах неодамна била спасена од сексуално ропство и се појавила пред телевизиските камери да ја раскаже својата страшна приказна.
На оваа снимка таа сведочи дека нејзиниот татко во име на џихад ја подарил на сириските бунтовници кои ја користеле како сексуална робинка.
Таа е едно од четирите деца на фармерот Милад Мусе Ал-Дах.
"Пред војната мојот татко беше фармер и се занимаваше со земјоделство. Кога започна војната, во нашето семејство сите почнаа да се расправаат. Што и да направев татко ми ќе ме удреше, што и да се случеше татко ми ќе ме казнеше", тврди Милад и додава дека откако започнала војната нејзиниот татко дома носел вооружени лица.
"Јас на почетокот не знаев кои се тие, но бев шокирана кога 15 денови по ред, мојот татко, мајка, браќа и сестри не сакаа да разговараат со мене. Никој од нив не сакаше да влезе во мојата соба и да разговара со мене. Кога одев до тоалет, морав веднаш да се вратам во собата. Татко ми ми' даваше храна и се' што ми беше потребно, но не ми беше дозволено да излегувам од дома, а не смеев да одам ниту во училиште", тврди Милад, чиј татко по 15 денови и кажал да се истушира, нешто ја зачудило, но сепак била среќна што конечно ќе може да излезе од својата соба.
"Додека се туширав, влезе еден човек кој имаше околу 50 години и беше нормално облечен. Влезе во бањата, која беше мала, но нему тоа не му пречеше. Почнав да викам за помош, и тогаш тој ме фати за коса и ме одведе во мојата соба. Мојот татко го слушна сето тоа, но не дојде да ме спаси од тој човек. Тој човек ме силуваше и во тој момент дојде уште еден човек во собата. Првиот се' уште не престана да ме силува, а вториот веќе ми се приближуваше. Тогаш почнав да викам и да ги молам да се тргнат од мене. Во еден момент се онесвестив, и се освестив по 45 минути", тврди Милад и вели дека веднаш го прашала нејзиниот татко зошто не дошол да ја спаси од луѓето.
"Тогаш татко ми ми' кажа дека се' е во ред и дека е "Џихад" кога на муџахедин ќе му дозволиш да спие со тебе и на тој начин правиш добро дело и сите гревови ти се простени. Татко ми беше убеден дека тоа што ми го направија е "Џихад"", тврди Милад која набрзо се разболела.
Во приложеното видео можете да слушнете за хоророт кој го преживувала 16-годишната Милад.
28.09.2013 | 12:17
http://tocka.com.mk/1/106516/tatko-ja-poklonil-svojata-16-godisna-kerka-na-siriskite-buntovnici-da-im-bide-seksualna-robinka
--- надополнето: 28 септември 2013 во 22:54 ---
Папата Франциск предупредува дека католичката црква го губи фокусот
20.09.2013 06:58
Свет
Папата Франциск предупреди дека католичката црква го губи својот пат со претераното фокусирање на спроведувањето на политиката против контрацепција, абортус и хомосексуалност, наместо да ги отвори вратите и да ја направи цркцвата милосрдна институција.
Во интервју за италијанскиот езуитски магазин La Civiltà Cattolica, папата Франциск исто така ги повтори помирливите ставови кои неодамна ги даде во врска со геј луѓето.
„Еден човек ме праша, во провокативен манир, дали ја одобрувам хомосексуалноста, а јас му одговорив со друго прашање: кажи ми ти мене, кога Бог гледа на геј луѓето, дали го прифаќа нивното постоење со љубов или ги отфрла и осудува?“
Папата додава дека неговите коментари за третирањето на хомосексуалците со почит не претставуваат застранување од учењето на црквата. На некој начин, тој ја најави промената во реториката на официјален Ватикан кога запрашан околу ставот за сексуалноста на свештениците, минатиот јули одговори: „Кој сум јас да судам?“
„Црковната пасторална служба не смее да биде опседната со пренесување на мноштво неповрзани доктрини со упорно наметнување. Мора да пронајдеме нов баланс. Во спротивно моралот на црквата ќе падне како кула од карти, ќе ја изгуби свежината и мирисот на Евангелието.“.
Папата Франциск смета дека е погрешно да се инсистира само на прашањата на абортусот, геј браковите и употребата на контрацептивни методи. Црковното учење по тие прашања е јасно, но нема потреба постојано да се зборува за тоа. Исто така, Франциск повика католиците кои се развеле и повторно стапиле во брак да се третираат поинаку, за да се чувствуваат добредојдени во своите парохии. Ова прашање претставува камен на сопнување за многу католици, бидејќи на оние кои по втор пат се венчаваат им се забранува причестувањето.
http://okno.mk/node/31683
--- надополнето: 28 септември 2013 во 23:07 ---
МАКЕДОНИЈА | 28. АВГУСТ 2013 - 13:50
И мавнал шамар бидејќи се прекрстила среде струшко Октиси http://sitel.com.mk/mk/i-mavnal-shamar-bidejkji-se-prekrstila-srede-strushko-oktisi
--- надополнето: 28 септември 2013 во 23:27 ---
http://www.press24.mk/dobila-shamar-bidejkji-se-prekrstila-srede-strushko-oktisi
