Записите за Џозефина (31)
Свежо утро.
Џозефина се разбуди пред изгрејсонце.
Свежина во нејзините очи,
во кои можеше да ѝ се прочита среќата.
Се плашеше дека нема многу да потрае.
Мирисот на првото утринско кафе
се протегаше низ целата соба,
а таа како по навика уживаше
во секоја голтка која ѝ предизвикуваше задоволство.
Кога сме веќе кај мирисите,
најомилен мирис ѝ беше оној
кога после цел ден изминат со тој
мирисаше како него.
Енергична и ова утро.
Правејќи ги утринските вежби
следена од длабока мотивација
секое делче од нејзиното тело
се затегнуваше и добиваше облик
онаков, каков што требаше да биде.
Кога после тоа влезе под тушот,
кое патем ѝ беше најомилено место
за релаксација и уживање,
со секоја капка вода пролеана
на нејзините колкови и гради
беше поблиску до рајот,
затоа што миењето со чиста вода
за неа беше терапија за душа
исто како читањето поезија на омиленот поет
или слушањето на некоја мелодија
која ѝ беше мелем за уши.
Ги заврши утринските ритуали
и му се насмевна на денот.
Со длабок поглед во далечините
посигурна од било кога,
порешителна од никогаш претходно,
посмела во сите постапки,
посреќна и позадоволна од себе од секогаш!
Беше подготвена за успешен ден,
затоа што само храбрите ги прати среќа.
Пишувам веќе долго време и направив блог конечно и исто така и фб страна за блогот. Ќе бидам пресреќна ако одвоите малку време да ги погледнете 
