Министерство за здравство, по налог на министерот Никола Тодоров, а за негова лична и за корист на регионалната фармаколошка мафија, по долготрајната нелегална примена на вакцината против ДТП, ја регистираше на крај на 2014 година. Оваа вакцина неколку години е дистрибуирана до македонските здравствени домови, иако била нерегистрирана. Со регистрацијата во септември минатата година Тодоров само се обидел да го покрие овој бескрупулозен криминал директно штетен по здравје на децата кои примиле такви вакцини. Конкретно, бебиња од неколку месеци се „имунизирани„ со нерегистрирана вакцина ДИФТЕТКОК (ДТП - дифтерија, тетанус, пертусис).
Регистрацијата на вакцината доаѓа по серија кривични пријави од родители чии деца веќе се со нарушено здравје. Тодоров смислил со регистрацијата да го покрие криминалот и неговата одговорност. Но, родителите се упорни, собрале доволно докази и кривичната пријава веќе е поднесена до Јавното обвинителство. Можеби обвинителството нема да постапува по неа, заради политичката блокада од страна на владејачката партија, ама порано или подоцна по неа ќе мора да се постапува. До сега, од ноември 2014. кога е поднесена, обвинителството по неа не постапувало.
Пријавата е поднесена против непознати сторители и одговорни лица од Министерството за здравство. Поднесена е поради постење основано сомневање за сторено кривично дело производство и пуштање во промет штетни средства за лекување, предвидено и казниво според чл. 212 од Кривичниот Законик. Родителите имаат основи за сомневање врз основа на постапката што „била“ превземена околу набавувањето на вакцината и натамошното спроведување на задолжителна вакцинација на децата против ДТП (дифтерија, тетанус, пертусис) во диспанзерите во кои била дистрибуирана низ Македонија.
Вакцинацијата на децата во Република Македонија се спроведува со вакцината – Дифтеткок од производителот BB - NCIPD ltd. од Бугарија. Вакцината е во промет без претходно да се добие Одобрение за пуштање во промет од Агенцијата за лекови, кое одобрение е УСЛОВ, според чл. 11 од Законот за лекови и медицински помагала (Сл. Весник на РМ № 106/о7). Одобрението (Решение) се издава врз основ на претходно извршена регистрација на вакцината, а таква НЕ Е НАПРАВЕНА! Родителите понатаму се сомневаат дека регистрацијата не е извршена поради фактот што во вакцината Дифтеткок има количини на алуминиум 35 пати над дозволената граница за парентерални раствори и жива која е исфрлена од употреба во вакцините, по препорака на Светската здравствена организација бидејќи докажано предизвикува трајни невролошки оштетувања. Поради овој факт вакцината Дифтеткок не се наоѓа на Листата на Квалификувани вакцини на Светската здравствена организација.
Пуштањето во промет на овој тип вакцина, поттикнува сомнение за несогледливи штетни последици, а отсуството на легалност во постапувањето со вакцината - Дифтеткок, не го открива носителот на одговорността за таквата штета. Граѓаните се изложени на голема неизвесност, од една страна, според Програмата за задолжителна имунизација на населението во Република Македонија, немаат избор (децата на возраст од 2, 3 и 5 месеци ) мора да се вакцинираат со имунолошки лек што не е одобрен, а од друга страна, за штетата никој не се легитимира. Обврските на одговорните лица се јасно определени во законските и Подзаконски решенија за овој проблем, како што се: Законот за заштита на населението од заразни болести (Сл. Весник на РМ № 66/о4, 139/о8 и 99/о9) Правилникот за имунопрофилакса (Сл Весник на РМ № 65) и Програмата за задолжителна имунизација на населението во Република Македонија.
Дека наведената вакцина не ја поминала вообичаената постапка за набавување на ваков тип вакцина е фактот што воопшто не е спроведен тендер, а тоа се потврдува со отсуството во Регистарот на лекови за регистрирани вакцини во Република Македонија, ДОКАЗ кој родителите го доставиле заедно со поднесената кривична пријава. За пријавениот или пријавените, отсуството на тендерска процедура може да се оправдува со добивањето на вакцината како донација. Меѓутоа, исполнувањето на условите за претходна контрола, пред вакцината да биде пуштена во промет, СЕ ОБВРЗУВАЧКИ, а не неусловени поради донаторскиот гест. Приоритет во постапувањето и исполнувањето на законските услови е ефикасната и безбедна заштита на населенито од заразни болести. Оваа цел е особено битна поради задолжителността на имунизацијата кај новороденчињата. Токму затоа и законодавецот ваквата цел ја поставил на повисок степен, санкционирајќи ја како казнено дело и одговорност што е во надлежност на постапување на јавниот обвинител.
За одговорните лица за набавката на вакцината Дифтеткок, Министерството за здравство, транспарентно и јасно ги определило генералните услови што се потребни да бидат исполнети: Централна набавка (тендер), набавка од светски реномирани производители според Листата на СЗО (Светска здравствена организација) регистрирани во РМ или земјите на ЕУ, потоа вакцините да се употребувани во земјата на производителот, да поседуваат Сертификат за исправността од Агенцијата за лекови на земјата производител, инспекциска контрола при прием во министерството за здравство и лабораториска контрола во ИЈЗ (Институт за јавно здравје). Повеќето од овие услови не се исполнети. Одговорните потполно се однесувале неодговорно.
За одговорните лица обврзно е да знаеле дека при набавката на оваа вакцина морале да се запознаат, елементарно со информацијата на Светската здравствена организација од 2012 година, дека серија од вакцина против тетанус и дифтерија од овој производител е суспендирана од употреба поради пронајдено метално онечистување во самиот раствор на вакцината, што укажува на слаб квалитет и слаба контрола на квалитетот од страна на производителот. Од друга страна пак, Република Македонија нема своја биолошка лабораторија во која би се вршела контрола на квалитетот на увезените биолошко/имунолошки лекови кои се применуваат врз населението. Поминувајќи преку ваквите сознанија, со пуштањето во промет на вакцината, министерот Тодоров и неговите соработници се однесувале неодговорно бидејќи децата во Македонија, се изложени на ризикот на ниво на експеримент, а родителите мораат тоа да го прифатат под закана дека ќе бидат кривично гонети ако не ги вакцинираат сопствените деца.
Со оглед на направените пропусти, одговорните лица во министерството за здравство при Владата на Република Македонија, во 2013 и 2014 година, а можеби и подолго, ја ставиле во промет вакцината Дифтеткок од производителот BB-NCIPD ltd. од Бугарија, тскс што ја дистрибуирале до здравствените установи и е извршена задолжителна вакцинација на децата, а вакцината не поминала преку законски предвидените контроли – за набавка, контрола на квалитетот и како таква не се наоѓа во Регистарот на одобрени вакцини, па како неодобрен лек, самиот за себе е штетен за примена.
Родителите преку поднесената кривична пријава бараат од јавното обвинителство, врз основа на нивни сомненија за кои понудиле и докази, да ги провери нивните наводи, да прибере комплетна документација за случајот, поточно како е набавена и од кои одговорни лица во министерството за здравство, да ги открие нивните идентитети, да ги открие и лицата кои без одобрение ја пуштиле вакцината во промет. Родителите бараат од обвинителството по спроведена истрага да поднесе обвинение против сите инволвирани, а во пријавата предлагаат да бидат огласени за виновни и казнети според законот.
Самиот факт дека министерот Тодоров низ избрзана и неиспочитувана постапка ,,избоксувал,, регистрација на штетната вакцина, покажува дека бил свесен дека го кршел законот наназад години, за жал на штета на бебиња кои имаа трајни или долготрајни последици по здравјето. Брзата реакција во ппроцесот на регистрација на вакцината е индиректен доказ и дека најекспонираните родители во акцијата против одговорните лица, биле следени и прислушкувани за да се утврди во која насока одат нивните заложби да дојдат до вистината. До поднесувањето на кривиќната пријава од страна на родителите, министерот Тодоров покажал и дека од нив се плаши, особено откако сфатил дека не му веруваат и не паѓаат на неговите ветувања туку дека се решени да одат до крај.
Родителите на едно од настраданите деца по примената спорна и штетна вакцина, за потребите на овој текст изјавија: „ Со години го кршеа законот кои сами го напишаа и изгласаа (Закон за лекови и медицински помагала, Сл. Весник на РМ № 106/07). Во тој закон се вели дека за да биде некој лек пуштен во промет тој мора да ги помине сите фази на испитување и да биде регистриран. Вакцината Дифтеткок не беше регистрирана до септември 2014., а беше и сеуште е задолжителна за нашите деца на возраст од 2, 3 и 5 месеци старост. Вакцината Дифтеткок веќе со години е во употреба во Македонија, но беше регистрирана на крај на 2014. Вакцината Дифтеткок не се наоѓа на листата на препорачани вакцини на Светска Здравствена Организација, што значи дека не ги исполнува критериумите за квалитет. Кој ќе одговара за тоа што регистрирал и одобрил вакцина за употреба која не е одобрена од СЗО? Во составот на вакцината Дифтеткок има алуминиум кој ги надминуваат дозволените количини за 35 пати или 2500%. Алуминиумот за жал го има во сите вакцини, но во ниту една не е толку високо над интернационално дозволените количини, дури ни во вакцините за возрасни. Докажано е и познато дека алуминиумот примен преку игла остава трајни последици на централниот нервен систем и коските на децата, затоа и употребата му е строго ограничена. Во составот на вакцината Дифтеткок има жива (тиомерсал) која одамна е исфрлена од употреба во вакцините, поради познатите невротоксични својства. За живата не постојат дозволени количества, затоа што ниту едно количество не е дозволено. Но, во вакцината Дифтеткок има жива затоа што таа мора да се додаде како конзерванс кога во едно шишенце вакцина има повеќе дози. Кој одлучил да набавува рефус вакцини? Кој штеди на штета на здравјето на нашите деца? Зошто не се набавиле поединечни дози на вакцина, во кои нема жива? Затоа што се поскапи? И зошто во ниту една друга регистрирана вакцина кај нас нема жива? Иако некој се сетил да ја регистрира вакцината, надевајќи се дека Обвинителството ќе ја одбие кривичната пријава од родителите, тој ист заборавил дека вакцината по завршената регистрација, треба да добие своја цена одобрена од Министерството за здравство, таа цена треба да биде објавена, па дури потоа да биде набавена со соодветна тендерска постапка, за да биде ставена во употреба односно дистрибуирана по здравствените домови, во спротивно се прави финансиски криминал. Кој ќе одговара за тоа? Производителот на спорната вакцина не е ниту реномиран ниту светски познат производител, туку е Бугарски институт кој произведува неколку видови вакцини. Во една од нивните вакцини (против дифтерија и тетанус) во 2011 година е пронајдено метално онечистување во растворот, што говори за лош квалитет и лоша контрола на квалитетот од страна на овој производител. Од таа причина, сите вацини од овој производител се забранети за дистрибуција од страна на Светска Здравствена Организација цела една година. Ако се знае фактот дека ние во Македонија немаме своја лабораторија за контрола на вакцини, употребата на оваа вакцина претставува играње руски рулет, со метална цевката вперена во главите на нашите деца.„
На здравје...
