За разлика од хрватската влада, која пред два дена ги намали акцизите за горивата за 2 евроцента за литар, кај нас нема најави за какви било мерки што ќе влијаат врз сопирање на нагорниот тренд кај цените на нафтените деривати
Владата не размислува да укине или да намали некои од давачките за бензините, со што би го ублажила ударот врз џебот на граѓаните од високите цени на нафтата на светските берзи. „Евросупер 98“ се продава по 78,5 денари за литар, само 2 денара помалку од досега највисоката регистрирана цена од 80,5 денари за литар премиум бензин во летото 2008 година.
Владата не размислува ниту да ја намали давачката од еден денар за литар бензин за Дирекцијата за задолжителни резерви на нафта и нафтени деривати. Давачката беше воведена пред две години, во екот на светската економска криза, кога цените на домашните бензински пумпи и на берзите го достигнаа дното.
Иако хрватската влада пред два дена ги намали акцизите за горивата за 2 евроцента по литар за да го ублажи штетното влијание од нестабилноста на светскиот пазар на сурова нафта, вицепремиерот и министер за финансии Зоран Ставрески вчера рече дека владата не размислува за сличен потег.
- Секоја влада презема мерки во зависност од сопственото видување и потребите на земјата. Ние презедовме други мерки во делот на интервенција на пазарот со стоковните резерви со 40.000 тони пченица. Хрватска не го направи тоа и затоа не можеме да правиме директни споредби. Важно е да бидете ангажирани и да ги решавате проблемите таму каде што се најизразени - изјави вицепремиерот Ставрески.
Хрватската влада пресметала дека со пониските акцизи, кои ќе важат до крајот на годината, ќе се намалат буџетските приходи за околу 3,37 милиони евра месечно. Македонија увезува околу еден милион тони нафта и нафтени деривати годишно, а за годинава, според енергетскиот биланс, беа планирани околу 900.000 тони. За секој литар произведена или увезена нафта, еден денар оди на сметка на новоформираната Дирекција за задолжителни резерви на нафта и нафтени деривати. Таа со овие пари, според законот за нејзиното формирање, треба да обезбеди една четвртина од вкупната годишна потрошувачка како резерва. Но, при нејзиното формирање беше најавено дека, откако ќе се обезбеди оваа резерва, ќе се укине или намали давачката.
Опозицискиот Социјалдемократски сојуз на Македонија вчера побара привремено да се намали или укине акцизата и алтернативно да се воведе нова, пониска стапка на ДДВ за нафтата и нафтените деривати и на тој начин да се намали цената на бензинот. Тие сметаат дека високите давачки за нафтата ~ одговараат на владата затоа што во буџетот се слеваат повеќе пари од даноци од планираното.
- Во октомври минатата година, кога владата го усвои буџетот за 2011 година и со тоа предвиде колку пари очекува да влезат во него, светската цена на суровата нафта беше 83 долари за барел, а сега е над 100 долари за барел. Затоа што цената на нафтата сега е многу повисока од таа што била планирана, Владата има непланирани екстра-приходи во буџетот. Бидејќи сегашната повисока цена на нафтата ќе потрае, тоа значи дека и екстра-приходите во буџетот ќе потраат - изјави Зоран Јовановски, потпретседател на СДСМ.
Тој додаде дека ако не се намалат давачките, екстра-парите од поскапувањето на бензинот, кои сега се слеваат во буџетот да се вратат назад кај граѓаните со привремено зголемување на социјалната помош.
В понеделник се очекува Регулаторната комисија за енергетика (РКЕ) повторно да ги покачи цените на бензините, со што е можно тие да се изедначат со рекордот од екот на светската економска криза. При пресметувањето, РКЕ ги зема предвид курсот на доларот и цената на нафтата од типот „брент“ на лондонската берза на секои 15 дена. Од вкупните давачки во цената на горивата, Владата зема повеќе од 55 отсто, преку новата давачка за резерви, акцизи и ДДВ. Преостанатиот дел се рафинериската цена, давачката од 0,5 денари за транспорт, која оди на сметка на рафинеријата и трговската маржа, која изнесува најмногу 3,2 денари за литар.
http://dnevnik.com.mk/?ItemID=613CE9BA4CBCA247AF4F8A87278D7534
Нова цена на такси услугата во Скопје, која ќе стапи на сила за една седмица.
Со измените и дополнувањата на Одлуката за авто - такси превозот што денеска ги изгласаа советници во Советот на Град Скопје. Така сега, стартот на такси превозот ќе чини 40 денари, додека еден километар 22 денари.
Од Град Скопје информираат дека нема голема измена во цената затоа што досега стартот беше 20 денари, а километар 25 денари.
Втора новина е и тоа што од април сите такси возила ќе бидат унифицирани во жолта боја со нови табли и ленти.
http://zurnal.mk/mk/cont.asp?k=21208120405&s=27209153317&ID=7311165152
( патем рекоа дека требало такси превозот е луксуз не потреба а заборавија дека градскиве татковци ни под разно не сакаат да пуштат автобуси да поминуваат после полноќ до 5 наутро)
Струјата поскапува. Мартовските сметки ќе бидат повисоки за 5,48 проценти. Ова го покажале првичните анализи на Регулаторната комисија за енергетика.
Тие веќе утре на подготвителна седница се очекува и да пресметаат дека ќе имаме нова, повисока цена на електричната енергија.
Зголемувањето на цената, главно, се должи на зголемените трошоци кај енергетските компании.
Мартовското поскапување на електричната енергија, несомнено, ќе предизвика дополнителен ценовен шок. Претходно во јануари поскапи и храната, лебот, млекото, месото, маслото и шеќерот.
http://www.utrinski.com.mk/default.asp?ItemID=154D037016CD1743983F4F25D3916726
Не заборавајте дека владата и државата ве сака , имајте пријатен ден .
