Би Поларно нарушување на личноста

[Ѓорѓески]

Ме интересира повеќе за Би поларното нарушување на личноста и за ефектите на психотерапијата. Ме интересира колку,каде и со кого може да се работи на оваа проблематика имајќија симпатологијата и спецификата на ова ментално заболување?
Има ли Македонија кадар кој може да се занимава со ваквите клиенти или пка да ги наречам пациенти,дали доволно знаат што е Би полар дисордер и дали можат да го дадат правиот совет на таквото лице? Бидејќи и најмал погрешен совет за овие луѓе значи смрт.

 

[noodle ®]

Биполарното растројство е психијатриска состојба дефинирана како повторувачки епизоди на значително нарушување на расположението. Овие нарушувања може да се случат во еден спектрум кој се движи од ослабувачка депресија до незауздана манија. Поединците кои страдаат од биполарно растројство вообичаено искусуваат флуидни состојби на манија, хипоманија или она што се нарекува мешана состојба поврзана со депресивни епизоди.
Во основа, болеста се состои од две фази кои периодично се менуваат: манија (хиперактивност, восхитеност, радост и осеќање семоќност) и депресија (пасивност, чувство на безволност, безвредност, немоќ, тага и очајување).
Овие клинички состојби се разликуваат од нормалните промени на расположението. Растројството има потподелби: биполар I, биполар II, и циклотомично растројство, при што биполар I и II можат да доведат до рапидна цикличност на расположението во текот на годината.
Исто така нарекувано биполарно афективно растројство до скоро, неговото сегашно име е од понов датум и се однесува на кружењето меѓу "високи" и "ниски" епизоди; и го заменува стариот термин манично-депресивна болест, име кое го дал Емил Крепелин (1856 - 1926) во доцниот деветнаесетти век. Новиот термин е создаден за да биде неутрален, и да се избегне стигмата кај пошироката јавност која доаѓа од спојот на зборовите "манија" и "депресија".
Симптомите најчесто се појавуваат во раната зрелост. Дијагнозата се заснова на искуствата кои ги пренесува лицето, како и на набљудувано однесување. Епизодите на болеста се поврзани со емотивна болка и нарушувања, како и се релативно висок ризик од самоубиство. Студиите покажуваат дека генетиката, раното опкружување, невробиологијата, и психолошките и социјалните процеси се важни фактори кои можат да придонесат за појава или спречување на оваа болест. Тековното психијатриско истражување е фокусирано на улогата на невробиологоијата, но не е пронајдена јасна органска причина за појава на болеста. Биполарното растројство најчесто се лекува со медикаменит и/или терапија или советување. Воглавно, медикаментите се од групата на лекови наречена "стабилизатори на расположението", а особено литиум и натриум валпроат; ова се група на неповрзани медикаменти кои се користат како превентива од понатамошни епизоди на болеста. Антипсихотичните медикаменти, понекогаш наречени невролептици, особено оланзапинот, се користат при лекувањето на маничните епизоди. Користа од користење на антидепресанти во депресивните епизоди не е докрај разјаснета. Во посериозните случаи кога постои ризик кон самиот себе и кон другите, се препорачува и недоброволна хоспитализација; ова се случаи кога постојат силни манични епизоди со опасно однесување или депресивни епизоди со идеи за самоубиство. Задржувањата во болница се поретки и траат помалку одошто во минатото.
Некои истражувања покажуваат значајна корелација помеѓу креативноста и биполарното растројство. Сепак, односот помеѓу растројството и креативноста е сеуште многу нејасен.

 

[KoNtEjNeR]

Би поларното растројство се третира со психијатар и психолог. Обично им се дава терапија од антидепресиви и контролори на расположение, но неизбежни се и разговорите со психолог. Тој вид на таканаречено растројство се дефинира како нагли осцилации на расположението, од премногу среќа, отвореност, позитивност до преголема депресија тага како и појава на црни мисли-самоубиство. Во Македонија има стручен кадар кој успешно ги третира овие пациенти овозможувајки им нормален живот па и целосно ослободување од користењето на таблетки.

 

[smart ass]

Биполарното растројство на расположението е вид на депресивно растројство кое во минатото беше познато под името манично депресивна болест. Лицата кои страдаат од биполарно растројство на расположението искусуваат преголеми промени во расположението – од депресија и тага до занесеност и возбуденост.
Промените во расположението обично се повторуваат и може да
варираат меѓу мали и сериозни промени, а исто така често може да траат различно време. Околу еден процент од австралиското население заболува од биполарно растројство на расположението, додека сериозното растројство се
јавува кај околу едно од 200 лица во било кое време. Навременото откривање и
ефикасното навремено лекување се неопходни за здравјето во иднина на лицата кои боледуваат од биполарно растројство на расположението. Со ефикасно лекување, луѓето можат да го живеат животот во целост и продуктивно.

Кои се симптомите на биполарното растројство на рсположението?
Депресија
Депресијата е главно нарушување на расположението кај повеќето луѓе со
биполарно растројство и таа е очигледна со:
• Губење на интерес и задоволство во активности кои претходно носеле задоволство.
• Преголема тага.
• Повлекување од пријателите и избегнување на друштвени активности.
• Престанување да се води сметка за себе, на пример, лицето престанува да пазарува или да се тушира.
• Промени во јадењето и спиењето.
• Губење на концентрација, преголем умор и чувства на вина или безвредност.
• Појава на лажни верувања (делузии) кај некои луѓе дека се прогонувани или чувствување на вина.
Штетното користење на алкохол идруги видови на дрога често се јавува
заедно со симптомите на депресија. Ова го усложнува лекувањето, па
затоа е важно ефикасно да се контролира користењето на алкохол и
други видови на дрога.

Лицата кои се во депресија се изложени на зголемен ризик од самоубиство.

Манија
Терминот ‘манија’ се употребува за да се опише најсериозната состојба на преголема емотивна возбуденост и хиперактивност. Мал број на лица кои
боледуваат од биполарно растројство на расположението искусуваат само
манични епизоди, не депресивни
епизоди.
Следуваат вообичаените симптоми на манија кои се јавуваат со различен
интензитет:
• Зголемено расположение – лицето се чувствува премногу расположено, возбудено и е полно со енергија. Лицата честоопишуваат дека се чувствуваат како да се наоѓаат на врвот од светот и дека се семоќни.
• Зголемена енергија и хиперактивност.
• Намалена потребата за спиење.
• Избувливост – лицето може им се лути и да се нервира со луѓето кои не ги прифаќаат или ги отфрлаат неговите/нејзините планови или идеи кои понекогаш не се реални.
• Зголемена брзина на мислата и говорот – мислите се побрзи отколку што е вообичаено. Ова може да предизвика лицето брзо да зборува и да скока од тема на тема.
• Непромисленост – таа се јавува како резултат на намалената способност на лицето да ги предвиди последиците на неговото/нејзиното однесување, како на пример, трошење големи парични износи за купување на работи кои не се навистина потребни.
• Преамбициозни планови и идеи - вообичаено е за луѓето кои искусуваат манија да веруваат дека се невообичаено талентирани или надарени, или дека на пример се кралеви, филмски ѕвезди или премиери. Често верските
верувања стануваат посилни или луѓето веруваат дека се важни верски личности.
• Намалена проникливост – луѓето кои искусуваат манија може да не
бидат во состојба да препознаваат дека нивното однесување е
несоодветно, иако може да разбираат дека другите луѓе сметаат дека нивните идеи и постапки се несоодветни, непромислени или неразумни.
• Манијата се дијагностицира кога симптомите се присутни една недела или подолго време.
Хипоманијата е помалку сериозна и може да трае пократко време.



Нормално расположение
Повеќето луѓе имаат нормално расположение меѓу епизодите на манија и депресија. Тие се способни да водат продуктивен живот и да ги извршуваат домашните и работните обврски. Проценка и лекување на менталната болест се потребни кога расположението станува екстремно и кога го попречува вообичаениот живот.

Што предизвикува биполарно растројство на расположението?
Мажите и жените се подеднакво изложени на оваа ментална болест. Таа најчесто се јавува кога луѓето се во дваесетите години, меѓутоа таа може да се јави порано или подоцна во животот. Се верува дека биполарното растројство на расположението го предизвикуваат комбинација на фактори, вклучувајќи ги генетските и биохемиските фактори, како и средината

Генетски фактори
Испитувањата направени на лица во крвно сродство, на пример, идентични близнаци и посвоени деца чии родители имале биполарно растројство на расположението, цврсто укажуваат на тоа дека болеста се пренесува генетски. Децата чии родители го имаат ова растројство се изложени на поголем ризик и тие да заболат од него.

Биохемиски фактори
Се смета дека манијата, исто како депресијата, делумно ја предизвикува хемиска неурамнотеженост во мозокот. Ова може да се лекува со лекарства.

Стрес
Стресот може да има удел при предизвикувањето на симптомите, меѓутоа не секогаш. Понекогаш, самата болест може да ги предизвика стресните случки (на пример, развод или пропаѓање на бизнис), кои понатаму се окривуваат за појавата на болеста.

Какво лекување имаме т.е терапија(порано било ќотек и мачење)
Биполарното нарушување на расположението може ефикасно да се лекува. Важно е лицето да се информира за болеста и да се подучи како да ги препознава раните знаци кои и претстојат на епизоди на болеста и како да преземе превентивни мерки. Во овој случај може да биде посебно корисна
поддршката од врсниците. Одредени лекарства помагаат во контролирањето на промените во расположението. Во депресивната фаза на оваа болест, антидепресантите може да ги намалат депресивните чувства, да ги повратат нормалното спиење и апетит и да ја намалат
вознемиреноста. Антидепресантите не создаваат зависност-те е ретко. Тие
постепено ги враќаат невротрансмитерите во мозокот во рамнотежа и потребно е да поминат една до четири недели за тие да
можат ефикасно да делуваат.
[/U] За да се спречи повторна појава на епизоди на болеста можеби ќе биде потребно да се користат лекарства кои се земаат долгорочно..
За да се излечат, на луѓето може да им помогнат работи како што се
промена во начинот на живеење, на пример, физичко вежбање и намалување на штетното користење на алкохол и други видови дрога, како и на други работи кои ги предизвикуваат епизодите на болеста.
Психолошките интервенции може да бидат важен дел од лекувањето. Терапиите, како што е когнитивната бихевиористичката терапија (КБТ), имаат за цел да го променат начинот на размислување, однесувањето и верувањата кои придонесуваат кон појавата на болеста. Терапиите за подобрување на меѓучовечките односи им помагаат на луѓето да научат нови начини како да се однесуваат со луѓето кои се важни во нивниот живот.
Кога луѓето имаат манична епизода, може да биде тешко да се убедат
дека им треба помош. Ако симптомите се сериозни, понекогаш,
потребно е да се хоспитализира лицето.
Многу луѓе никогаш не одат на лекување во болница и тие целосно ги добиваат услугите на здравствена нега во заедницата.
Со соодветно лекување и поддршка, лицата кои боледуваат од биполарно растројство на расположението имаат исполнет и продуктивен живот.
Семејството и пријателите на лицата со биполарно растројство на расположението често може да се чувствуваат збунети и потресени. Поддршката и подучувањето, како и подоброто разбирање од заедницата, претставуваат важен дел од лекувањето.

 

[Cool Hand Luke]

Психотерапија со лекови може многу да помогне до некој степен, асентра во комбинација со хелекс за некој месец може да те нормализира и зацврсти. Но овие лекови само во консултација со психијатар. Но нив не можеш вечно да ги земаш, тие служат само како поттик, а се зависи од тебе.
А инаку, заљуби се бе брат, да видиш како СЕ ќе се промени.

Обиди се со автосугестија, СЕКОЈА вечер пред спиење во кревет - јас сум најдобар, јас сум најсилен, јас сум супермен - повторувај си. Успехот е загарантиран.

 

[marko_d]

Сумњам дека имам некое благо биполарно нарушување , веројатно нормално е тоа за возраста и ?!

 

[bucio]

Студиите покажуваат дека генетиката, раното опкружување, невробиологијата, и психолошките и социјалните процеси се важни фактори кои можат да придонесат за појава или спречување на оваа болест. Тековното психијатриско истражување е фокусирано на улогата на невробиологоијата, но не е пронајдена јасна органска причина за појава на болеста.

Нема органска причина нема болест .

Обиди се со автосугестија, СЕКОЈА вечер пред спиење во кревет - јас сум најдобар, јас сум најсилен, јас сум супермен - повторувај си. Успехот е загарантиран.

Што ќе биде кога ќе потфрли мантрата затоа што сигурно нема да биде најдобар и најсилен, затоа што од курназ има покурназ ?

Тоа автосугестија повторување на зборови не знам колку е успешно, не го отфрлам како фактор имам читано доста за тоа и се има исто така пишувано доста за тоа, ама сепак не би требало да бидат само празни зборови има доста попрактични работи како моќтта на вољата (може секојдневно човек да прави мали работи кои што му представуваат некоја нелагодност за да ја вежба својата воља и концентрација на своите мисли и вежбање на вниманието).

 

[Magde.]

За ова се имам бааги исплашено зашто ги имав сите симптоми на болеста.
Ама ми кажаа дека кај болните се многу поизразени симптомите

Обиди се со автосугестија, СЕКОЈА вечер пред спиење во кревет - јас сум најдобар, јас сум најсилен, јас сум супермен - повторувај си. Успехот е загарантиран.

Не е баш така зашто тогаш ќе западнат во манчна состојба и се хиперактивни премногу.
Чуда прават ради својата хиперактивност.
Има на јутуб клипови и исповеди од болни од Биполарност.

 

[DonJas]

Сумњам дека имам некое благо биполарно нарушување , веројатно нормално е тоа за возраста и ?!

Не е.

Се дешава на секоја возраст, и тоа е твојата психа Додич.
И во принцип немаш биполарност не се секирај. Немаш ни С од симптомите, прочитај поназад. Ти си брат праволиниски, немаш нагло паднистани во расположение.

 

[marko_d]

Не е.

Се дешава на секоја возраст, и тоа е твојата психа Додич.
И во принцип немаш биполарност не се секирај. Немаш ни С од симптомите, прочитај поназад. Ти си брат праволиниски, немаш нагло паднистани во расположение.

Праволиниски ? не би рекол .... или можда не се приметуе ?!, али финтата е шо заради промените од детство > возрасен овие ствари се нормални, и сеа нормално дека немам некои тешки симптоми, него брзо мењам расположење ...

 

[DonJas]

Праволиниски ? не би рекол .... или можда не се приметуе ?!, али финтата е шо заради промените од детство > возрасен овие ствари се нормални, и сеа нормално дека немам некои тешки симптоми, него брзо мењам расположење ...

Брзо, тебе ти изгледа брзо, ама не е така како шо мислиш и не е ништо страшно, пошо ваквите ствари се гледаат од километар, а ти делуваш релативно нормално, исклучувајќи го фактот шо знаеш да досаѓаш на час и слично, немаш биполарност, али направи муабет со физика, она у оптичка леќа магнет ќе ти најде, такада можда имаш север и југ. Па ќе привлекуеш птици назима.

 

[marko_d]

Брзо, тебе ти изгледа брзо, ама не е така како шо мислиш и не е ништо страшно, пошо ваквите ствари се гледаат од километар, а ти делуваш релативно нормално, исклучувајќи го фактот шо знаеш да досаѓаш на час и слично, немаш биполарност, али направи муабет со физика, она у оптичка леќа магнет ќе ти најде, такада можда имаш север и југ. Па ќе привлекуеш птици назима.

абе не викам ја дека сум за у лудница, него така се осеќам у последно време ....

 

[ZoraNaSlobodata]

Другар ми е болен од ова :nesum:, некогаш влегва во многу нереални филмој :S .

 

[Cool Hand Luke]

Што ќе биде кога ќе потфрли мантрата затоа што сигурно нема да биде најдобар и најсилен, затоа што од курназ има покурназ ?

Тоа автосугестија повторување на зборови не знам колку е успешно, не го отфрлам како фактор имам читано доста за тоа и се има исто така пишувано доста за тоа, ама сепак не би требало да бидат само празни зборови има доста попрактични работи како моќтта на вољата (може секојдневно човек да прави мали работи кои што му представуваат некоја нелагодност за да ја вежба својата воља и концентрација на своите мисли и вежбање на вниманието).

Целта на автосугестијата не е некој да делува на светот и на луѓето околу него туку на себе, исклучиво само со самиот себеси да се споредува. Како во мојот натпис над аватарот. Целта е постигнување на стабилност и силна рамнодушност кога веќе нема реални услови за вистинска среќа, како на пример заљубеност И потребно е тие зборови со вистинска волја да се кажуваат, не како рутинска работа.

За ова се имам бааги исплашено зашто ги имав сите симптоми на болеста.
Ама ми кажаа дека кај болните се многу поизразени симптомите

Не е баш така зашто тогаш ќе западнат во манчна состојба и се хиперактивни премногу.
Чуда прават ради својата хиперактивност.
Има на јутуб клипови и исповеди од болни од Биполарност.

И хиперактивноста и депресијата имаат ист извор иако така не изгледа, а тоа е - слабоста. Депресијата е само малку поискрена, првата е тотално лицемерие Зависи како кај кого, секој треба да си ги најде вистинските зборови, јас немам визии дека ќе станам буквално супермен, ниту дека во однос на други ќе делувам така, туку само со себеси. Само јас самиот себеси сум си и конкуренција и мотив. А целта на психичката сила не е хиперактивно однесување туку баш она што најприродно ни следува - смиреноста. Само што таа смиреност пак некој ја изедначува со депресија. Силна смиреност можеби.
ОК, тогаш психотерапија, и тоа е искуство сепак. Едно време одамна јас земав онакви работи какви што напишав погоре и добро беше до некаде. Само што пак некако ко јас да не бев баш јас, иако организмот ми се навикна на нив.

 

[bucio]

Целта на автосугестијата не е некој да делува на светот и на луѓето околу него туку на себе, исклучиво само со самиот себеси да се споредува. Како во мојот натпис над аватарот. Целта е постигнување на стабилност и силна рамнодушност кога веќе нема реални услови за вистинска среќа, како на пример заљубеност И потребно е тие зборови со вистинска волја да се кажуваат, не како рутинска работа.

Но зошто човек би се задоволил со илузија кога може да биде вистински среќен, секоја илузија на крај завршува лошо затоа што е само обична илузија.





П.С. Хиперактивниот човек не е болен човек туку е успешен човек, затоа што со својата активна моќ ги завршува работите брзо успешно и ефикасно, и останатиот дел од околината љубоморно го етикетира како болен :baeh:.